photo of Tom Davies
កីឡា​ករ​ខ្សែ​បម្រើ​របស់​ក្លឹប Everton គឺ​កីឡាករ Tom Davies

កីឡា​ករ​ខ្សែ​បម្រើ​របស់​ក្លឹប Everton គឺ​កីឡាករ Tom Davies បាន​និយាយ​ថាគេរីករាយ​នឹង​ស្ថានភាព​ប្រកួត​ប្រជែង​ដណ្ដើម​ឱកាស​ចូល​ក្នុង​ជម្រើស​ ១១នាក់ដំបូង​ និង​រី​ក​រាយ​នឹង​លេង​ក្រោមការ​ដឹកនាំ​របស់​អ្នក​ចាត់ការ Marco Silva។

ក្លឹប​ Everton បាន​ទិញ​កីឡាករ Richarlison និង Bernard ក្នុង​អំឡុង​ពេល​ដោះ​ដូរ​កីឡាករ​ និងបាន​ខ្ចី​កីឡាករ Andre Gomes ពី​ក្លឹប Barcelona ផងដែរ។ Davies ដឹង​ថា​គេ​ពិបាក​នឹង​ប្រជែង​ឱកាស​ចូល​លេង​ក្នុង​ជម្រើស​ ១១នាក់​ដំបូង​ជាមួយ​កីឡាករ​ឆ្នើម​ៗ​ទាំង​នោះ ប៉ុន្តែ​គេ​បាន​ត្រៀម​ខ្លួន​រួ​ចជាស្រេច​ដើម្បី​ប្រជែង​យក​ឱកាស​នោះឲ្យ​បាន។

photo of Tom Davies
កីឡា​ករ​ខ្សែ​បម្រើ​របស់​ក្លឹប Everton គឺ​កីឡាករ Tom Davies

Davies បាន​ប្រាប់​សារព័ត៌មាន evertontv ថា៖ “មាន​ស្ថាន​ភាព​មួយ​ដែល​ប្រកួត​ប្រជែង​ខ្លាំង ដូច​នេះសម្រាប់​ខ្ញុំ​ ពេល​ដែល​ខ្ញុំ​មានឱកាស ខ្ញុំ​នឹង​ចាប់​ឲ្យ​ជាប់។ របៀប​លេង​របស់​អ្នក​ចាត់​ការ​ក្លឹប​ត្រូវ​នឹង​ទម្រង់​លេង​របស់​ខ្ញុំ ហើយ​របៀប​ដែលគាត់​ចង់​ឲ្យ​ខ្ញុំ​លេង​ ក៏​ជារបៀប​ដែល​ខ្ញុំ​ចូល​ចិត្ត​ដែរ។ នោះ​ជា​របៀប​លេង​ដែល​រហ័ស គាត់​ចង់​ឲ្យខ្ញុំ​លេង​សម្រុក​ទៅ​មុខ ជាខ្សែ​បម្រើ​ដែល​លឿន នោះ​ជា​ទម្រង់​លេង​ដែល​ខ្ញុំ​ចូល​ចិត្ត”។

“នេះ​គឺ​ជាឱកាស​ដែល​ខ្ញុំ​ទន្ទឹង​រង់​ចាំ​នៅ​ក្នុង​ឆ្នាំ​នេះ ខ្ញុំ​ចង់​អភិវឌ្ឍ​ខ្លួន​ឯង​ទៅ​ជា​កីឡាករ​ខ្សែ​បម្រើ​ប្រភេទនោះ។ ឆ្នាំ​នេះ​ខ្ញុំ​នឹង​រីក​ចម្រើ​ន​ម្ដង​ទៀត ហើយដោយ​មាន​វត្តមាន​លោក Marco Silva ធ្វើជាអ្នក​ចាត់​ការ ខ្ញុំគិត​ថា​ខ្ញុំ​អាច​ធ្វើបាន”៕