ខ្សែការពារ​ Joao Cancelo ត្រូវ​បាន​ចោរ​ប្លន់​ វាយ​របួស​មុខ​របស់​ខ្លួន​នៅ​ក្នុង​ថ្ងៃ​នេះ​។ នេះ​បើ​យោង​តាម​រូប​ភាព​ ក៏​ដូច​សារ​ ដែល​កីឡាករ​ Man City រូប​នេះ​ បាន​សរសេរ​នៅ​លើ​រូបភាព​ ដែល​ខ្លួន​បាន​បង្ហោះ​។

Joao Cancelo
Joao Cancelo

បើ​តាម​ការ​បង្ហោះ​ខាង​លើ​បាន​ឲ្យ​ដឹង​ថា​ Cancelo​ ត្រូវ​បាន​ មនុស្ស​៤នាក់​ បាន​យាយី​វាយ​ធ្វើ​បាប​ប្លន់​ ទ្រព្យ​សម្បត្តិ​ខ្លួន​​ និង​ក្រុម​គ្រួសារ​ខ្លួន​។ ខ្សែការពារ​រូប​នេះ​ក៏​បាន​តតាំង​ ជា​លទ្ធផល​មនុស្ស​ទាំង​ ៤នាក់​នោះ​ បាន​ប្លន់​យក​គ្រឿង​អលង្ការ​ទាំងអស់​ពី​កីឡាករ​រូប​នេះ​ ហើយ​បន្សល់​ទុក​មុខ​របួស​លើ​មុខ​គេ​ផង​ដែរ​។​

យ៉ាង​ណា​ Joao Cancelo មិន​ខ្វល់​ថា​ខ្លួន​ត្រូវ​របួស​ឬ​ក៏​បាត់​របស់​អ្វី​នោះ​ទេ​ អ្វី​​សំខាន់​បំផុត​គឺ​ ការពារ​គ្រួសារ​ទាំង​អស់​របស់​គេ​ឲ្យ​​មាន​សុវត្ថិភាព​។

ឥឡូវ​នេះ​ពួក​គេ​មាន​សុវត្ថិភាព​ជា​ធម្មតា​ហើយ​ គ្រាន់​តែ​ Joao Cancelo មាន​របួស​មុខ​បន្តិច​បន្តួច​៕