លោក Xavi ​អ្នក​ចាត់ការ​ក្រុម FC Barcelona ​បាន​និយាយ​ថា​លោក​នឹង​គេង​មិន​លក់​ទេ ដោយសារ​តែ​មាន​ឱកាស​ចូល Top 4 ​ទៅ​ហើយ បែរ​ជា​ឱ្យ​របូត​បាត់​ទៅ​វិញ​នៅ​យប់មិញ។

Xavi
Xavi

​ក្រុម Barcelona ​ប្រកួត​ទល់​ក្រុម Sevilla ​បាន​បញ្ចប់​ទៅ​ក្នុង​លទ្ធផល​ស្មើ​គ្នា ១-១។ ខណៈ​ដែល​ក្នុង​ការ​ប្រកួត​នេះ​ដែរ ​ក្រុម​ម្ចាស់​ផ្ទះ Sevilla ​នៅ​សល់​គ្នា​ត្រឹម​១០​នាក់​ប៉ុណ្ណោះ​ចាប់​ពី​នាទី​៦៤​ទៅ ប៉ុន្តែ​ក្រុម​អ្នក​មាន​បុណ្យ​នៅ​តែ​មិន​មាន​សំណាង​អាច​យក​ឈ្នះ​បាន​ដដែល។ ការ​ចែក​គ្នា​ម្នាក់​មួយ​ពិន្ទុ​នេះ ​មិន​ល្អ​ទេ​សម្រាប់​ក្រុម Barcelona ​ព្រោះ​ពួកគេ​បាន​របូត​ឱកាស​ចូល​ក្នុង Top 4 ​ទៅ​ហើយ។

​អ្នក​ចាត់ការ Xavi ​និយាយ​ក្រោយ​ចប់​ការ​ប្រកួត​ថា​៖ “វា​ពិបាក​ធ្វើ​ឱ្យ​ខ្ញុំ​គេង​លក់​ណាស់ ​យើង​ត្រូវ​ឈ្នះ ​ជា​ពិសេស​នៅ​ពេល​មាន​មនុស្ស​លើស​ខាង​គេ​ម្នាក់។ យើង​ត្រូវ​ឈ្នះ​ដើម្បី​ចូល​ទៅ​តំបន់​លេង Champions League ​ប៉ុន្តែ​ខ្ញុំ​ក៏​មោទកភាព​ត្បិត​បាន​ត្រឹម​ស្មើ​ក៏​ដោយ។ យើង​មិន​សំណាង​ថ្ងៃ​នេះ ​ខ្ញុំ​ពេញ​ចិត្ត​ការ​លេង​គ្រប់​គ្នា។ ​នេះ​ជា​ក្រុម Barcelona| ​ដែល​ខ្ញុំ​ចង់​បាន”៕