photo of Leicester City
កីឡាករ​​និង​បុគ្គលិក​​ក្លឹប​​Leicester City​​ ចូលរួម​​គោរព​វិញ្ញាណក្ខន្ធ​​ម្ចាស់​ក្លឹប​​នៅ​បាងកក​

កីឡាករ​និង​បុគ្គលិក​របស់​ក្លឹប ​Leicester City ​ទាំងអស់ បាន​ធ្វើដំណើរ​មកដល់​ទីក្រុង​បាងកក​ប្រទេស​ថៃ​កាលពី​ថ្ងៃអាទិត្យ​ម្សិលមិញ​។ ការធ្វើដំណើរ​មក​ប្រទេស​ថៃ ដើម្បី​ចូលរួម​បុណ្យសព​លោក​ Vichai Srivaddhanaprabha ​ជា​ម្ចាស់​ក្លឹប ទើប​ទទួលមរណភាព​កាលពី​សប្ដាហ៍​មុន​ក្នុង​ហេតុការណ៍​ធ្លាក់​ឧទ្ធម្ភាគចក្រ​។

Jamie Vardy និង​ប្រធាន​ក្រុម Wes Morgan រួម​ទាំង​មិត្ត​រួម​ក្រុម​ជា​ច្រើន​នាក់​ផ្សេង​ទៀត​បាន​ទៅ​ចូលរួម​​កម្មវិធី​បុណ្យ​លោក Vichai ដែល​រៀបចំ​ក្នុង​វត្ត​មួយ​កន្លែង​ក្នុង​ទីក្រុង​បាងកក។ កីឡាករ​របស់ Leicester City ទៅ​ដល់​ថៃ​​ បន្ទាប់​ពី​យក​ឈ្នះ Cardiff City ១-០ នៅ Premier League កាល​ពី​ថ្ងៃ​សោរ៍។

photo of Leicester City
កីឡាករ​​ក្លឹប ​​Leicester City​​ ចូលរួម​​គោរព​វិញ្ញាណក្ខន្ធ​​ម្ចាស់​ក្លឹប​​នៅ​បាងកក​

លោក​Vichai​ជា​មហាសេដ្ឋី​ជនជាតិ​ថៃ​មាន​អាយុ​៦០​ឆ្នាំ ហើយក៏​ជា​ម្ចាស់​ក្លឹប​Leicester City​ផង​នោះ ជាមួយនឹង​មនុស្ស​បួន​នាក់​ទៀត បាន​ស្លាប់​ភ្លាមៗ​ក្រោយ​ឧទ្ធម្ភាគចក្រ​របស់លោក​ធ្លាក់ បន្ទាប់ពី​ហោះ​ចេញពី​កីឡាដ្ឋាន​Leicester​ក្រោយ​ចប់​ការប្រកួត​។ ហេតុការណ៍​នេះ​បង្កឲ្យមាន​ភាព​ភ្ញាក់ផ្អើល​យ៉ាងខ្លាំង ហើយ​ពុំទាន់​មាន​ការបញ្ជាក់​ពី​មូលហេតុ​នៃ​ការធ្លាក់​ឧទ្ធម្ភាគចក្រ​នៅឡើយ​ទេ​។ ក្រុម​កីឡាករ​និង​បុគ្គលិក​ក្លឹប​ដែល​ចូលរួម​ក្នុង​ពិធី​គោរព​វិញ្ញាណក្ខន្ធ បានបង្ហាញ​ការសោកស្ដាយ​និង​ក្ដុកក្ដួល​បំផុត​៕

photo of Leicester City ​​
កីឡាករ​​និង​បុគ្គលិក​​ក្លឹប​​Leicester City​​ចូលរួម​​គោរព​វិញ្ញាណក្ខន្ធ​​ម្ចាស់​ក្លឹប​​នៅ​បាងកក​
photo of Leicester City ​​
កីឡាករ​​និង​បុគ្គលិក​​ក្លឹប​​Leicester City ​​ចូលរួម​​គោរព​វិញ្ញាណក្ខន្ធ​​ម្ចាស់​ក្លឹប​​នៅ​បាងកក​