គ្រូបង្វឹក Vincenzo Montella ត្រូវបានបណ្តេញចេញពីក្លឹប AC Milan

AC Milan បានបណ្តេញគ្រូបង្វឹក Vincenzo Montella និងបានដាក់អតីតកីឡាករ Gennaro Gattuso ដែលទទួលបន្ទុកកិច្ចការដំបូង ។

ក្លឹប Rossoneri ស្ថិតនៅលំដាប់ទី 7 ក្នុងក្របខ័ណ្ឌ Serie A ដោយមាន 18 ពិន្ទុពីក្រោយក្រុម Napoli ។​ ការសម្រេចចិត្តនេះធ្វើឡើងបន្ទាប់ពីក្រុម Milan ទទួលបានលទ្ធផលស្មើ ០ ទល់​នឹង ០ នៅក្នុង​ដី​ខ្លួន​ ជាមួយក្រុម Torino នៅចុងសប្តាហ៍នេះ ។

សេចក្តីថ្លែងការណ៍របស់ក្លឹប ដែលបានចេញផ្សាយនៅលើគណនី Twitter ផ្លូវការរបស់ពួកគេបានសរសេរថា AC Milan ប្រកាសថាបានចែកផ្លូវគ្នាជាមួយ Montella ហើយលោក Gennaro Gattuso ដែល​ជាអតីតកីឡាករ​ AC Milan នឹង​ឡើង​ជា​គ្រូ​បង្វឹក​ថ្មី​នៃ​ក្លឹប​យក្ស​អ៊ីតាលី​មួយ​នេះ ក្រោយ លោក Montella ត្រូវ​បាន​ក្លឹប​បញ្ចប់​កុង​ត្រា ។

ប្រភពពី៖ sport