ក្លិបបាល់ទាត់ក្រសួងការពារជាតិ
ក្លិបបាល់ទាត់ក្រសួងការពារជាតិ

ក្លិបបាល់ទាត់ក្រសួងការពារជាតិ នឹងត្រូវប៉ះក្លិបខ្លាំងវៀតណាម Than Quang Ninh នៅក្នុងពានមិត្តភាពមួយនៅប្រទេសចិន នាល្ងាចថ្ងៃទី១៧ខែវិច្ឆិកានេះ។

មុនឡើងមកដល់វគ្គនេះ​ក្រុមលោក ភា សុភក្ត្រា បានទម្លាក់ក្រុម BTU FC ដោយលទ្ធផល ២-០ ក្នុងវគ្គជម្រុះជុំដំបូង។

មុន​ទទួល​ឱកាស​នេះ ​ក្រុម​ក្រសួងការពារជាតិ បាន​ប្រកួត​ឈ្នះ​ក្រុម BTU FC របស់​ប្រទេស​ថៃ ២ទល់០ នៅ​ល្ងាច​ថ្ងៃពុធ ទី១៤ ខែវិច្ឆិកា ឆ្នាំ២០១៨ ថ្មីៗនេះ។ កីឡាករ​ដែល​រក​គ្រាប់​បាល់​ជ័យជម្នះ​ឱ្យ​ក្រុម​ទៅ​ពី​កម្ពុជា នេះ​គឺ​ ភួង សុខសាណា និង​ ណារ៉ុង កក្កដា។

Than Quang Ninh
Than Quang Ninh

ពានរង្វាន់នេះមានក្រុមចំនួន៤ចូលរួមដោយក្នុងនោះមានក្រុម២មកពីថៃ គឺ Police Tero Sasana និងក្រុមសាកលវិទ្យាល័យ BTU FC បូករួមទាំងក្លិប Than Quang Ninh របស់វៀតណាមនិងក្រុមក្រសួងការពារជាតិរបស់កម្ពុជា។ ការ​ប្រកួត​ធ្វើ​ឡើង​ពី​ថ្ងៃ​ទី១៤ ដល់១៧ ខែ​វិច្ឆិកា ឆ្នាំ​២០១៨។ នៅ​ក្នុង​ប្រកួត​ជម្រុះ​បឋម​នោះ​ដែរ​ក្រុម​Than Quảng Ninh FC របស់​ប្រទេស​វៀតណាម បាន​យក​ឈ្នះ​ក្រុម​Tero Police របស់​ថៃ ២ទល់០ ផង​ដែរ។

ដូច្នេះ​ក្រុមដែលទទួលបានជ័យជម្នះ​ដូចគ្នា​គឺ Than Quảng Ninh FC និង​ក្រុម​ក្រសួងការពារជាតិ នឹង​ត្រូវ​ឡើង​ទៅ​លេងនៅវគ្គផ្ដាច់ព្រ័ត្រ នៅ​វេលា​ម៉ោង​៦:៣០នាទី​ល្ងាច​ថ្ងៃ​សៅរ៍ ចុង​សប្ដាហ៍​នេះ។