photo of Shinji Okazaki
ខ្សែប្រយុទ្ធជប៉ុន​ Shinji Okazaki

ខ្សែប្រយុទ្ធ Shinji Okazaki ត្រូវបានប្រកាសថាចាកចេញពីក្លឹប Malaga ដែលលេងនៅលីគទី២របស់អេស្ប៉ាញ កាលពីថ្ងៃអង្គារកន្លងទៅ ហើយកីឡាកររូបនេះ បានស្វែងរកឃើញទ្រនំថ្មីគឺក្លឹប Huesca។

Huesca បានចុះហត្ថលេខាយក ខ្សែប្រយុទ្ធជប៉ុនរូបនេះ ដោយមិនមានតំលៃផ្ដាច់កុងត្រា បន្ទាប់ពីអតីតកីឡាករក្រុម Leicester City រូបនេះ បានចាកចេញពី Malaga ក្រោយចំណាយពេលបានតែ១ខែ ខណៈដែលកុងត្រារបស់គេ មានរយៈពេល១ឆ្នាំជាមួយក្លឹបនេះ។

គួរបញ្ជាក់ថា Okazaki ដែលបានជួយអោយក្រុម Leicester ឈ្នះពាន Premier League កាលពីរដូវកាល ២០១៥/១៦ បច្ចុប្បន្នបានចុះហត្ថលេខាចូលរួមជាមួយនឹងក្លឹប Huesca រយៈពេល១រដូវកាល។

បច្ចុប្បន្នក្រុម Heusca ឈរនៅលេខ៦ បន្ទាប់ពីលេងបាន៣ប្រកួតនៅលីគទី២អេស្ប៉ាញ ហើយពួកគេអាចនឹងបន្ដកុងត្រាថ្មីមួយរដូវកាលទៀតអោយ Okazaki បើសិនជា កីឡាករជប៉ុនរូបនេះ បង្ហាញទម្រង់លេងល្អ៕