ឈ្មោះបេក្ខភាព ៣រូប ប្រជែងយកពានកីឡាករល្អប្រចាំឆ្នាំ របស់ UEFA គ្មាន Messi ទេ
21 Aug 2018 - 15:03:21 SHARE
អង្គភាពគ្រប់គ្រងកីឡាបាល់ទាត់អឺរ៉ុបបានប្រកាសថ្ងៃចន្ទ ទី២០ ខែសីហា ថា Cristiano Ronaldo, Luka Modric និង Mohamed Salah ស្ថិតក្នុងបញ្ជី ប្រកួតពានរង្វាន់កីឡាករឆ្នើមប្រចាំឆ្នាំរបស់ UEFA បុន្តែគ្មានឈ្នោះកីឡាករ Messi ឡើយ។
តាមរយៈសារព័ត៌មាន BBC របស់អង់គ្លេសបានចេញផ្សាយថា លទ្ធផលផ្លូវការនឹងប្រកាសឲ្យដឹងនៅថ្ងៃទី៣០ ខែសីហា ឆ្នាំ២០១៨ នៅក្នុងកម្មវិធីចាប់ពូលនៃព្រឹត្តិការណ៍ UEFA Champions League រដូវកាលថ្មីឆ្នាំ២០១៨-២០១៩ នៅទីក្រុង Lyon ប្រទេសបារាំង។
ការសម្រេចនេះ ត្រូវបានធ្វើឡើងដោយការបោះឆ្នោត ក្នុងចំណោមគ្រូបង្វឹក ៨០រូប ដែលបានដឹកនាំក្រុមចូលរួមក្នុងពានរង្វាន់ UEFA Champions League និង UEFA Europa League កាលពីរដូវកាលមុន រួមទាំងអ្នកសារព័ត៌មានចំនួន ៥៥រូប។
សូមបញ្ជាក់ថា តារាឆ្នើមវ័យ ៣៣ឆ្នាំ Cristiano Ronaldo ជាម្ចាស់កំណត់ត្រាស៊ុតចូលច្រើនជាងគេនៅ Champions League រដូវកាលមុន ដោយជាកម្លាំងសំខាន់ក្នុងការជួយ Real Madrid ការពារជើងឯក Champions League ៣សម័យកាល ជាប់គ្នា ស្របពេលគូប្រជែង Mohamed Salah ជាម្ចាស់ស្បែកជើងមាស នៅក្របខណ្ឌកំពូលអង់គ្លេស Premier League ដោយស៊ុតបញ្ចូលទីបាន ៤៤គ្រាប់ច្រើនជាងគេ និងក្រុមហង្សក្រហម Liverpool ឡើងមកដល់វគ្គផ្តាច់ព្រ័ត្រ ទោះចាញ់ Real Madrid ៣-១ ក៏ដោយ៕
ការប្រកាសអ្នកឈ្នះសម្រាប់ឆ្នាំ២០១៨នេះ នឹងត្រូវធ្វើឡើងនៅថ្ងៃទី៣០ ខែសីហា ឆ្នាំ២០១៨៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
Real Madrid ចង់ឱ្យ Gareth Bale ទៅ Man Utd ដើម្បីទិញយក Paul Pogba
ក្រុម Real Madrid រៀបគម្រោងថ្មីទៀត ដើម្បីទិញយក Paul Pogba ពីក្រុម Manchester United នៅខែមករាខាងមុខនេះ ដោយមាន Gareth Bale ជាថ្នូរ។ក្រុមរបស់លោក Zinedine Zidane ជឿជាក់ថាលោក Ole Gunnar Solskjaer និងកីឡាករ Gareth Bale អាចនឹងចែកផ្លូវគ្នាដើរហើយ ក្រោយពីមិនអាចធ្វើការជាមួយគ្នាបានល្អនារដូវកាលនេះ។ ក្នុងនោះ ពួកគេយល់ទៀតថា ក្រុម Man Utd អាចនឹងត្រូវការខ្សែប្រយុទ្ធស្លាបម្នាក់ទៀត ដើម្បីបង្កើនកម្លាំងប្រយុទ្ធនៅខាងលើ ជាជាងតំបន់បម្រើ។ ដូច្នេះហើយទើប Real Madrid មានបំណងយក Bale ឱ្យទៅ Man Utd ហើយពួកគេនឹងថែមលុយទៀត ដើម្បីយក Pogba ត្រលប់មកវិញ។ មិនមានការតបតអ្វីនៅឡើយទេពីសំណាក់ក្រុម Man Utd ប៉ុន្តែការព្យាយាមទិញកីឡាករបារាំងនេះ គឺ កើតមានតាំងពីរដូវកាលដោះដូរកីឡាករកន្លងទៅម្ល៉េះ ប៉ុន្តែមិនអាចទៅរួចព្រោះបិសាចក្រហមដាក់តម្លៃខ្លួនខ្ពស់ពេក។ ដោយឡែក
17 Nov 2019
Other News
Toni Kroos រកបាន២គ្រាប់លើកដំបូងជួយអាល្លឺម៉ង់កក់កៅអី Euro 2020
ខ្សែបម្រើកណ្ដាល Toni Kroos រកបាន២គ្រាប់ម្នាក់ឯងជាលើកដំបូងសម្រាប់អាល្លឺម៉ង់ក្នុងពេល៥ឆ្នាំចុងក្រោយនេះ ស្របពេលជម្រើសជាតិរបស់គេលត់ Belarus ៤-០ ក្នុងវគ្គជម្រុះពូល C យប់ថ្ងៃសៅរ៍ទី១៦ខែវិច្ឆិកាឆ្នាំ២០១៩ ហើយធានាបានកៅអីជុំផ្ដាច់ព្រ័ត្រ Euro 2020។ លើកចុងក្រោយដែល Kroos រកបាន២គ្រាប់ម្នាក់ឯងសម្រាប់ជម្រើសជាតិ គឺពេល អាល្លឺម៉ង់ ព្រលះម្ចាស់ផ្ទះ ប្រេស៊ីល ៧-១ ក្នុងវគ្គពាក់កណ្ដាលផ្ដាច់ព្រ័ត្រ World Cup 2014។ យប់មិញ Matthias Ginter បានបើកការនាំមុខសម្រាប់អាល្លឺម៉ង់នៅ Monchengladbach ក្នុងនាទី៤១ មុន Leon Goretzka ថែមមួយគ្រាប់ទៀតក្នុងនាទី៤៩។ បន្ទាប់មក Kroos ដាក់២គ្រាប់ក្នុងនាទី៥៥និង៨៣។ ជ័យជម្នះនេះបានធានាកៅអីជុំផ្ដាច់ព្រ័ត្រ Euro ឆ្នាំក្រោយសម្រាប់អាល្លឺម៉ង់ជាមួយហុល្លង់ ខណៈ អៀរឡង់ខាងជើង នឹងត្រូវព្យាយាមក្ដោបយកឱកាស play-off។ ប្រកួតចុងក្រោយ អាល្លឺម៉ង់ ទទួល អៀរឡង់ខាងជើង នៅ Frankfurt ថ្ងៃអង្គារទី១៩ខែវិច្ឆិកា៕
17 Nov 2019
Other News
លោក Edwin Van der Sar បន្តកុងត្រាជាអ្នកចាត់ការទូទៅរបស់ក្លឹប Ajax
Ajax បានបន្តកុងត្រាជាមួយលោក Edwin van der Sar រហូតដល់ឆ្នាំ២០២៣ ថ្វីបើមានព័ត៌មានចចាមអារ៉ាមថាមានការចាប់អារម្មណ៍ពីក្លឹប Manchester United ក៏ដោយ។ លោក Edwin van der Sar បានចុះកុងត្រាថ្មីដែលមានសុពលភាព ៤ឆ្នាំក្នុងតួនាទីជាអ្នកចាត់ការទូទៅរបស់ក្លឹប Ajax ដែលហាក់ដូចជាបានបញ្ចប់នូវឱកាសវិលត្រឡប់ទៅចូលរួមជាមួយក្លឹប Manchester United វិញ។ លោក Van der Sar បានវិលត្រឡប់មកក្លឹបហូឡង់មួយនេះវិញកាលពីឆ្នាំ២០១២ ជាក្លឹបដែលលោកធ្លាប់លេងកាលនៅជាកីឡាករ។ លោកបានចាប់ផ្ដើមក្នុងតួនាទីជានាយកផ្នែកទីផ្សារមុននឹងឡើងមកកាន់តួនាទីថ្នាក់ដឹកនាំសំខាន់នាពេលបច្ចុប្បន្ននៅ ៤ឆ្នាំក្រោយមក។ ចាប់តាំងពីពេលដែលលោក Van der Sar ទទួលតួនាទីដ៏សំខាន់នោះមក ក្លឹប Ajax បានឈានមួយជំហានយ៉ាងធំឆ្ពោះទៅកាន់ភាពល្បីល្បាញក្នុងនាមជាក្លឹបធំមួយរបស់អឺរ៉ុបដូចកាលដែលអតីតអ្នកចាំទីរូបនេះកំពុងបង្ហាញសមត្ថភាពលើទីលានប្រកួតក្នុងអំឡុងទសវត្សរ៍ទី៩០។ អតីតអ្នកចាំទីរូបនេះបានសរសេរនៅលើបណ្ដាញសង្គម Twitter របស់ខ្លួនថា៖ “ខ្ញុំរីករាយណាស់ដែលបានបន្តកុងត្រាជាមួយក្លឹបដ៏ស្រស់ស្អាតមួយនេះ។ យើងក៏ធ្លាប់បានឆ្លងកាត់ពេលវេលាដ៏លំបាកដែរ ប៉ុន្តែពេលវេលារីករាយបានវិលត្រឡប់មកវិញហើយ។ ហើយយើងត្រូវការឱ្យមានពេលវេលារីករាយឱ្យកាន់ច្រើនឡើងថែមទៀតនាពេលអនាគត”។ Very happy with my contract extension at this beautiful
16 Nov 2019
Other News
ប្រធានក្លឹប Juventus នឹងជួបចរចាជាមួយក្លឹប Man Utd ជុំវិញលទ្ធភាពផ្ទេរ Mario Mandzukic
តាមព័ត៌មានថា ក្លឹប Juventus កំពុងចរចាជាមួយក្លឹប Man Utd ជុំវិញកិច្ចព្រមព្រៀងផ្ទេរខ្សែប្រយុទ្ធ Mario Mandzukic នៅខែមករានេះ។គេដឹងថា ប្រធានបច្ចេកទេសក្លឹប Juventus លោក Fabio Paratici បានធ្វើដំណើរទៅប្រទេសអង់គ្លេស ដើម្បីចរចានៅទីក្រុងឡុងដ៍។ ក្លឹប Man Utdកំពុងព្យាយាម ដើម្បីសម្រេចកិច្ចព្រមព្រៀងផ្ទេរកីឡាករវ័យ៣៣ឆ្នាំរូបនេះក្នុងតម្លៃ១៣លានផោន ខណៈពួកគេមានបំណងពង្រឹងរដូវកាលរបស់ខ្លួនឡើងវិញ និងស្របពេលដែលក្លឹប Juventus ចង់ជម្រុះខ្សែប្រយុទ្ធរូបនេះ ដែលមិនបានបង្ហាញមុខនៅឡើយនៅក្រោមការដឹកនាំរបស់លោក Mauricio Sarri។ Marioបានធ្វើការហ្វឹកហាត់ឆ្ងាយពីកីឡាករផ្សេងទៀតក្នុងក្រុម ដើម្បីរក្សាកម្រិតលេងរបស់ខ្លួន៕
16 Nov 2019
Other News
Ronaldo ត្រូវដោះស្រាយជាមួយ Sarri ក្រោយត្រលប់ពីលេងឲ្យក្រុមជម្រើសជាតិព័រទុយហ្គាល់វិញ
រឿងរ៉ាវរវាងលោក Maurizio Sarri និងខ្សែប្រយុទ្ធ Cristiano Ronaldo គឺនឹងត្រូវសម្រេចដោះស្រាយ ក្រោយពេលសាមីខ្លួនវិលត្រលប់ពីការលេងឲ្យក្រុមជម្រើសជាតិព័រទុយហ្គាល់វិញ។ បញ្ហារវាងអ្នកទាំងពីរបានកើតឡើងនៅការប្រកួតទល់ AC Milan អំឡុងពេលដែលបុរសវ័យ ៣៤ ឆ្នាំ ត្រូវបានគ្រូបង្វឹកផ្លាស់ចេញនៅនាទី ៥៤ ហើយកីឡាករពាក់អាវលេខ ៧ រូបនេះបានដើរចេញពីទីលានប្រកួត ដោយមិនធ្វើការចាប់ដៃជាមួយមិត្តរួមក្រុមណាទាំងអស់។ ក្រោយបិទការប្រកួតនៅពេលនោះលោក Sarri លើកហេតុផលថាដោយសារឃើញ Ronaldo មានសភាពមិនស្រួល ពោលគឺទំនងជាកើតបញ្ហារបួសត្រង់ជង្គង់។ មតិខ្លះទៀតក៏និយាយថា Sarri លើកមូលហេតុ គ្រាន់បញ្ចៀសមតិរិះគន់ ដោយតាមពិតទៅលោកមិនពេញចិត្តលើទម្រង់លេងមិនដល់កម្រិតរបស់ Ronaldo ទៅវិញទេ។
16 Nov 2019
Other News
តម្លៃខ្លួនរបស់ Sanho ដែល Dortmund ដាក់ឲ្យ Man Utd គិតពិចារណា
យោងតាមរបាយការណ៍ពីសារព័ត៌មាន Mirror បានចុះផ្សាយថាក្លឹប Borussia Dortmund កន្លងទៅទាមទារតម្លៃខ្លួនរបស់ Jadon Sancho ថ្លៃប្រមាណ ១២០ លានផោនឬស្មើនឹង ១៤០ លានអឺរ៉ូ ផ្ញើទៅភាគីខាងក្លឹប Manchester United ដែលកំពុងចង់បាន។ Dortmund កំពុងឈរលើគោលដៅចង់លក់ចេញយុវជនសញ្ជាតិអង់គ្លេសនៅទីផ្សារដោះដូររដូវក្តៅ ឆ្នាំ ២០២០ ហើយក៏រំពឹងនាំផលចំណេញមិនចេះតិចផងដែរ ព្រោះពេលទិញពី Man City នៅឆ្នាំ ២០១៧ គឺក្លឹបចាយត្រឹម ៧,៨៤ លានអឺរ៉ូប៉ុណ្ណោះ។ ក្នុងអំឡុងពេល ២ ឆ្នាំ Sancho បង្ហាញខ្លួនបាន ៧១ ប្រកួតឲ្យក្លឹបយក្សនៅ Bundesliga និងរកបាន ១៨ គ្រាប់ជាមួយការ Assist ៣១ គ្រាប់។ បើរាប់រដូវកាលនេះសុទ្ធយុវជនវ័យ ១៩ ឆ្នាំរកបាន ៤ គ្រាប់និង Asisst ៨ លើក រួចមកហើយក្នុងការបង្ហាញខ្លួន ១៦ លើក៕
16 Nov 2019
