ក្រុម Barcelona បាន​ប្រកួត​ស្មើ​គ្នា​ជាមួយ ​Osasuna ក្នុងលិទ្ធផល ២ ទល់នឹង ២ កាល​ពី​យប់​មិញ ក្រោយ​ពួក​គេ​ភ្លាត់​ធ្វើ​ឲ្យ​របូត​គ្រាប់​បាល់​ចុង​ម៉ោង។

Xavi Hernandez
Xavi Hernandez

កីឡាករ​ក្មេង​ៗ​នៅ​តែ​បន្ត​មាន​ឱកាស​លេង​ក្រោម​ការ​ដឹក​នាំ​របស់ Xavi។ ក្នុង​ការ​ប្រកួត Barca កំពុង​តែ​នាំ​មុខ ២-១ ទៅ​ហើយ​នោះ នៅ​នាទី​​៨៦ Ezequiel Avila បាន​ទាត់​បញ្ចូល​ទី​មួយ​គ្រាប់ ជួយ​ឲ្យ Osasuna តាម​ស្មើ​ ២-២។

ក្រោយ​ការ​ប្រកួត​ Xavi បាន​សរសើរ​ពី​ការ​លេង​របស់​កីឡាករ​ក្មេង​ៗ​ដូច​ជា Gavi, Nico និង Abde ប៉ុន្តែ​ពួក​គេ​ស្ថិត​នៅ​ក្នុង​ពេល​ក្រុម​កំពុង​ធ្លាក់​ចុះ។ ” Gavi, Nico និង Abde ពិត​ជា​គួរ​​ឲ្យ​ភ្ញាក់ផ្អើល ពួក​គេ​កំពុង​ជួយ​ស្រោចស្រង់​​ក្នុង​ពេលវេលា​លំបាក។ កីឡាករ​ក្មេង​ៗ​​កំពុង​​ធ្វើ​ឲ្យ​មាន​ការ​ផ្លាស់ប្ដូរ។ វា​គឺ​មាន​ចំណុច​វិជ្ជមាន​និង​អវិជ្ជមាន ព្រោះ​ពួក​គេ​មិន​អាច​លេង​ល្អ​គ្រប់​ពេល​ទេ ព្រោះ​ពួក​គេ​នៅ​ក្មេង។

Barcelona ពេល​នេះ​កំពុង​នៅ​លេខ​៨​ក្នុង​តារាង​ពិន្ទុ La Liga គម្លាត​ពី​ក្រុម​កំពូល​តារាង Real Madrid ដល់​ទៅ​១៨​ពិន្ទុ​ឯណោះ។ ហើយ​ថ្មី​ៗ​នេះ​ពួក​គេ​ទើប​តែ​ធ្លាក់​ចេញ​ពី​ពាន Champions League ក្រោយ​ចាញ់ Bayern Munich ៣-០ ធ្លាក់​ទៅ​លេង​នៅ​ Europa League៕