គ្រូ​បង្វឹក​អេហ្ស៊ីប លោក Hector Cuper ​បាន​ប្រកាស​ថា ខ្សែបម្រើ​ស្លាប Mohamad Salah នឹង​ចូល​លេង​ក្នុង​ប្រកួត​ប៉ះ​ជាមួយ​អ៊ុយរុយហ្គាយ​រាត្រីនេះ ។

photo of Mohamed Salah
Mohamed Salah ជាមួយមិត្តរួមក្រុមជម្រើសជាតិអេហ្ស៊ីប

ពិតណាស់ កីឡាករវ័យ25ឆ្នាំមកពីក្លីប Liverpool បានរងរបួសស្មាអំឡុងវគ្គផ្ដាច់ព្រ័ត្រ Champions League កាលពីចុងខែឧសភា បន្ទាប់ពីជែងបាល់ជាមួយប្រធានក្រុម Real Madrid កីឡាករ Sergio Ramos។

តែលោក Cuper បានប្រាប់អ្នកសារព័ត៌មានកាលពីម្សិលមិញថា៖ «Salah កំពុងហ្វឹកហាត់ជាមួយមិត្តរួមក្រុមហើយរំពឹងថានឹងចូលលេងក្នុងការប្រកួតយប់នេះ។ ខ្ញុំ​ជឿជាក់​យ៉ាង​ច្បាស់​ថា 100% រូប​គេ​នឹង​ចូល​លេង​ក្នុង​រាត្រី» ។

ក្នុង​ព្រឹត្តិការណ៍ World Cup 2018 នេះ អេហ្ស៊ីប​ស្ថិត​ក្នុង​ពូល A ហើយ​នឹង​ត្រូវ​ប្រកួត​ជាមួយ អ៊ុយរុយហ្គាយ អារ៉ាប៊ីសាអ៊ូឌីត និង​រុស្ស៊ី ក្នុង​វគ្គសន្សំពិន្ទុ។ នេះក៏ជាប្រកួតដំបូងហើយរបស់អេហ្ស៊ីបក្រោយពីឡើងមកវគ្គចែកពូលនេះ ក្រោយពីបាត់មុខជាង 28ឆ្នាំ ៕

ប្រភពពី៖ bbc