ក្រុមហ្វូតសាលជម្រើសជាតិកម្ពុជា ប៉ះក្រុមម៉ាឡេស៊ី ព្រឹកនេះ នៅឥណ្ឌូណេស៊ី
05 Nov 2018 - 12:17:54 SHARE
ក្រុមហ្វូតសាលជម្រើសជាតិកម្ពុជា ត្រូវប៉ះក្រុមជម្រើសជាតិម៉ាឡេស៊ី ក្នុងព្រឹត្តិការណ៍ ប្រកួតជើងឯកអាស៊ាន AFF Futsal Championship 2018 ដែលត្រូវធ្វើឡើងនៅប្រទេសឥណ្ឌូណេស៊ី ព្រឹកថ្ងៃចន្ទ ទី៥ ខែវិច្ឆិកា នេះលើទីលាន GOR UNY ក្នុងទីក្រុង Yogyakarta។
គួរបញ្ជាក់ថា បេសកកម្មនេះ កម្ពុជាគឺស្ថិតក្នុងពូលA ជាមួយក្រុមខ្លាំងៗចំនួន ៣ រួមមានម្ចាស់ផ្ទះឥណ្ឌូនេស៊ី ម៉ាឡេស៊ី និង មីយ៉ាន់ម៉ា ដើម្បីធ្វើការប្រកួតសន្សំពិន្ទុ និងចម្រុះ ពោលគឺសម្រាប់ក្រុមមានពិន្ទុខ្ពស់ជាងគេ ២ក្រុមកំពូលតារាង នឹងមានឱកាសបានឡើងលេងវគ្គពាក់កណ្ដាលផ្ដាច់ព្រ័ត្រ ។
សម្រាប់ក្រុមជម្រើសជាតិហ្វូតសាលកម្ពុជា មុនចូលរួមក្នុងព្រឹត្តិការណ៍ប្រចាំតំបន់អាស៊ាន ដែលឥណ្ឌូនេស៊ី ទទួលបានសិទ្ធិធ្វើម្ចាស់ផ្ទះនេះ ពួកគេបានទៅបោះជំរុំហ្វឹកហាត់ជាង ១សប្ដាហ៍លើទឹកដីថៃ ហើយក៏បានធ្វើការប្រកួតមិត្តភាព ៣លើកនៅទីនោះផងដែរ តែមិនទទួលបានលទ្ធផលនោះទេ ដោយបរាជ័យទាំង ៣ប្រកួតតែម្ដង៕
ក្រោយប៉ះម៉ាឡេស៊ី នៅព្រឹកនេះក្រុមកម្ពុជា បន្តត្រូវប៉ះក្រុមមីយ៉ាន់ម៉ា នៅថ្ងៃអង្គារ ស្អែកនេះនៅវេលាម៉ោងនិងទីលានដដែល ខណៈនៅថ្ងៃពុធ បន្តប៉ះក្រុមម្ចាស់ផ្ទះឥណ្ឌូណេស៊ី ដែលជាវគ្គជម្រុះតាមពូលដូចគ្នា៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
Chelsea គ្រោងដាក់សំណើថ្មីដើម្បីផ្ទេរកីឡាករ Matias Vecino របស់ក្លឹប Inter Milan
ក្លឹបតោខៀវ Chelsea គ្រោងនឹងដាក់សំណើថ្មីមួយទៀតនៅពេលទីផ្សារទិញដូរកីឡាករបើកទ្វា ដើម្បីផ្ទេរខ្សែបម្រើ Matias Vecino របស់ក្លឹប Inter Milan ។ ក្លឹប Chelseaទើបតែទទួលបានកីឡាករ Hakim Ziyech កាលពីសប្តាហ៍មុន ស្របពេលខ្សែបម្រើក្លឹប Ajax រូបនេះនឹងមកចូលរួមនៅរដូវក្តៅ បន្ទាប់ពីព្រមព្រៀងផ្ទេរមកពហុកីឡាដ្ឋាន Stamford Bridge ក្នុងតម្លៃ៤០លានផោន។ គ្រូបង្វឹកក្លឹប Chelsea លោក Frank Lampard អាចនឹងស្វាគមន៍កីឡាករថ្មីទី២នៅខែមិថុនា ស្របពេលក្លឹបនេះបានឆ្លើយតបនឹងតម្លៃ ២៣លានផោនសម្រាប់ Matias ។ គេជឿថា គ្រូបង្វឹកក្លឹប Inter Milan លោក Antonio Conte នឹងសប្បាយចិត្តក្នុងការចែកផ្លូវពីកីឡាកររូបនេះ ដើម្បីយកថវិកាមកចំណាយនៅរដូវកាលទិញដូរនារដូវក្តៅខាងមុខ។តាមព័តមានថា ក្លឹប Everton ក៏ប្រជែងផ្ទេរយកកីឡាករវ័យ២៨ឆ្នាំរូបនេះផងដែរ៕
18 Feb 2020
Other News
Jurgen Klopp ថា ក្រុម Atletico នៅតែជាឧបស័គ្គដ៏ធំសម្រាប់ Liverpool ក្នុងរាត្រីនេះ
លោក Jurgen Klopp បាននិយាយកាលពីថ្ងៃចន្ទថា លោកហាក់មានអារម្មណ៍ដូចជា «តួក្នុងខ្សែភាពយន្តកំប្លែងរឿង Kindergarten Cop» អ៊ីចឹង បើធៀបទៅនឹងលោក Diego Simeone ប៉ុន្តែ ក្រុម Liverpool នឹងព្យាយាមដើរតួជាក្រុមមនុស្សពេញវ័យ ដើម្បីប្រកួតជាមួយនឹងក្រុមក្មេងៗ នៅពេលដែលពួកគេជួបជាមួយនឹងក្រុម Atletico Madrid ក្នុងក្របខ័ណ្ឌ Champions League។ លោក Klopp បានប្រាប់អ្នកយកព័ត៌មាននៅទីក្រុងម៉ាឌ្រីដថា៖ «មនុស្សជាច្រើននិយាយថា ខ្ញុំឆាប់នឹងរំជួលចិត្ត ប៉ុន្តែ ប្រសិនបើខ្ញុំស្ថិតក្នុងកម្រិត៤ គាត់ស្ថិតក្នុងកម្រិត១២។ ខ្ញុំជាតួក្នុងរឿង Kindergarten Cop បើធៀបនឹងគាត់»។ លោក Klopp បានប្រាប់បន្តថា៖ «លោក Simeone បានដឹកនាំក្រុមរបស់ខ្លួនអស់រយៈពេល៨ឆ្នាំមកហើយ និងនៅតែមានកម្រិតនៃការរំជួលចិត្ត ហើយនោះគឺជារឿងដ៏គួរឲ្យចាប់អារម្មណ៍»។ លោក Klopp នឹងត្រូវជួបជាមួយនឹងលោក Simeone ជាលើកទី១ នៅកីឡដ្ឋាន Wanda Metropolitano នៅរាត្រីនេះ ហើយលោកបានកោតសរសើរដល់គ្រូបង្វឹកសញ្ជាតិអាហ្សង់ទីនរូបនេះយ៉ាងខ្លាំង ស្របពេលដែលលោកមិនបាននិយាយពីការធ្លាក់ចុះទម្រង់លេងរបស់ក្រុម Atletico
18 Feb 2020
Other News
Lampard ស្នើឲ្យ Chelsea ពង្រឹងការប្រយុទ្ធ ក្រោយចាញ់ Man United លទ្ធផល ២-០
លោក Frank Lampard អ្នកចាត់ការទូទៅរបស់ក្រុម Chelsea បានប្រាប់ក្រុមរបស់លោកថា «ការប្រយុទ្ធចាប់ផ្តើមហើយ» សម្រាប់ការប្រជែងយកកៅអីក្របខ័ណ្ឌ Champions League នៅរដូវកាលក្រោយ ក្រោយពីបានរងបរាជ័យក្នុងលទ្ធផល ២-០ ក្រោមស្នារដៃក្រុម Manchester United កាលពីថ្ងៃចន្ទ។ ក្រុមតោខៀវ បានរងនូវការបាត់បង់គ្រាប់បាល់២គ្រាប់ ដោយសារតែប្រព័ន្ធវីដេអូជំនួយការអាជ្ញាកណ្តាល (VAR) និងបានផ្ទុះកំហឹងដោយសារតែខ្សែការពារ Harry Maguire មិនរងពិន័យកាតក្រហមសម្រាប់ការទាត់ទៅលើខ្សែប្រយុទ្ធ Michy Batshuayi ពេលគ្មានបាល់ នៅមុនពេលរូបគេបានតែតបាល់គ្រាប់បាល់ទី២របស់ Man United ក្រោយពីខ្សែប្រយុទ្ធ Anthony Martial បានរកគ្រាប់បាល់បើកឆាក។ លោក Lampard បានសម្តែងនូវការខកចិត្តយ៉ាងខ្លាំង ខណៈដែលក្រុមរបស់លោកបានឈ្នះត្រឹមតែ៤ប្រកួតគត់ ក្នុងចំណោមការប្រកួតលីក១៤លើកចុងក្រោយ នៅពេលប្រកួតជាមួយនឹងក្រុមដែលមានកម្រិតលេងអន់ជាង។ លោក Lampard បានឲ្យដឹងថា៖ «ការប្រយុទ្ធចាប់ផ្តើមពេលនេះហើយ។ វាមិនមានតម្លៃសម្រាប់ខ្ញុំឡើយក្នុងការនិយាយលើបញ្ហានេះ នៅពេលនេះ ប៉ុន្តែ ពិតណាស់ យើងនឹងរង់ចាំមើល»។ ជ័យជម្នះនេះ ធ្វើឲ្យក្រុម Man United ឡើងទៅឈរក្នុងចំណាត់ថ្នាក់លេខ៧
18 Feb 2020
Other News
Moussa Marega រងការរើសអើងជាតិសាសន៏ពីអ្នកគាំទ្រអតីតក្លឹបធ្លាប់លេងខ្ចីជើង
ខ្សែប្រយុទ្ធ Moussa Marega របស់ FC Porto បានដើរចេញពីទីលានប្រកួតនៅតង់ទី២ ខណៈក្រុមរបស់ខ្លួនបានផ្តួលម្ចាស់ផ្ទះ Vitoria Guimaraes ក្នុងលទ្ធផល ២ទល់និង១ កាលពីថ្ងៃអាទិត្យ ខណៈដែល ខ្សែប្រយុទ្ធអន្តរជាតិបារាំងរូបនេះបានទទួលរងការរើសអើងជាតិសាសន៍ពីអ្នកគាំទ្រគូបដិបក្ស។ ម៉ារ៉េហ្គាមានវ័យ ២៨ឆ្នាំសញ្ជាតិបារាំងរូបនេះបានបង្ហាញអារម្មណ៏ខឹងសម្បារ និងបានដើរចេញពីទីលានប្រកួតនៅនាទី៦៩ ពោលគឺ ៩នាទីបន្ទាប់ពីរកបានគ្រាប់បាល់ជ័យជំនះសម្រាប់ក្រុមភ្ញៀវ។យ៉ាងណាមិញ Marega បានឆ្លើយតបដោយបង្ហាញសកម្មភាពដាក់មេដៃចុះក្រោម និងលើកម្រាមដៃកណ្តាលរបស់គាត់ទៅកាន់ហ្វូងមនុស្សដែល បានស្រែកចំអកអោយ ស្របពេលមិត្តរួមក្រុមកំពុងមានវត្តមានលើទីលានព្យាយបាមបញ្ចុះបញ្ចូលអោយរូបគេនៅបន្តលេង តែទីបំផុតអតីតកីឡាករក្លឹប Maritimo រូបនេះត្រូវបានប្តូរចេញ។ ក្លឹបយក្សព័រទុយហ្គាល់ Porto បានសរសេរលើគេហទំព័ររបស់ពួកគេ ដោយពិពណ៌នាថា: វាជាស្ថានភាពដ៏ក្រៀមក្រំដែលជារឿងខ្មាស់អៀនបំផុតសម្រាប់ក្លឹប Guimaraes និងលីកកំពូលព័រទុយហ្កាល់។គួរបញ្ជាក់ថា Marega ធ្លាបបានចំណាយពេលមួយរដូវកាល(២០១៦-២០១៧)លេងនៅ ក្លឹប Vitoria Guimaraes ខ្ចីជើង និងស៊ុតបញ្ចូលទីបាន ១៥គ្រាប់ក្នុង ២៥ប្រកួតកន្លងមក។
17 Feb 2020
Other News
Liverpool ក្លាយជាក្រុមលំដាប់ទី២បំបែកបានកំណត់ត្រានេះក្រោយឈ្នះ Norwich យប់មិញ
ជ័យជម្នះក្នុងលទ្ធផល ១-០ ទៅលើ Norwich City កាលពីយប់ថ្ងៃសោរ៍ បានរុញច្រានឲ្យ Liverpool សម្រេចយកកំណត់ត្រាដ៏អស្ចារ្យមួយនាមជាក្រុមដែលមិនទាន់ស្គាល់បរាជ័យយូរបំផុតនៅលីគកំពូលរបស់អង់គ្លេស។ ក្នុងនោះគឺហង្សធ្វើបាន ៤៣ ប្រកួតសរុបក្នុងលីគ ដែលមិនទាន់ស្គាល់ពាក្យថា “ចាញ់” ពោលគឺមានតែស្មើនិងឈ្នះតែប៉ុណ្ណោះ។ កំណត់ត្រារបស់ Arsenal ដែលល្អដាច់គេគឺធ្លាប់ធ្វើបានដល់ទៅ ៤៩ ប្រកួតនារដូវកាល ២០០៣-០៤។ សម្រាប់ហង្សអាចនឹងមានឱកាសប្រជែងកំណត់ត្រានេះបាន ប៉ុន្តែ ៦ ប្រកួតបន្ទាប់ខ្លះក៏ត្រូវប៉ះក្រុមខ្លាំងដោយរួមមានដូចជាការជួប West Ham, Watford, Bournemouth, Everton, Crystal Palace និង Manchester City៕
16 Feb 2020
Other News
Barcelona បង្ហោះសារថា Neymar នឹងត្រឡប់មកទ្រនំចាស់វិញ?
កាលពីពេលថ្មីៗនេះ គណនី Twitter របស់ក្លឹបយក្ស Barcelona ត្រូវបាន Hack ដោយក្រុម Hacker ដែលមានឈ្មោះថា OurMine ហើយបានបង្ហោះសារក្នុងបណ្ដាញសង្គម Twitter ថា កីឡាករសញ្ជាតិប្រេស៊ីល Neymar អាចនឹងត្រឡប់មកកាន់ទ្រនំចាស់ Barcelona វិញ។ ពួកគេ [Hacker] ក៏បានបញ្ជាក់ដែរថា ប្រព័ន្ធការពារសុវត្ថិភាពរបស់ក្លឹបមិនសូវមានប្រសិទ្ធភាពនោះទេ។ ប្រសិនបើចង់ពង្រឹងប្រព័ន្ធការពារសុវត្ថិភាពគណនីរបស់លោកអ្នក ចាំបាច់ត្រូវតែទាក់ទងទៅកាន់ក្រុម OurMine ដោយផ្ទាល់តែម្ដង។ ទោះជាយ៉ាងណា បន្ទាប់ពីបង្ហោះសារមិនបានប៉ុន្មាននាទីផង ក៏ត្រូវបានលុបទៅវិញ តែត្រូវបានអ្នកគាំទ្រថតបាន។ គួរបញ្ជាក់ដែរថា កាលពីពេលកន្លងទៅនេះ ក្រុម Hacker ដដែលនេះក៏ធ្លាប់បាន Hack ចូលទៅកាន់គណនីរបស់ Facebook និង គណនីរបស់ Olympic នៅលើបណ្ដាញសង្គម Twitter ផងដែរ ដោយបង្ហោះសារក្នុងអត្ថន័យស្រដៀងគ្នា គឺបើចង់ពង្រឹងប្រព័ន្ធការពារសុវត្ថិភាព ត្រូវតែទាក់ទងទៅពួកគេផ្ទាល់៕
16 Feb 2020
