photo of Ainsley Maitland Niles
Ainsley Maitland Niles បានរងរបួសស្រាំជើងឆ្វេង អំឡុងពេលប្រកួត

ខ្សែការពារវ័យក្មេង Ainsley Maitland Niles របស់ Arsenal បានរងរបួសស្រាំជើងឆ្វេងបន្តិច ដែលនឹងធ្វើឱ្យគេត្រូវអវត្តមានពី៦ទៅ៨សប្ដាហ៍។

កីឡាករជម្រើសជាតិយុវជនអង់គ្លេសវ័យ២០ឆ្នាំ ត្រូវបានរំពឹងថានឹងក្លាយជាជម្រើសដំបូងជាប់លាប់របស់អ្នកចាត់ការថ្មី Unai Emery ក្រោយបង្ហាញភាពលេចធ្លោរដូវកាលមុន។

ប៉ុន្តែអំឡុងការប្រកួតបើករដូវកាលថ្មីទល់នឹង Manchester City កាលពីថ្ងៃអាទិត្យទី១២ខែសីហា Maitland-Niles ​បាន​រង​របួស​ពេល​ប៉ះ​ជាមួយ​កីឡាករ Kyle Walker ​របស់​ក្រុម Man City ​។ របួស​ជើង​នេះ ​នឹង​ធ្វើ​ឱ្យ​រូបគេ​អវត្តមាន​យ៉ាង​តិច​២​ខែ​ឯ​ណោះ។ ការ​ប្រកួត​ខ្សែការពារ​ម្នាក់​នេះ បាន​ធ្វើ​ឱ្យ​ក្រុម​កាំភ្លើង​ធំ​កំពុង​ជួប​បញ្ហា​កីឡាករ​របួស​នៅ​តំបន់​ការពារ​ហើយ ​ស្រប​ពេល Sead Kolasinac ​និង ​Laurent Koscielny ​គឺ​សុទ្ធ​តែ​រង​របួស​ទាំង​អស់។

Maitland-Niles ពេលនេះ ស្ថិតក្នុងបញ្ជីរបួសជាមួយរៀមច្បងដូចជា Sead Kolasinac ដែលរំពឹងវិលមកវិញក្នុងខែតុលា ខណៈប្រធានក្រុម Laurent Koscielny កំពុងបន្តព្យាបាលការវះកាត់កែងជើង។

Ainsley Maitland Niles
Ainsley Maitland Niles

Arsenal ​រំពឹង​ថា Nacho Monreal ​និង Danny Welbeck ​ដែល​កំពុង​រង​របួស​និង​ចូល​មក​ហាត់​ជាមួយ​ក្រុម​វិញ​នោះ ​អាច​ចូល​លេង​បាន​ទល់​ក្រុម Chelsea ​នា​ចុង​សប្ដាហ៍​នេះ។ ព្រោះ​ថា Arsenal ​ត្រូវ​ការ​ពិន្ទុ​ជា​ចាំ​បាច់​​ក្រោយ​ពី​ខក​ចិត្ត​ចាញ់​ក្រុម Man City ​២-០ ​ក្នុង​ប្រកួត​បើក​រដូវ​កាល៕