ខ្សែបម្រើ Christian Eriksen ​ទំនង​ជា​មិន​អាច​បន្ដ​អាជីព​បាល់ទាត់​បាន​ទៀត​ទេ ​ប្រសិន​បើ​ក្រុម​គ្រូ​ពេទ្យ​រក​ឃើញ​ថា​រូបគេ​មាន​បញ្ហា​បេះ​ដូង​ពិត​ប្រាកដ​មែន។

Christian Eriksen
Christian Eriksen

អំឡុង​ការ​ប្រកួត​ឱ្យ​ក្រុម​ជម្រើសជាតិដាណឺម៉ាកខ្សែបម្រើវ័យ ២៩ ឆ្នាំ ​ Eriksen ​បាន​ដួល​សន្លប់​នៅ​ជិត​ចប់​តង់​ទី​១ ​ដែល​បណ្ដាល​ឱ្យ​មាន​ការ​ជួយ​សង្គ្រោះ​បន្ទាន់​ផង​ដែរ។ ​គ្រប់​គ្នា​មាន​ការ​តក់​ស្លត់​ខ្លាំង​ណាស់​សម្រាប់​ដំណឹង​នេះ ​ខណៈ​ដែល​រូបគេ​ជា​កីឡាករ​ល្អ​ម្នាក់ បែរ​ជា​ជួប​ស្ថានភាព​បែប​នេះ​ទៅ​វិញ។

​បើ​តាម​ការ​បញ្ជាក់​របស់​ក្រុម​គ្រូ​ពេទ្យ​នៅ​អង់គ្លេស ​បាន​បញ្ជាក់​ថា​នេះ​ជា​រឿង​មិន​ល្អ​ឡើយ​សម្រាប់​អតីត​កីឡាករ Spurs ​ខាង​លើ។ ​ប្រសិន​បើ​រូបគេ​ពិត​ជា​មាន​បញ្ហា​បេះ​ដូង​មែន ​នោះ​អាជីព​បាល់ទាត់​ទំនង​ជា​បញ្ចប់​នៅ​ត្រឹម​នេះ​ហើយ។ ​មួយ​វិញ​ទៀត​បើ​តាម​អ្នក​ច្បាប់​នៅ​អ៊ីតាលី​វិញ ​ក៏​បញ្ជាក់​ថា​បើ​សិន​ជា​ប្រធាន​ក្រុម​ដាណឺម៉ាក​ពិត​ជា​មាន​បញ្ហា​បេះ​ដូង​មែន នោះ​រូបគេ​មិន​អាច​លេង​នៅ​អ៊ីតាលី​បាន​ទឿត​ទេ៕