កីឡាករនិងបុគ្គលិកក្លឹប Leicester ចូលរួមគោរពវិញ្ញាណក្ខន្ធម្ចាស់ក្លឹបនៅបាងកក
05 Nov 2018 - 12:10:11 SHARE
កីឡាករនិងបុគ្គលិករបស់ក្លឹប Leicester City ទាំងអស់ បានធ្វើដំណើរមកដល់ទីក្រុងបាងកកប្រទេសថៃកាលពីថ្ងៃអាទិត្យម្សិលមិញ។ ការធ្វើដំណើរមកប្រទេសថៃ ដើម្បីចូលរួមបុណ្យសពលោក Vichai Srivaddhanaprabha ជាម្ចាស់ក្លឹប ទើបទទួលមរណភាពកាលពីសប្ដាហ៍មុនក្នុងហេតុការណ៍ធ្លាក់ឧទ្ធម្ភាគចក្រ។
Jamie Vardy និងប្រធានក្រុម Wes Morgan រួមទាំងមិត្តរួមក្រុមជាច្រើននាក់ផ្សេងទៀតបានទៅចូលរួមកម្មវិធីបុណ្យលោក Vichai ដែលរៀបចំក្នុងវត្តមួយកន្លែងក្នុងទីក្រុងបាងកក។ កីឡាកររបស់ Leicester City ទៅដល់ថៃ បន្ទាប់ពីយកឈ្នះ Cardiff City ១-០ នៅ Premier League កាលពីថ្ងៃសោរ៍។
លោកVichaiជាមហាសេដ្ឋីជនជាតិថៃមានអាយុ៦០ឆ្នាំ ហើយក៏ជាម្ចាស់ក្លឹបLeicester Cityផងនោះ ជាមួយនឹងមនុស្សបួននាក់ទៀត បានស្លាប់ភ្លាមៗក្រោយឧទ្ធម្ភាគចក្ររបស់លោកធ្លាក់ បន្ទាប់ពីហោះចេញពីកីឡាដ្ឋានLeicesterក្រោយចប់ការប្រកួត។ ហេតុការណ៍នេះបង្កឲ្យមានភាពភ្ញាក់ផ្អើលយ៉ាងខ្លាំង ហើយពុំទាន់មានការបញ្ជាក់ពីមូលហេតុនៃការធ្លាក់ឧទ្ធម្ភាគចក្រនៅឡើយទេ។ ក្រុមកីឡាករនិងបុគ្គលិកក្លឹបដែលចូលរួមក្នុងពិធីគោរពវិញ្ញាណក្ខន្ធ បានបង្ហាញការសោកស្ដាយនិងក្ដុកក្ដួលបំផុត៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
Roma ជឿជាក់ថាអាចនាំយកខ្សែប្រយុទ្ធ Carles Perez ពី Bacelona
នេះបើតាមការចុះផ្សាយរបស់សារព័ត៌មាន El Mundo Deportivo ក្លឹប Roma បាននឹងកំពុងជឿជាក់កាន់តែខ្លាំង ថាអាចជោគជ័យលើការចរចានាំយកខ្សែប្រយុទ្ធ Carles Perez មកចូលរួមជាមួយក្លឹបរបស់ខ្លួននាសប្តាហ៍នេះ។ កីឡាករវ័យ ២១ ឆ្នាំ បានបង្ហាញខ្លួន ១២ ប្រកួតហើយសម្រាប់ក្លឹប Barcelona ដោយក្នុងនោះមានចាប់ផ្តើមជម្រើសដំបូង ៧ លើក តែភាគច្រើនបានត្រឹមជាតួអង្គជំនួសពេលកីឡាករសំខាន់រងរបួសតែប៉ុណ្ណោះ។ តាមប្រភពបានឲ្យដឹងថាកិច្ចព្រមព្រៀងអាចនឹងបញ្ចប់ទៅបានក្រោមការចរចារវាងភាគីខាងប្រធានជាន់ខ្ពស់លោក Ginaluca Petrachi របស់ Roma និងភាគីខាង Barcelona លើតម្លៃខ្លួនប្រមាណ ១៥ លានអឺរ៉ូ៕
28 Jan 2020
Other News
ក្លឹប Man Utd មានទំនុកចិត្តក្នុងការសម្រេចកិច្ចព្រមព្រៀងផ្ទេរ Bruno Fernandes
កីឡាករ Bruno Fernandes របស់ក្លឹប Spoting បានក្លាយជាកម្មវត្ថុនៃចំណាប់អារម្មណ៍របស់ក្លឹប Man Utd នៅរដូវកាលទិញដូរខែមករានេះ ប៉ុន្តែខ្សែបម្រើរូបនេះគ្រោងដឹកនាំការប្រកួតនៅលើទីលានប្រកួតហើយ។ វាហាក់ដូចជាថា ក្លឹបបិសាចក្រហមបានដាក់សំណើផ្ទេរកីឡាករសញ្ជាតិព័រទុយហ្គាល់រូបនេះជាលើកទី៣ ប៉ុន្តែទាំងក្លឹប Man Utd និងក្លឹប Spoting បានប៉ាន់ប្រមាណតម្លៃខុសគ្នា១០លានផោន។ ប្រធានបច្ចេកទេសក្លឹប Sporting លោក Frederico Varandas និងលោក Jorge Mendes ជាភ្នាក់ងាររបស់ Bruno បានធ្វើដំណើរមកក្លឹប Man Utd កាលពីថ្ងៃព្រហស្បតិ៍ ប៉ុន្តែមិនទាន់ឯភាពលើកិច្ចព្រមព្រៀងនៅឡើយជាមួយនឹងនាយករងប្រតិបត្តិរបស់ក្លឹប Man Utd លោក Ed Woodward។ ទោះបីជាយ៉ាងណា គេរំពឹងថា ការចរចានឹងបន្តនៅសប្តាហ៍នេះ ហើយកីឡាករវ័យ២៥ឆ្នាំរូបនេះអាចនឹងត្រូវបានដកចេញពីក្រុមជម្រើសរបស់លោក Jorge Silas ប្រសិនបើ Man Utd សម្រេចកិច្ចព្រមព្រៀងនោះ៕
28 Jan 2020
Other News
ក្លឹប Liverpool គឺជាគោលដៅរបស់កីឡាករ Kylian Mbappe
ការផ្ទេរមកកាន់ក្លឹប Liverpool ត្រូវបានគេចាត់ទុកថា ជាជម្រើសដ៏គួរឲ្យទាក់ទាញសម្រាប់កីឡាករ Kylian Mbappe របស់ក្លឹប PSG ពីព្រោះកីឡាកររូបនេះសុបិន្តចង់លេងនៅក្របខណ្ឌ EPL នៅថ្ងៃណាមួយ។ នេះគឺជាទស្សនរបស់លោក Julien Laurens ជាអ្នកជំនាញវិស័យបាល់ទាត់បារាំង ដែលនិយាយថា Kylian ធ្លាប់បានពិចារណាពីសំណើរបស់ក្លឹប Liverpool រៀងរាល់ថ្ងៃ។មានការភ្ជាប់ក្លឹប Liverpool ទៅនឹងកិច្ចព្រមព្រៀងផ្ទេរ Kylian ខណៈការប៉ាន់ប្រមាណនៅតែបន្តកើតមានជុំវិញអនាគតរបស់កីឡាករសញ្ជាតិបារាំងរូបនេះ។ គេចាត់ទុកថា ក្លឹប Real Madrid គឺជាក្លឹបដែលមានប្រៀបក្នុងការចុះកិច្ចព្រមព្រៀងផ្ទេរកីឡាករម្ចាស់មេដាយមាសវើលខាប់វ័យ២១ឆ្នាំរូបនេះ ប្រសិនបើកីឡាកររូបនេះសម្រេចចិត្តចាកចេញពីក្លឹប PSGពិតមែន។ ប៉ុន្តែលោក Julien បាននិយាយថា Kylian ចាប់អារម្មណ៍នឹងការចូលរួមជាមួយក្រុម Liverpool ដែលជាក្រុមម្ចាស់ជើងឯកពិភពលោកនិង CL ផងដែរ ជាពិសេសការចូលរួមជាមួយក្រុមរបស់លោក JurgenKlopp៕
28 Jan 2020
Other News
លោក Zinedine Zidane អាចចាកចេញពី Real Madrid ជាលើកទី២ នៅចុងបញ្ចប់រដូវកាលនេះ
លោក Zinedine Zidane នៅតែហ៊ុំព័ទ្ធដោយពាក្យចចាមអារ៉ាមថារូបលោកអាចនិងដើរចេញពីក្រុមអធិរាជស Real Madrid ម្តងទៀត ខណៈមានប្រភពពត៌មានពី soccerlink.fr នៅប្រទេសបារាំងអះអាងថាអ្នកចាត់ការទូទៅសញ្ជាតិបារាំងរូបនេះ កំពុងថ្លឹងថ្លែងពីលទ្ធភាពរបស់លោកថាគួរបន្តដឹកនាំ រឺត្រូវបញ្ចប់កិច្ចសន្យាពេលចុងបញ្ចប់នៃរដូវកាលនេះស្របពេលចំនុចរសើបទាំង៣ ខាងក្រោមជាមូលហេតុដែលគាត់អាចចាកចេញពីកីឡាដ្ឋាន Santiago bernabeu ជាលើកទី២។ ចំនុចដំបូងគឺអ្វីដែលជារឿងល្អក់កកររវាងគ្រូបង្វឹក និងប្រធានក្លឹបគឺលោក Florentino Perez ព្យាយាមនាំយកអតីតគ្រូបង្វឹក Jose Mourinho ត្រឡប់មកទឹកដី Santiago Bernabeu វិញដើម្បីជំនួសរូបលោកនាពេលកន្លងមក។ មួយវិញទៀត ក្តីសង្ឃឹមចង់បានខ្សែបម្រើរួមជាតិ Paul Pogba គឺជាប្រធានបទដែលមិនមានលក្ខណៈចុះសម្រុង គ្នារវាងថ្នាក់ដឹកនាំក្រុមទាំងពីរខណៈដែលរូបលោកបង្ហាញភាពអស់សង្ឃឹមដែលក្រុមមិនមានចេតនាព្យាយាមចង់នាំយកកីឡាកររូបនេះ មករួមក្រុមបន្តទៀត។ ព្រមជាមួយគ្នានេះដែរប្រធានសហព័ន្ធបាល់ទាត់បារាំងលោក Noel Le Graet ក៏បានចាត់ទុកបេក្ខភាព លោក Zinedine Zidane ជាអ្នកស្នងតំណែងដ៏ល្អពីគ្រូបង្វឹកបច្ចុប្បន្នគឺលោក Didier Deschamps។
28 Jan 2020
Other News
Mikel Arteta សប្បាយចិត្តក្រោយកីឡាករក្មេងៗ Arsenal បង្ហាញភាពក្លាហាននៅផ្ទះ Bournemouth
អ្នកចាត់ការ Arsenal លោក Mikel Arteta សប្បាយចិត្តខ្លាំងបន្ទាប់ពីក្រុមកីឡាករវ័យក្មេងរបស់លោកបានបង្ហាញភាពក្លាហានដើម្បីយកឈ្នះក្រុម Bournemouth ២-១ នៅកីឡដ្ឋាន Vitality ក្នុងជុំទី៤ FA Cup យប់ថ្ងៃចន្ទទី២៧ខែមករាឆ្នាំ២០២០។ ក្រុមកីឡាករវ័យក្មេងរបស់លោក Arteta បានបង្ហាញសមត្ថភាពល្អដើម្បីយកជ័យជម្នះដែលបានពីគ្រាប់បាល់ក្នុងវគ្គទី១របស់ Bukayo Saka និង Eddie Nketiah។កីឡាករបម្រុង Sam Surridge របស់ Bournemouth តបត១គ្រាប់វិញក្នុងនាទី៩០+៤។ ការប្រកួតបន្ទាប់ Bournemouth នឹងស្វាគមន៍ Aston Villa ក្នុង Premier League នៅថ្ងៃទី១ខែកុម្ភៈ ចំណែក Arsenal នឹងទៅផ្ទះ Burnley នៅថ្ងៃទី២ខែកុម្ភៈ៕
28 Jan 2020
Other News
Solskjær អរគុណកីឡាករ Man Utd ដែលយកឈ្នះលើក្រុម Tranmere Rovers ៦-០
ក្រុមបិសាចក្រហម Manchester United បានយកឈ្នះលើក្រុមលីគក្រោម Tranmere Rovers បានក្នុងលទ្ធផលដល់ទៅ ៦-០ ឯណោះក្នុងការប្រកួត FA Cup នៅយប់មិញ។ ក្រុមបិសាចក្រហមដែលធ្វើមិនបានល្អក្នុងលីគ បែរជាលេងក្រុមកម្រិតក្រោម Tranmere Rovers ចាស់ដៃតែម្ដងនៅយប់មិញនេះ។ ពួកគេបានដាក់ក្មេងៗឱ្យលេងច្រើនមែន ប៉ុន្តែទម្រង់ប៉ះក្រុមខ្សោយនេះ ពិតជាមើលទៅល្អនិងមានឱកាសច្រើនក្នុងការរកគ្រាប់បាល់។ លោក Ole អ្នកចាត់ការក្រុម Man Utd បាននិយាយក្រោយចប់ការប្រកួតថា៖ “វាជារដូវកាលដ៏ពិបាកសម្រាប់យើង ប៉ុន្តែយើងមិនបោះបង់ក្ដីស្រមៃចោលឡើយ។ អរគុណដល់ក្រុមកីឡាករនៅថ្ងៃនេះ ដែលបានជួយក្រុមសម្រេចបានឡើងវគ្គបន្ដទៀត។ នៅពេលអ្នកអាចរកគ្រាប់បាល់បានតាំងពីដើមតង់ នោះការប្រកួតនឹងធ្វើឱ្យអ្នកមានបារម្ភស្រួលក្នុងខ្លួនមិនខាន។ យើងរំពឹងថានឹងធ្វើឱ្យបានល្អបែបនេះបន្ដទៀត”៕
27 Jan 2020
