ខ្សែបម្រើ N’Golo Kante កីឡាករ​នាំ​លេង​របស់ក្រុមតោខៀវ Chelsea បាន​ទទួល​រងរបួស​ ខណៈ​សល់​១១​ថ្ងៃ​ទៀត​វគ្គ​ផ្ដាច់ព្រ័ត្រ Champions League ទល់​នឹង Manchester City មក​ដល់។

N'Golo Kante
N’Golo Kante

កីឡាករ​សញ្ជាតិ​បារាំង​បាន​ប្ដូរ​ចេញ​ ក្រោយ​លេង​បាន​៣២​នាទី​ ក្នុង​ជំនួប Chelsea យក​ឈ្នះ Leicester City ២ ទល់នឹង ១ ខិតជិត​យក​បាន​កៅអី​មួយ​ដើម្បី​ទៅ​លេង​នៅ UCL រដូវ​កាល​ក្រោយ។ ជ័យជម្នះ​នេះ​បាន​ជួយ Chelsea ឡើង​មក​កាន់​លេខ​៣​នៃ​តារាង​ពិន្ទុ Premier League លើ Leicester មួយ​ពិន្ទុ។

N'Golo Kante
N’Golo Kante

Kante ជា​កីឡាករ​នាំ​លេង​តំបន់​កណ្ដាល​យ៉ាង​សំខាន់​​សម្រាប់ Chelsea ប៉ុន្តែ​យប់​មិញ​គេ​ប្ដូរ​ចេញ​ បន្ទាប់​ពី​មាន​អារម្មណ៍​ខ្លួន​មាន​បញ្ហា។ គេ​ក៏​មិន​ទាន់​ដឹង​ច្បាស់​​ថា ហេតុអ្វី​បាន​ជា Kante ប្ដូរ​ចេញ ស្របពេល​លោក Tuchel និយាយ​ថា លោក​មិន​ទាន់​ដឹង​ពី​​ទំហំ​​នៃ​របួសនូវ​ឡើយ​រង​ចាំ​ការ​ពិនិត្យ​នៅ​ថ្ងៃ​ពុធ​នេះ។

N'Golo Kante
N’Golo Kante

ក្រុម Chelsea នឹង​ត្រូវ​ជួប Manchester City នៅ​ថ្ងៃ​ទី ២៩ ខែ ឧសភា​ខាង​មុខ​ក្នុង​ទីក្រុង Porto សម្រាប់​ការ​ប្រកួត​វគ្គ​ផ្ដាច់ព្រ័ត្រ Champions League ។