ក្រុម The Forest FC ក្លាយជាជើងឯក Tiger Street Football 2020 មណ្ឌលបាត់ដំបង
04 Feb 2020 - 13:16:47 SHARE
ទីបំផុតជើងឯកមណ្ឌលបាត់ដំបង បានរកឃើញហើយគឺក្រុម The Forest FC ក្រោយទាត់សល់តែកីឡាករ២រូប មុននេះនៃវគ្គផ្ដាច់ព្រ័ត្រ។ ក្រុម The Forest FC និង FC CROWN(A) លេងដោយទំនុកចិត្ត និងប្រុងប្រយ័ត្នខ្ពស់ មិនងាយស្រួលស៊ុតគ្នានោះឡើយ ពោលចប់ម៉ោងធម្មតាលទ្ធផល ១-១ បន្ថែមម៉ោងប្រកួតរហូតដល់ទៅ៣ដង ទើបរកឃើញអ្នកឈ្នះ។
កីឡាករ វុធ ដេវីត ប្រធានក្រុម The Forest FC បានលើកឡើងថា ការគ្រងតំណែងជើងឯកលើកទី១នេះវាជាមោទនៈភាពមួយសម្រាប់ក្រុម The Forest FC ខណៈ២លើកកន្លងមក បានត្រឹមលេខ៤ប៉ុណ្ណោះ។ ការគ្រងតំណែងជើងឯកលើកដំបូងនេះ ប្រធានក្រុម The Forest FCបានប្តេជ្ញាចិត្តខិតខំហ្វឹកហាត់ពង្រឹងសមត្ថភាពក្រុមបន្ថែមទៀត ដើម្បីលេងឲ្យស៊ីសង្វាក់គ្នានៅវគ្គផ្តាច់ព្រ័ត្រនៅរាធានីភ្នំពេញ ឈានទៅក្រសោបតំណែងជើងឯក Tiger Street Football 2020លើកមុខមាត់ខេត្តបាត់ដំបង។
សូមបញ្ជាក់ថា ព្រឹត្តិការណ៍ Tiger Street Football 2020បន្ទាប់ពីមណ្ឌលទី៥ មណ្ឌលកំពង់ចាម និងបន្តទៅមណ្ឌលទី៦ មណ្ឌលខេត្តកំពត ដែលមាន៤ខេត្តចូលរួម គឺព្រះសីហនុ កែប កោះកុង និងកំពតម្ចាស់ផ្ទះ ដំណើរការប្រកួតនៅថ្ងៃទី១៥ដល់ ថ្ងៃទី១៦ ខែកុម្ភៈ ឆ្នាំ២០២០៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Khmer News
ភ្នំពេញក្រោន ប្រកាសបញ្ចប់កិច្ចសន្យាជាមួយកីឡាករ សេង កុសែន ដោយសារតែហេតុផលមួយ!
ក្លឹបបាល់ទាត់ភ្នំពេញក្រោនបានសម្រេចបញ្ចប់កិច្ចសន្យាជាមួយកីឡាករ សេង កុសែន ដោយសារតែកីឡារលេងក្នុងតំណែងជាខ្សែការពារកណ្តាលរូបនេះមិនគោរពទៅតាមបទបញ្ជារផ្ទៃក្នុងរបស់ក្លឹប ហើយប្រាសចាកពីក្រមសីលធម៌ និងគោលការណ៍ការងាររបស់ក្លឹបបាល់ទាត់ភ្នំពេញក្រោន ។ ក្លឹបបាល់ទាត់ភ្នំពេញក្រោនពិតជាមានការសោកស្តាយជាខ្លាំងចំពោះបញ្ហាដែលបានកើតឡើងនេះ ហើយយើងសង្ឃឹមថានេះជាកីឡាករទាំងអស់ធ្វើការពិចារណាមុននឹងធ្វើអ្វីមួយ ព្រោះវាអាចប៉ះពាល់ទៅដល់បុគ្គលខ្លួនឯងផ្ទាល់ និងរូបភាពបាល់ទាត់នៃព្រះរាជាណាចក្រកម្ពុជា ។ គួរឲ្យដឹងផងដែរថា កាលពីថ្ងៃអាទិត្យសប្ដាហ៍មុន ក្លិបបាល់ទាត់បឹងកេតក៏បានប្រកាសអំពីការសម្រេចបញ្ចប់កិច្ចសន្យារបស់កីឡាករខ្សែបម្រើ ម៉ាត់ យ៉ាមីន ក្រោមហេតុផលដូចទៅនឹង សេង កុសែន ដែរ៕
11 Feb 2020
Khmer News
កីឡាករពីររូបរបស់ ក្លឹបភ្នំពេញក្រោន ត្រូវបានកោះហៅចូលជម្រើសជាតិ U19
កីឡាករ រស់ ដារ៉ាពេជ្រ និងមិត្តរួមក្រុម លឹម ពិសុទ្ធ ត្រូវបានសហព័ន្ធកីឡាបាល់ទាត់កម្ពុជា FFC ជ្រើសរើសចូលក្នុងបញ្ជីឈ្មោះក្រុមជម្រើសជាតិកម្ពុជាយុវជនអាយុក្រោម១៩ឆ្នាំ (U19)។ ការប្រមូលផ្តុំហ្វឹកហាត់ ដើម្បីចូលរួមការប្រកួត JENESYS 2019 Japan-ASEAN U19 Men’s Football Tournament នៅប្រទេសជប៉ុន នឹងចាប់ផ្តើមពីថ្ងៃទី២៤ ខែកុម្ភៈដល់ថ្ងៃទី៤ ខែមីនា ឆ្នាំ២០២០ ខាងមុខនេះ។ ក្នុងចំណោមកីឡាករដែល FFC កោះហៅនេះ គឺមានវត្តមានខ្សែប្រយុទ្ធវ័យក្មេង ២រូបរបស់ក្លឹបបាល់ទាត់ភ្នំពេញក្រោន ដែលពួកគេទើបតែឡើងមកលេងក្នុងក្រុមធំនាពេលថ្មីៗនេះផងដែរ និងសមាជិកដទៃទៀតមកពីក្លឹបផ្សេងៗ៕
11 Feb 2020
Khmer News
បឹងកេត ប្រកាសបញ្ចប់កិច្ចសន្យារបស់កីឡាករ ម៉ាត់ យ៉ាមីន ដោយសារហេតុផលមួយ…
ក្លិបបាល់ទាត់បឹងកេត បានចេញសេចក្ដីជូនដំណឹងនៅលើទំព័រ Facebook ផ្លូវការរបស់ក្លឹបស្ដីអំពីការបញ្ចប់កិច្ចសន្យាជាមួយនឹងកីឡាករខ្សែបម្រើ ម៉ាត់ យ៉ាមីន ។ ក្លិបបឹងកេតបានបញ្ជាក់ចំពោះមូលហេតុនៃការសម្រេចធ្វើបែបនេះគឺដោយសារអាកប្បកិរិយាប្រព្រឹត្តិខុសពីក្រមសីលធម៌របស់កីឡាករអាជីព។ ក្លិបជើងឯកលីគកំពូលកម្ពុជា ៣សម័យកាលក៏បានបញ្ជាក់ទៀតថាវាជាការសម្រេចចិត្តយ៉ាងលំបាក តែក្លិបត្រូវតែធ្វើ ដើម្បីជាគំរូ កុំឲ្យកើតមានលើកីឡាករផ្សេងទៀត។ គួរឲ្យដឹងផងដែរថា រូបភាពរបស់ ម៉ាត់ យ៉ាមីន ត្រូវបានកម្លាំងសមត្ថកិច្ចរបស់ស្នងការដ្ឋាននគរបាលរាជធានីភ្នំពេញចាប់ឃាត់ខ្លួនក្នុងប្រត្តិបតិការបង្រ្កាបគ្រឿងញៀនក្នុងមជ្ឍមណ្ឌលកំសាន្តមួយកន្លែងតាមបណ្ដោយផ្លូវជាតិលេខ៦ ត្រូវបានគេចែករំលែកយ៉ាងច្រើននៅលើបណ្ដាញសង្គម Facebook៕
10 Feb 2020
Khmer News
លោក Luis Ferafnando Vitorino ប្រកាសចែកផ្លូវជាមួយ ក្លឹបវិសាខា
លោក Luis Ferafnando Vitorino ប្អូនបង្កើតរបស់អតីតគ្រូបង្វឹកក្រុមជម្រើសជាតិកម្ពុជា Leonardo Vitorino បានប្រកាសចាកចេញពីក្លឹបវិសាខា ហើយ ក្រោយដឹកនាំក្រុមយុវជន U-15 វិសាខា ជិត ៦ខែកន្លងទៅ។ នេះបើតាមការអះអាងរបស់សាមីខ្លួន លើបណ្ដាញសង្គមកាលពីយប់មិញ។ អតីតគ្រូបង្វឹកអ្នកចាំទីក្លឹបភ្នំពេញក្រោន បានសរសេរថា៖ «ខ្ញុំចង់ប្រកាសនៅពាក់កណ្តាលខែនេះ ខ្ញុំនឹងចាកចេញពី Visakha FC»។ ចំពោះមូលហេតុ គឺដោយសារវិសាខា មិនបន្ដកិច្ចសន្យាថ្មីដល់ខ្លួន ។ ដូច្នេះចាប់ពីថ្ងៃទី១៥ ខែកុម្ភៈតទៅ លោក Luis Fernando Vitorino មិនមែនជាគ្រូ U-15 វិសាខាទៀតឡើយ។ បើតាមការអះអាងរបស់គ្រូបង្វឹកសញ្ជាតិប្រេស៊ីលរូបនេះ បានបញ្ជាក់ថា ក្រោមការដឹកនាំរបស់ខ្លួនជិតកន្លះឆ្នាំ លោកបានដឹកនាំក្រុម U-15 វិសាខាចំនួន ១៧ប្រកួត ក្នុងនោះធ្លាប់ទទួលបានជ័យជម្នះ ១៥ប្រកួត ។ ប៉ុន្ដែក្រោយចែកផ្លូវជាមួយក្លឹបមានមូលដ្ឋាននៅហ្គ្រេនភ្នំពេញ លោកនឹងបន្ដរកក្លឹបថ្មីមួយទៀត ដើម្បីបន្ដអាជីព និងចែករំលែកនូវចំណេះដឹងរបស់ខ្លួន។ គួររំលឹកផងដែរថា លោក Luis Fernando Vitorino បានមកចូលរួមជាមួយភ្នំពេញក្រោន កាលពីខែមេសា ឆ្នាំ២០១៨ ដោយចាប់ផ្ដើមដំបូងជាមួយក្រុមថ្នាលយុវជន
05 Feb 2020
Khmer News
ក្រសួងការពារជាតិ ផ្លាស់ប្ដូរឈ្មោះថ្មីមកជា កងយោធពលខេមភូមិន្ទ និងកែសម្រួលស្លាកសញ្ញា
ក្លឹបបាល់ទាត់ក្រសួងការពារជាតិ នៅថ្ងៃទី០៤ ខែកុម្ភៈ ឆ្នាំ២០២០ បានសម្រេចប្រកាសផ្លាស់ប្ដូរឈ្មោះថ្មីចាប់ពីរដូវកាល២០២០ តទៅ នៅក្នុងការប្រើប្រាស់នៃលីគកំពូលកម្ពុជា ក៏ដូចជាពានរង្វាន់សម្តេចតេជោ ហ៊ុន សែន។ តាមការប្រកាសដដែលបានបញ្ជាក់ថា ឈ្មោះដើមរបស់ក្លឹបដែលមានឈ្មោះ ក្លឹបបាល់ទាត់ក្រសួងការពារជាតិ នឹងត្រូវផ្លាស់ប្ដូរមកថ្មី សមាគមកីឡាបាល់ទាត់កងយោធពលខេមភូមិន្ទ។ ក្រៅតែពីការផ្លាស់ប្ដូរឈ្មោះ ក្លឹបក៏មានការកែសម្រួលស្លាកសញ្ញា ( Logo ) ក្លឹបខ្លះផងដែរ ដោយមានបន្ថែមឈ្មោះ Tiffy Army ដែលជាឈ្មោះម្ចាស់ឧបត្ថម្ភដ៏ធំរបស់ក្លឹបនៅខាងក្រោមផងដែរ ។ សូមបញ្ជាក់ថា ក្រសួងការពារ ធ្លាប់បានប្រើប្រាស់ឈ្មោះជា ក្លឹបកងយោធពលខេមរភូមិន្ទ កាលពីមុនឆ្នាំ២០០៨ ក្រោយមកក៏បានប្ដូរមកជាក្លឹបបាល់ទាត់ក្រសួងការពារជាតិ រហូតដល់បច្ចុប្បន្នប្ដូរមកជា សមាគមកីឡាបាល់ទាត់កងយោធពលខេមភូមិន្ទ នេះផ្ទាល់តែម្តង៕
04 Feb 2020
Khmer News
ប្រាក់រង្វាន់លីគកំពូលកម្ពុជា រដូវកាល២០២០ នឹងមានការកើនឡើង
លោក ឈី កុលបុត្រា អនុប្រធានលេខាធិការរដ្ឋាននៃគណៈកម្មការប្រកួតបាល់ទាត់ជាតិកម្ពុជា (CNCC) បានបង្ហើបថា ប្រាក់រង្វាន់ក្រុមជើងឯកលីគកំពូលកម្ពុជា រដូវកាលថ្មី ឆ្នាំ២០២០ នឹងត្រូវដំឡើងច្រើនជាងមុន តែក្នុងទំហំជាក់លាក់ប៉ុន្មាននោះ លោកមិនទាន់លម្អិតនោះទេ។ នេះបើតាមការបញ្ជាក់ក្នុងសន្និសីទសារព័ត៌មានមុនបើកការប្រកួតរដូវកាលថ្មី នៃលីគកំពូលកម្ពុជា និងពានរង្វាន់សម្ដេចតេជោ ហ៊ុន សែន ឆ្នាំ២០២០ នាពេលឆាប់ៗខាងមុខ។ ថ្លែងក្នុងសន្និសីទសារ័ត៌មានមុនបើករដូវកាល២០២០ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៤ និងពានរង្វាន់ជម្រើសជើងឯកមិត្តហ្វូនខេមបូឌានលីគ ដែលធ្វើឡើងនៅព្រឹកថ្ងៃចន្ទ ទី០៣ ខែកុម្ភៈ ឆ្នាំ២០២០ វេលាម៉ោង ១០:៣០នាទីព្រឹក នៅពហុកីឡដ្ឋានជាតិ លោក ឈី កុលបុត្រា បានបង្ហើបថា ប្រាក់រង្វាន់លីគកំពូលកម្ពុជា នៅឆ្នាំ២០២០ នេះនឹងមានការកើនឡើង ( សម្រាប់តែក្រុមជើងឯក ) ប៉ុន្តែចំពោះចំនួននៃការកើនឡើងដល់កម្រិតណានោះលោកមិនទាន់អាចបង្ហើបឲ្យដឹងនៅឡើយទេ ដោយសារនៅមានការពិភាក្សា ការសិក្សាបន្ថែមជុំវិញលទ្ធភាពនៃការបង្កើនប្រាក់រង្វាន់។ បន្ថែមក្រៅពីការតម្លើងប្រាក់រង្វាន់ គណៈកម្មការក៏មាននឹងបន្ថែមចំនួនមេដាយ សម្រាប់ក្រុមទទួលជ័យលាភីផងដែរ ដោយនឹងតម្លើងពី ៣៥មេដាយ សម្រាប់ក្រុមនីមួយៗ ទៅដល់ ៤០មេដាយ។ មន្ដ្រីគណៈកម្មការប្រកួតបាល់ទាត់ជាតិកម្ពុជារូបនេះបាននិយាយថា «ពាក់ព័ន្ធនឹងរឿងប្រាក់រង្វាន់ ឥឡូវថ្នាក់ដឹកនាំ
04 Feb 2020
