កីឡាករ Daniel Zsori បានឈ្នះពានរង្វាន់គ្រាប់ស៊ុតល្អដាច់គេប្រចាំ FIFA Puskas Award 2019
24 Sep 2019 - 11:54:26 SHARE
កីឡាករឆ្នេីម Daniel Zsori បានឈ្នះពានរង្វាន់គ្រាប់ស៊ុតល្អដាច់គេប្រចាំ FIFA Puskas Award 2019 កាលពីយប់មិញនេះដែលបានយកឈ្នះគ្រាប់ស៊ុតល្អរបស់កីឡាករ Lionel Messi និងកីឡាករ Juan Fernando Quintero ដែលការ ប្រគល់ពាននេះ ត្រូវបានធ្វើឡើងនៅរាត្រីថ្ងៃទី២៤ ខែកញ្ញា ឆ្នាំ២០១៩ នាទីក្រុងមីឡេន ប្រទេសអ៊ីតាលី។
សម្រាប់ម្ចាស់ពានរង្វាន់គ្រាប់បាល់ស៊ុតល្អដាច់គេប្រចាំឆ្នាំ២០១៩ របស់ FIFA ក្នុងរដូវកាលនេះបានទៅលើ កីឡាករខ្សែប្រយុទ្ធ Daniel Zsori សញ្ជាតិរ៉ូម៉ានី ដែលមានវ័យទើបតែ ១៨ឆ្នាំលេងឲ្យក្រុម Debrecen ក្នុងប្រទេសហុងគ្រី ខណៈបច្ចុប្បន្នរូបគេបានផ្ទេរទៅកាន់ក្លឹប Fehervar។
១គ្រាប់របស់ Daniel ដែលឈានដល់ការឈ្នះពាន FIFA Puskas Award 2019 បានកើតចេញពីការព្យាយាម ទាត់បកក្រោយ (ហ្ស៊ីហ្សូ) ចូលទីបានយ៉ាងល្អនៅនាទីចុងម៉ោង ក្នុងជំនួប ២-១ ទល់នឹងក្រុម Ferencvaros ហើយជាគ្រាប់បាល់ទី ១របស់គេក្នុងចំណោម ១៥ប្រកួតជាក្រុម Debrecen នារដូវកាលឆ្នាំ២០១៨-២០១៩ ដែលស្ថិតក្នុងលីគនៃប្រទេសហុងគ្រី៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
Sterling និង Gomez ត្រូវបានដកឈ្មោះចេញពីជម្រើសជាតិ ក្រោយប៉ះទង្គិចគ្នាក្នុងក្លឹប PL នាសប្តាហ៍មុន
ទាំងកីឡាករខ្សែប្រយុទ្ធ Raheem Sterling និងខ្សែការពារកណ្តាល Joe Gomez ត្រូវបានគ្រូបង្វឹក Gareth Southgate លុបឈ្មោះចេញពីក្រុមជម្រើសជាតិអង់គ្លេស ត្រៀមប្រកួត Euro 2020 សប្តាហ៍នេះ បន្ទាប់ពីពួកគេទាំងពីរបានប៉ះទង្គិចគ្នាក្នុងក្លឹបកាលពីនៅ Premier League នាសប្តាហ៍មុន។ កីឡាករពាក់លេខ៧ នៅក្នុងក្លឹប Manchester City, Sterling បានប៉ះទង្គិចជាមួយ Gomez នៅក្រោយពេលក្រុម របស់គេប្រកួតចាញ់ Liverpool ៣-១ កាលពីរាត្រីថ្ងៃអាទិត្យសប្តាហ៍មុននៅកីឡដ្ឋាន Anfield ដែលនាំឲ្យគ្រូបង្វឹក Southgate សម្រេចដកឈ្មោះពួកគេចេញពីជម្រើសជាតិ មុនពេលប៉ះក្រុមម៉ុងតេនីក្រូនៅ Wembley ស្អែកនេះ និងបន្តទៅប៉ះក្រុមម្ចាស់ផ្ទះកូសូវ៉ូ នៅរាត្រីថ្ងៃអាទិត្យជាកិច្ចបញ្ចប់វគ្គជម្រុះ UEFA Euro 2020។ យ៉ាងណាក៏ដោយ ក្រុមតោ៣អង់គ្លេសរបស់លោក Gareth Southgate ត្រូវការតែ ១ពិន្ទុទៀតប៉ុណ្ណោះ ដើម្បីឡើង ទៅលេងជុំផ្តាច់ព្រ័ត្រ ២៤ក្រុមចុងក្រោយនៃ Euro ឆ្នាំក្រោយ ដ្បិតកំពុងនាំមុខក្រុមលេខ២ សាធារណរដ្ឋឆេក
14 Nov 2019
Other News
FIFA តែងតាំងលោក Arsene Wenger ជាប្រធានផ្នែកអភិវឌ្ឍន៍បាល់ទាត់
លោក Arsene Wenger អតីតអ្នកចាត់ការទូទៅ Arsenal បានវិលត្រឡប់ចូលវិស័យកីឡាបាល់ទាត់វិញហើយ ដោយលោកយល់ព្រមធ្វើជាប្រធានផ្នែកអភិវឌ្ឍន៍បាល់ទាត់ពិភពលោកថ្មីរបស់សហព័ន្ធកីឡាបាល់ទាត់អន្តរជាតិ (FIFA)។ លោក Wenger បានចាកចេញពីក្រុមរហស្សនាមកាំភ្លើងធំ កាលពីខែឧសភា ឆ្នាំ២០១៨ ក្រោយទទួលបន្ទុកដឹកនាំក្រុមនៅអង់គ្លេសមួយនេះអស់រយៈពេល ២២ឆ្នាំ ជាមួយនឹងសមិទ្ធផលឈ្នះជើងឯក Premier League ៣ដង និង FA Cup ចំនួន៧លើក។ ក្រោយតែងតាំងជាប្រធានផ្នែកអភិវឌ្ឍន៍បាល់ទាត់ពិភពលោកថ្មីរបស់ FIFA លោក Wenger លើកឡើងថា៖«ខ្ញុំទន្ទឹងរង់ចាំ និងរីករាយក្នុងការទទួលយកតំណែងដ៏សំខាន់នេះ។ នេះមិនត្រឹមតែដោយសារខ្ញុំចាប់អារម្មណ៍ក្នុងការវិភាគកីឡាបាល់ទាត់ប៉ុណ្ណោះទេ ប៉ុន្តែដោយសារបេសកកម្មរបស់ FIFA ដែលប្រកបដោយភាពស្មោះត្រង់ និងប្រាកដប្រជា។ ខ្ញុំដឹងថា ខ្ញុំអាចចូលរួមចំណែកក្នុងគោលបំណងនេះ ដោយដាក់ថាមពលទាំងអស់របស់ខ្ញុំទៅក្នុងវិស័យកីឡាបាល់ទាត់»។ តួនាទីថ្មីរបស់លោក Wenger នៅក្នុងស្ថាប័នគ្រប់គ្រងកីឡាបាល់ទាត់ពិភពលោក គឺជួយអភិវឌ្ឍបាល់ទាត់ផ្នែកបុរសនិងស្ត្រី ក៏ដូចជាផ្នែកបច្ចេកទេសនៃកីឡាបាល់ទាត់ផង។ ហើយបច្ចុប្បន្ន Wenger ក៏នឹងក្លាយជាសមាជិកក្រុមបច្ចេកទេសនៃក្រុមប្រឹក្សាភិបាលសមាគមកីឡាបាល់ទាត់អន្តរជាតិនិងជាប្រធានក្រុមសិក្សាបច្ចេកទេសរបស់ FIFA ផងដែរ៕
14 Nov 2019
Other News
Bernado Silva ត្រូវហាមមិនឲ្យលេង ១ប្រកួត និងពិន័យជាប្រាក់ ៥មុឺនផោន ក្រោយបង្ហោះសាររើសអើងពូជសាសន៍
កីឡាករខ្សែប្រយុទ្ធ Bernado Silva ត្រូវបាន FA ដាក់បម្រាមមិនឲ្យលេង ១ប្រកួត និងពិន័យជាទឹកប្រាក់ប្រមាណ ៥០០០០ផោន ពីបទ Comment បែបរើសអើងពូជសាសន៍ទៅលើមិត្តរួមក្រុម Menjamin Mendy នាពេលថ្មីៗនេះ។ ដៃគូប្រយុទ្ធក្នុងក្រុមជម្រើសជាតិព័រទុយហ្គាល់ជាមួយ Cristiano Ronaldo បានធ្វើការប្រៀបធៀបមិត្តរួមក្រុម ដែលអតីតកីឡាករមកពីក្លឹបបារាំង AS Monaco ដូចគ្នានោះទៅនឹងប្រអប់សូកូឡាដែលមានប្រភពចេញ ពីប្រទេសអេស្ប៉ាញ និងព័រទុយហ្គាល់នៅលើបណ្តាញសង្គម និងក្រោយមក ៤៦នាទីលុបចោលវិញ។ លើសពីនេះទៀត ខ្សែប្រយុទ្ធវ័យ ២៥ឆ្នាំ Bernado Silva ក៏ត្រូវទទួលបានអប់រំបន្ថែមទៀតអំពីឥរិយាបថជា មួយមិត្តរួមក្រុម ដែលធ្លាប់ tweet ខុសម្តងមកហើយកាលពីថ្ងៃទី២២ ខែកញ្ញា ឆ្នាំ២០១៩ ដែលធ្វើផ្ទុយពីបញ្ញតិ្តទី E3 របស់សហព័ន្ធកីឡាបាល់ទាត់អង់គ្លេស FA។ ក្លឹប Manchester City មិនប្តឹងបកជុំវិញការសម្រេចនេះឡើយ ដូច្នេះមានន័យថា Bernado Silva នឹងខកខានជួយក្រុមពេលប៉ះក្រុមលេខ៣ តោខៀវ Chelsea នៅកីឡដ្ឋាន
14 Nov 2019
Other News
Man City នឹងមិនរារាំងលោក Mikel Arteta បើសិនជា Arsenal ចង់បានលោកធ្វើជាគ្រូបង្វឹក
តាមព័ត៌មានថា ក្លឹប Man City នឹងអនុញ្ញាតឲ្យលោក Mikel Arteta ចាកចេញពីក្លឹបនេះ ប្រសិនបើក្លឹប Arsenal ទាក់ទងលោក ដើម្បីទទួលតំណែងជាគ្រូបង្វឹក។ជំនួយការវ័យ៣៧ឆ្នាំរូបនេះធ្លាប់ជាប្រធានក្រុមរបស់ក្លឹប Arsenal អំឡុងចំណាយពេល៥ឆ្នាំពីឆ្នាំ២០១១ដល់ឆ្នាំ២០១៦។ អតីតខ្សែបម្រើក្រុមកាំភ្លើងធំរូបនេះបានធ្វើការងារជាជំនួយការរបស់លោក Pep Guardiola ចាប់តាំងពីចូលនិវត្តពីវិស័យបាល់ទាត់ បន្ទាប់ពីចប់កុងត្រាជាមួយក្លឹប Arsenal ។ លោក Mikel ត្រូវបានភ្ជាប់ទៅនឹងកិច្ចព្រមព្រៀងសម្រាប់តំណែងគ្រូបង្វឹកនៅពហុកីឡាដ្ឋាន Emirates កាលពីអតីតកាល ប៉ុន្តែឱកាសនេះបានធ្លាក់ទៅលើលោក Unai Emery ដែលបានតែងតាំងកាលពីរដូវកាលមុន។ នៅពេលនេះ លោក Emery ស្ថិតនៅក្រោមសម្ពាធ បន្ទាប់ពីធ្វើមិនបានល្អ ស្របពេលលោក Mikel ស្ថិសតនៅក្នុងចំណោមបេក្ខភាពដែលត្រូវជំនួសប្រសិនបើលោក Emery ត្រូវបានបណ្តេញចេញពីតំណែងនេះមែន។ ក្លឹបស៊ីធីនឹងមិនជំទាស់នឹងការចាកចេញរបស់លោក Mikel ទេ ប្រសិនបើក្លឹប Arsenal ចង់បាន ស្របពេលគ្រូបង្វឹកសញ្ជាតិអេស្ប៉ាញរូបនេះត្រៀមនឹងចាកចេញពីតំណែងជំនួយការនេះនាពេលអនាគត៕
14 Nov 2019
Other News
Ivan Rakitic ចេញពីជម្រើសជាតិមក Barca វិញដើម្បីព្យាបាលរបួសកែងជើង
Ivan Rakitic បានចាកចេញពីក្រុមជម្រើសជាតិក្រូអាតមុនគេឯង ដោយត្រូវត្រឡប់មក Barcelona វិញដើម្បីព្យាបាលរបួសកែងជើង។ ខ្សែបម្រើក្លឹបយក្សកាតាឡាន់ពីដំបូងត្រូវគ្រូបង្វឹកលោក Zlatko Dalic កោះហៅដើម្បីធ្វើការប្រកួតជម្រុះ Euro ២០២០ ជុំចុងក្រោយជាមួយ ស្លូវ៉ាគីប៉ុន្តែត្រូវខកខានឱកាសបន្ទាប់ពីមានរបួស។ ក្រូអាតត្រូវការត្រឹមស្មើប៉ុណ្ណោះដើម្បីធានាកៅអីជុំផ្ដាច់ព្រ័ត្រនៅឆ្នាំក្រោយ។ ក្រោយចប់បេសកកម្មថ្ងៃសៅរ៍នេះទៅក្រុមរងជើងឯកពិភពលោកនឹងត្រូវមានកាតព្វកិច្ចប្រកួតកម្ដៅសាច់ដុំមួយទៀតទល់នឹងហ្សកហ្ស៊ីនៅសប្ដាហ៍ក្រោយ ហើយអាចនឹងគ្មានវត្តមានរបស់ Rakitic ដដែល៕
13 Nov 2019
Other News
ក្រុមបាល់ទាត់ Al Ahed របស់ប្រទេសលីបង់បានលើកពាន AFC CUP 2019 ក្រោយបំបាក់ក្រុមជើងខ្លាំងមកពីកួរ៉េខាងជើង
កាលពីពេលថ្មីៗនេះ ក្រុមបាល់ទាត់ Al Ahed របស់ប្រទេសលីបង់បានលើកពាន AFC CUP 2019 ក្រោយបំបាក់ក្រុមជើងខ្លាំងមកពីកួរ៉េខាងជើង April 25 SC នៅទីក្រុងកូឡាឡាំពួរ ប្រទេសម៉ាឡេស៊ី។ការយកឈ្នះក្នុងលទ្ធផល ១ ទល់នឹង ០ នេះបានគឺបានបន្ទាប់ពីកីឡាករកូរ៉េខាងជើងម្នាក់ទទួលបានការក្រហមក្រោយព្យាយាមរារាំងគូរប្រកួតក្នុងការអូសបាល់ទៅស៊ុតបញ្ចូលទី។ ការប្រកួតពានរង្វាន់លំដាប់ទី ២ ប្រចាំទ្វីបអាស៊ីនេះ ធ្វើនៅប្រទេសម៉ាឡេស៊ី ដោយសារតែទីនោះគឺជាទឹកដីកណ្តាលហើយក៏ជាទីស្នាក់របស់សហព័ន្ធកីឡាបាល់ទាត់ទ្វីបអាស៊ីផងដែរ ខណៈដែលការប្រកួតវគ្គផ្តាច់ព្រ័ត្រពាននេះគឺធ្វើឡើងតែ១ជើងតែប៉ុណ្ណោះ។ ក្នុងពានរង្វាន់នេះ ក្លិបកម្ពុជា ណាហ្គាវើលដ៌ ក៏បានលេងក្នុងពាននេះដែរ តែបានធ្លាក់ត្រឹមវគ្គចែកពូល ប្រចាំពូល F ជាមួយនឹងក្រុម Hanoi FC (វៀតណាម) Tampine Rover (សិង្ហបូរី) និង Yangon United (មីយ៉ាន់ម៉ា)៕
13 Nov 2019
