Manchester City មានឆន្ទៈក្នុងការចុះហត្ថលេខាជាមួយខ្សែប្រយុទ្ធ Kylian Mbappe របស់ក្លឹប Paris Saint-Germain។

Kylian Mbappe
Kylian Mbappe

សារព័ត៌មាន Daily Mail បានអះអាងថាម្ចាស់ក្លឹប Man City គឺលោក Sheikh Mansour បានប្រាប់ក្រុមប្រឹក្សាភិបាលថានឹងនាំយកកីឡាករសញ្ជាតិបារាំងរូបនេះមកចូលរួមជាមួយ។

យោងតាមប្រភពព័ត៌មាន ក្រុមមេឃខៀវ Man City នឹងព្យាយាមចុះហត្ថលេខាជាមួយ Mbappe នៅដើមខែមករានេះខណៈកិច្ចសន្យារបស់គាត់ផុតកំណត់នៅចុងរដូវក្តៅឆ្នាំ ២០២២ ។

ក្លឹប Real Madrid ក៏បានបង្ហាញការចាប់អារម្មណ៍ចំពោះខ្សែប្រយុទ្ធវ័យ ២២ ឆ្នាំរូបនេះផងដែរប៉ុន្តែ PSG បានបដិសេធរាល់ការដាក់តម្លៃជូនរបស់ពួកគេ។

Mbappe រកបាន ៤ គ្រាប់និងបញ្ជូនបាល់ឲ្យ មិត្តរួមក្រុមស៊ុតបញ្ចូលទីបាន ៣ គ្រាប់ក្នុងការបង្ហាញខ្លួន ៧ លើកនៅ Ligue 1 រដូវកាលនេះ៕