គិត​ត្រឹម​ពេល​នេះ​ Sebastien Haller របស់​ក្រុម Ajax រក​​បាន​១០​គ្រាប់​ហើយ ពោល​គឺ​លើស​​កីឡាករ​ណាណា ទាំង​អស់​ក្នុង​ពាន​រង្វាន់ UEFA Champions League ។

Sebastien Haller
Sebastien Haller

ក្រុម​ធំ​ៗ​មួយ​ចំនួនបាន​ឡើង​ទៅ​កាន់​វគ្គ​១៦​ក្រុម​ហើយ​ នៅ​ឡើយ​តែ​ក្រុម​មួយ​ចំនួន​​ក្នុង​ពូល E,F និង G នៅ​​មិន​ទាន់​រក​ឃើញ​អស់​។ ប៉ុន្តែ​ខ្សែ​ប្រយុទ្ធ​របស់ Ajax ខាង​លើ​បានស្ថិត​នៅ​លើ​គេ​នៃ​តារាង​អ្នក​រក​បាន​គ្រាប់​បាល់​បាន​ច្រើន​ជាង​គេ​គឺ​១០​គ្រាប់​។

ស្រប​ពេល Robert Lewandowski របស់​ Bayern Munich រក​បាន​៩​គ្រាប់ Christopher Nkunku របស់ RB Leipzig និង Mohamed Salah របស់ Liverpool រក​បាន​៧ គ្រាប់ ខណៈ​ដែល Cristiano Ronaldo ​របស់​ Manchester United រក​បាន​៦ គ្រាប់ និង Lionel Messi រក​បាន​៥​គ្រាប់។

​ចំណែក​ខ្សែ​ប្រយុទ្ធ​ Erling Haaland របស់ Borussia Dortmund ​​ដែល​ជា​​កីឡាករ​រក​បាន​គ្រាប់​បាល់​បាន​ច្រើន​ជាង​គេ​កាល​ពី​រដូវ​​កាល​២០២០-២០២១​ បាន​ធ្លាក់​ចេញ​ពី​ពាន​រង្វាន់​ខាង​លើ​នេះ​ហើយ​៕