គ្រូបង្វឹកវិសាខាសរសើរបឹងកេតពីរចំណុច មុនប៉ះគ្នាថ្ងៃអាទិត្យនេះ
14 Jun 2018 - 12:17:45 SHARE
បើតាមការលើកឡើងពីលោក ហុក សុជីវ័ន គ្រូបង្គោលក្លិបវិសាខាបានបង្ហាញ គុណភាពកីឡាករបរទេស បូករួមទាំងបទពិសោធក្រាស់ក្រែលលើឆាកអន្តរជាតិ គឺជាគុណសម្បត្តិធំរបស់បឹងកេត។
គ្រូបង្វឹកក្រុមជើងឯកលីគទី២ពណ៌នាបែបនេះមុនក្រុមទាំងពីរប៉ះគ្នាក្នុងជំនួបក្របខណ្ឌ Metfone Cambodian League សប្ដាហ៍ទី១០ នៅថ្ងៃអាទិត្យ ទី១៧ ខែមិថុនា នាកីឡដ្ឋានវេស្ទើន។ លោកថា ចំណុចល្អទាំងពីរខាងលើគឺជាកង្វល់សម្រាប់វិសាខា។
លោក ហុក សុជីវ័ន ពន្យល់បែបនេះ ៖ “យើងទទួលស្គាល់ថា កីឡាករបរទេសរបស់គាត់៣នាក់ ដូច Maycon, Julius, Benga អីខ្លាំងណាស់ ទាំងបច្ចេកទេស និង ការបញ្ចប់ទី គឺពួកគាត់ល្អជាងកីឡាករកូរ៉េខាងជើងរបស់យើងទៅទៀត។ ទី២ គឺបទពិសោធលើឆាកអន្តរជាតិ អ៊ីចឹងធ្វើឲ្យពួកគាត់ជាក្រុមដ៏ខ្លាំងមួយនៅក្នុងស្រុក”។
យ៉ាងណាក៏ដោយ លោក ហុក សុជីវ័ន បង្ហើបថា កីឡាករសម្បូរបទពិសោធមួយចំនួនដូចជា ង៉យ ស្រ៊ីន ជាដើមនឹងបង្ហាញវត្តមានសាជាថ្មីធ្វើឲ្យទំនុកចិត្តក្រុមកាន់តែមុតស្រួចជាងសប្ដាហ៍មុនដែលឈ្នះព្រះខ័នរាជស្វាយរៀងយ៉ាងប្រផុតប្រផើយ។
គួរដឹងដែរថា បឹងកេត ឈរនៅកំពូលតារាង ដោយមាន២៣ពិន្ទុពីការប្រកួត៩លើក និង វិសាខា មាន១៩ពិន្ទុ ស្ថិតនៅលេខ៣៕
ប្រភព៖ CNCC
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Khmer News
Tiger Street Football 2020 ចុងសប្ដាហ៍នេះ នឹងធ្វើដំណើរដល់ខេត្តតាកែវហើយ
ការប្រកួតបាល់ទាត់ Tiger Street Football 2020 បានធ្វើដំណើរដល់មណ្ឌលទី៧ នៅឯខេត្តតាកែវ ហើយនៅថ្ងៃសៅរ៍-អាទិត្យ ទី២២-២៣ ខែកុម្ភៈ នេះ។ ចាំមើលថាតើមណ្ឌលចំណាស់មួយនេះនឹងមានក្រុមកើនឡើងចំនួនប៉ុន្មានបន្ថែមទៀត។ បន្ទាប់ពីបានបញ្ចប់ការប្រកួតរួចរាល់នៅមណ្ឌលខេត្តកំពត កាលពីសប្ដាហ៍មុននេះ និងរកបានក្រុមខ្លាំងចំនួន ៦ក្រុម រួចមក ឥលូវនេះពានរង្វាន់បាល់ទាត់ដែលមានប្រាក់រង្វាន់ដ៏សន្ធឹកសន្ធាប់ខាងលើនេះ ចាប់ផ្ដើមធ្វើសន្និសីទសារព័ត៌មាននៅថ្ងៃស្រុកស្អែកនេះហើយ ខណៈការប្រកួតធ្វើឡើងថ្ងៃបន្ទាប់។ សម្រាប់មណ្ឌលខេត្តតាកែវ នេះគឺតម្រូវយកក្រុមខ្លាំងចំនួនតែ ៥ក្រុម ប៉ុណ្ណោះឡើងមកវគ្គផ្ដាច់ព្រ័ត្រនៅភ្នំពេញ។ ក្នុងមណ្ឌលទី៧ ខេត្តតាកែវ ក្រុមដែលអាចមកដាក់ពាក្យប្រកួតបានគឺមកពីបណ្ដាខេត្តដូចជា៖ តាកែវ ព្រៃវែង ស្វាយរៀង ឈប់ទទួលពាក្យថ្ងៃទី១៩ ខែកុម្ភៈ ២០២០ ប្រកួតថ្ងៃទី២២-២៣ ខែកុម្ភៈ ២០២០ ក្រុមជើងឯកមណ្ឌលកំពត បន្ទាប់ពីបញ្ចប់ការប្រកួតនៅពេលថ្ងៃហើយនោះ Tiger Beer ក៏មានការប្រគំតន្ត្រីចំនួន២យប់ផងដែរ នៅរាត្រីថ្ងៃទី២២ និងថ្ងៃទី២៣ មានផ្សាយផ្ទាល់តាមទូរទស្សន៍រស្មីហង្សមាស ដែលមានតារាងចម្រៀងល្បីៗឈ្មោះនៅកម្ពុជាដូចជា ព្រាប សុវត្ថិ ណុប ប៉ារិទ្ធ ZONO និងអ្នកចម្រៀងមួយចំនួនទៀត៕
20 Feb 2020
Khmer News
ភ្នំពេញក្រោន ប្រកាសបញ្ចប់កិច្ចសន្យាជាមួយកីឡាករ សេង កុសែន ដោយសារតែហេតុផលមួយ!
ក្លឹបបាល់ទាត់ភ្នំពេញក្រោនបានសម្រេចបញ្ចប់កិច្ចសន្យាជាមួយកីឡាករ សេង កុសែន ដោយសារតែកីឡារលេងក្នុងតំណែងជាខ្សែការពារកណ្តាលរូបនេះមិនគោរពទៅតាមបទបញ្ជារផ្ទៃក្នុងរបស់ក្លឹប ហើយប្រាសចាកពីក្រមសីលធម៌ និងគោលការណ៍ការងាររបស់ក្លឹបបាល់ទាត់ភ្នំពេញក្រោន ។ ក្លឹបបាល់ទាត់ភ្នំពេញក្រោនពិតជាមានការសោកស្តាយជាខ្លាំងចំពោះបញ្ហាដែលបានកើតឡើងនេះ ហើយយើងសង្ឃឹមថានេះជាកីឡាករទាំងអស់ធ្វើការពិចារណាមុននឹងធ្វើអ្វីមួយ ព្រោះវាអាចប៉ះពាល់ទៅដល់បុគ្គលខ្លួនឯងផ្ទាល់ និងរូបភាពបាល់ទាត់នៃព្រះរាជាណាចក្រកម្ពុជា ។ គួរឲ្យដឹងផងដែរថា កាលពីថ្ងៃអាទិត្យសប្ដាហ៍មុន ក្លិបបាល់ទាត់បឹងកេតក៏បានប្រកាសអំពីការសម្រេចបញ្ចប់កិច្ចសន្យារបស់កីឡាករខ្សែបម្រើ ម៉ាត់ យ៉ាមីន ក្រោមហេតុផលដូចទៅនឹង សេង កុសែន ដែរ៕
11 Feb 2020
Khmer News
កីឡាករពីររូបរបស់ ក្លឹបភ្នំពេញក្រោន ត្រូវបានកោះហៅចូលជម្រើសជាតិ U19
កីឡាករ រស់ ដារ៉ាពេជ្រ និងមិត្តរួមក្រុម លឹម ពិសុទ្ធ ត្រូវបានសហព័ន្ធកីឡាបាល់ទាត់កម្ពុជា FFC ជ្រើសរើសចូលក្នុងបញ្ជីឈ្មោះក្រុមជម្រើសជាតិកម្ពុជាយុវជនអាយុក្រោម១៩ឆ្នាំ (U19)។ ការប្រមូលផ្តុំហ្វឹកហាត់ ដើម្បីចូលរួមការប្រកួត JENESYS 2019 Japan-ASEAN U19 Men’s Football Tournament នៅប្រទេសជប៉ុន នឹងចាប់ផ្តើមពីថ្ងៃទី២៤ ខែកុម្ភៈដល់ថ្ងៃទី៤ ខែមីនា ឆ្នាំ២០២០ ខាងមុខនេះ។ ក្នុងចំណោមកីឡាករដែល FFC កោះហៅនេះ គឺមានវត្តមានខ្សែប្រយុទ្ធវ័យក្មេង ២រូបរបស់ក្លឹបបាល់ទាត់ភ្នំពេញក្រោន ដែលពួកគេទើបតែឡើងមកលេងក្នុងក្រុមធំនាពេលថ្មីៗនេះផងដែរ និងសមាជិកដទៃទៀតមកពីក្លឹបផ្សេងៗ៕
11 Feb 2020
Khmer News
បឹងកេត ប្រកាសបញ្ចប់កិច្ចសន្យារបស់កីឡាករ ម៉ាត់ យ៉ាមីន ដោយសារហេតុផលមួយ…
ក្លិបបាល់ទាត់បឹងកេត បានចេញសេចក្ដីជូនដំណឹងនៅលើទំព័រ Facebook ផ្លូវការរបស់ក្លឹបស្ដីអំពីការបញ្ចប់កិច្ចសន្យាជាមួយនឹងកីឡាករខ្សែបម្រើ ម៉ាត់ យ៉ាមីន ។ ក្លិបបឹងកេតបានបញ្ជាក់ចំពោះមូលហេតុនៃការសម្រេចធ្វើបែបនេះគឺដោយសារអាកប្បកិរិយាប្រព្រឹត្តិខុសពីក្រមសីលធម៌របស់កីឡាករអាជីព។ ក្លិបជើងឯកលីគកំពូលកម្ពុជា ៣សម័យកាលក៏បានបញ្ជាក់ទៀតថាវាជាការសម្រេចចិត្តយ៉ាងលំបាក តែក្លិបត្រូវតែធ្វើ ដើម្បីជាគំរូ កុំឲ្យកើតមានលើកីឡាករផ្សេងទៀត។ គួរឲ្យដឹងផងដែរថា រូបភាពរបស់ ម៉ាត់ យ៉ាមីន ត្រូវបានកម្លាំងសមត្ថកិច្ចរបស់ស្នងការដ្ឋាននគរបាលរាជធានីភ្នំពេញចាប់ឃាត់ខ្លួនក្នុងប្រត្តិបតិការបង្រ្កាបគ្រឿងញៀនក្នុងមជ្ឍមណ្ឌលកំសាន្តមួយកន្លែងតាមបណ្ដោយផ្លូវជាតិលេខ៦ ត្រូវបានគេចែករំលែកយ៉ាងច្រើននៅលើបណ្ដាញសង្គម Facebook៕
10 Feb 2020
Khmer News
លោក Luis Ferafnando Vitorino ប្រកាសចែកផ្លូវជាមួយ ក្លឹបវិសាខា
លោក Luis Ferafnando Vitorino ប្អូនបង្កើតរបស់អតីតគ្រូបង្វឹកក្រុមជម្រើសជាតិកម្ពុជា Leonardo Vitorino បានប្រកាសចាកចេញពីក្លឹបវិសាខា ហើយ ក្រោយដឹកនាំក្រុមយុវជន U-15 វិសាខា ជិត ៦ខែកន្លងទៅ។ នេះបើតាមការអះអាងរបស់សាមីខ្លួន លើបណ្ដាញសង្គមកាលពីយប់មិញ។ អតីតគ្រូបង្វឹកអ្នកចាំទីក្លឹបភ្នំពេញក្រោន បានសរសេរថា៖ «ខ្ញុំចង់ប្រកាសនៅពាក់កណ្តាលខែនេះ ខ្ញុំនឹងចាកចេញពី Visakha FC»។ ចំពោះមូលហេតុ គឺដោយសារវិសាខា មិនបន្ដកិច្ចសន្យាថ្មីដល់ខ្លួន ។ ដូច្នេះចាប់ពីថ្ងៃទី១៥ ខែកុម្ភៈតទៅ លោក Luis Fernando Vitorino មិនមែនជាគ្រូ U-15 វិសាខាទៀតឡើយ។ បើតាមការអះអាងរបស់គ្រូបង្វឹកសញ្ជាតិប្រេស៊ីលរូបនេះ បានបញ្ជាក់ថា ក្រោមការដឹកនាំរបស់ខ្លួនជិតកន្លះឆ្នាំ លោកបានដឹកនាំក្រុម U-15 វិសាខាចំនួន ១៧ប្រកួត ក្នុងនោះធ្លាប់ទទួលបានជ័យជម្នះ ១៥ប្រកួត ។ ប៉ុន្ដែក្រោយចែកផ្លូវជាមួយក្លឹបមានមូលដ្ឋាននៅហ្គ្រេនភ្នំពេញ លោកនឹងបន្ដរកក្លឹបថ្មីមួយទៀត ដើម្បីបន្ដអាជីព និងចែករំលែកនូវចំណេះដឹងរបស់ខ្លួន។ គួររំលឹកផងដែរថា លោក Luis Fernando Vitorino បានមកចូលរួមជាមួយភ្នំពេញក្រោន កាលពីខែមេសា ឆ្នាំ២០១៨ ដោយចាប់ផ្ដើមដំបូងជាមួយក្រុមថ្នាលយុវជន
05 Feb 2020
Khmer News
ក្រសួងការពារជាតិ ផ្លាស់ប្ដូរឈ្មោះថ្មីមកជា កងយោធពលខេមភូមិន្ទ និងកែសម្រួលស្លាកសញ្ញា
ក្លឹបបាល់ទាត់ក្រសួងការពារជាតិ នៅថ្ងៃទី០៤ ខែកុម្ភៈ ឆ្នាំ២០២០ បានសម្រេចប្រកាសផ្លាស់ប្ដូរឈ្មោះថ្មីចាប់ពីរដូវកាល២០២០ តទៅ នៅក្នុងការប្រើប្រាស់នៃលីគកំពូលកម្ពុជា ក៏ដូចជាពានរង្វាន់សម្តេចតេជោ ហ៊ុន សែន។ តាមការប្រកាសដដែលបានបញ្ជាក់ថា ឈ្មោះដើមរបស់ក្លឹបដែលមានឈ្មោះ ក្លឹបបាល់ទាត់ក្រសួងការពារជាតិ នឹងត្រូវផ្លាស់ប្ដូរមកថ្មី សមាគមកីឡាបាល់ទាត់កងយោធពលខេមភូមិន្ទ។ ក្រៅតែពីការផ្លាស់ប្ដូរឈ្មោះ ក្លឹបក៏មានការកែសម្រួលស្លាកសញ្ញា ( Logo ) ក្លឹបខ្លះផងដែរ ដោយមានបន្ថែមឈ្មោះ Tiffy Army ដែលជាឈ្មោះម្ចាស់ឧបត្ថម្ភដ៏ធំរបស់ក្លឹបនៅខាងក្រោមផងដែរ ។ សូមបញ្ជាក់ថា ក្រសួងការពារ ធ្លាប់បានប្រើប្រាស់ឈ្មោះជា ក្លឹបកងយោធពលខេមរភូមិន្ទ កាលពីមុនឆ្នាំ២០០៨ ក្រោយមកក៏បានប្ដូរមកជាក្លឹបបាល់ទាត់ក្រសួងការពារជាតិ រហូតដល់បច្ចុប្បន្នប្ដូរមកជា សមាគមកីឡាបាល់ទាត់កងយោធពលខេមភូមិន្ទ នេះផ្ទាល់តែម្តង៕
04 Feb 2020
