លោក Juergen Klinsmann កាលពីថ្ងៃអង្គារ បានលែងលែងក្នុងនាមជាគ្រូបង្វឹករបស់ក្លិប Hertha Berlin ក្រោយពីដឹកនាំបានរយៈពេលត្រឹមតែ១០សប្តាហ៍ ដោយបង្ហើបពីការខ្វះនូវការគាំទ្រ និងការជឿទុកចិត្ត។

photo of Juergen Klinsmann
លោក Juergen Klinsmann គ្រូបង្វឹកក្លិប Hertha Berlin

លោក Klinsmann អតីតសមាជិកឈ្នះពាន World Cup បានចូលជំនួសលោក Ante Covic ក្នុងនាមជាគ្រូបង្វឹក កាលពីចុងខែវិច្ឆិកា ស្របពេលដែលក្លិប Hertha កំពុងតែធ្លាក់ចូលតំបន់កាត់ចោល។

photo of Juergen Klinsmann
Juergen Klinsmann

ប៉ុន្តែ បើទោះបីសន្យាថា នឹងផ្លាស់ប្តូរជោគវាសនារបស់ក្លិប និងធ្វើឲ្យពួកគេក្លាយជាក្រុមខ្លាំងក្នុងប្រទេសអាល្លឺម៉ង់ ក្នុងរយៈពេល២ ទៅ៣រដូវកាលទៀតក៏ដោយ ក្លិប Hertha បានកត់ត្រាជ័យជម្នះត្រឹមតែ១លើកគត់ ក្នុងចំណោមការប្រកួតលីកទាំង៥លើកចុងក្រោយរបស់ពួកគេ និងស្ថិតក្នុងចំណាត់ថ្នាក់លេខ១៤ ដោយនាំមុខលើក្រុមស្ថិតក្នុងតំបន់កាត់ចោលចំនួន៦ពិន្ទុ៕

photo of Juergen Klinsmann
Juergen Klinsmann