ក្លិបអ្នកមានបារាំង Paris Saint Germain នឹងមិនចុះហត្ថលេខាដើម្បីនាំយកកីឡាករ Cristiano Ronaldo មករួមក្រុមជាដាច់ខាត នេះបើយោងតាមសម្តីរបស់អ្នកកាសែតកីឡាដ៏ល្បីល្បាញលោក Gianluca di Marzio។

Cristiano Ronaldo
Cristiano Ronaldo

ជាការពិតណាស់ នាពេលថ្មីៗនេះ មានការចុះផ្សាយជាច្រើនដែលបានលើកឡើងថា Ronaldo កំពុងតែអន្ទះសារចង់ចាកចេញពី Man Utd នៅក្នុងទីផ្សារដោះដូរកីឡាកររដូវក្តៅនេះ ហើយ មូលហេតុដែលគេចង់ចាកចេញនោះ ពីព្រោះគេមើលឃើញថា ក្រុមបិសាចក្រហមហាក់មិនមានផែនការលេងដើម្បីឈ្នះពានរង្វាន់ ខណៈ កីឡាករសញ្ជាតិព័រទុយហ្គាល់ខាងលើមានពាក្យចចាមអារ៉ាមក្នុងការផ្លាស់មកកាន់ Chelsea, Bayern Munich និង PSG នេះតែម្តង។

យ៉ាងណាក៏ដោយ បើយោងតាមការលើកឡើងរបស់លោក Gianluca di Marzio គឺ PSG នឹងមិននាំយក Ronaldo មករួមក្រុមឡើយ ពីព្រោះពួកគេយល់ឃើញថាក្លិបមានកីឡាករនៅប្រព័ន្ធប្រយុទ្ធគ្រប់គ្រាន់ហើយ និង មិនត្រូវការកីឡាករសញ្ជាតិព័រទុយហ្គាល់ខាងលើឡើយ៕