ថ្នាក់ដឹកនាំក្លិបបឹងកេត របស់កម្ពុជា បញ្ចប់ទស្សនកិច្ចសិក្សានៅក្លិបបាល់ទាត់ឈៀងរ៉ៃ ក្នុងប្រទេសថៃ
22 Aug 2018 - 14:49:09 SHARE
ក្លិបបឹងកេត សមាជិកពានរង្វាន់លីគកំពូលកម្ពុជា បានជូនដំណឹងដល់អ្នកគាំទ្ររបស់ខ្លួនថាអនុប្រធានក្លឹបបឹងកេត លោក រ៉ាចនាគិត វ៉ាស៊ុណាន់ និងអគ្គលេខារបស់ក្លឹបលោក បែ មករា ព្រមទាំងក្រុមការងារមួយចំនួនទៀតបានទៅធ្វើទស្សនកិច្ចផ្លូវការជាមួយក្លិបបាល់ទាត់ឈៀងរ៉ៃយូរណាយធីត (CHIANG RAI UNITED) សមាជិកពានរង្វាន់លីគកំពូលប្រទេសថៃ។
ដំណើរទស្សនកិច្ចនៅក្លិបស្ថិតក្នុងលីគកំពូលរបស់ប្រទេសថៃនេះមានរយៈពេល២ថ្ងៃក្នុងគោលបំណងបង្កើនកិច្ចសហប្រតិបត្តិការរវាងក្លិបទាំងពីរក៏ដូចជាសិក្សាស្វែងយល់បន្ថែមលើចំណុចសំខាន់ៗដែលអាចញ៉ាំងឲ្យវិស័យកីឡាមួយនេះកាន់តែមានភាពរីកចំរើន។ បន្ថែមលើនេះទៅទៀតថ្នាក់ដឹកនាំកំពូលនៃក្លិបទាំងពីរនិងបន្ដជួបជជែកពិភាក្សារគ្នាបន្ថែមលើចំណុចជាច្រើនទៀត។
បើតាមដំណឹងមកពីប្រទេសថៃបាន បញ្ជាក់ថាមានក្លិបចំនួន៩នៅលីគកំពូលថៃ កំពុងតែចង់បានកីឡាករ ចាន់ វឌ្ឍនាកា សមាជិករបស់ក្លិបបឹងកេត ទៅចូលរូមក្នុងក្រុម ដោយក្នុងនោះមានក្លិប Chiang Rai United ផងដែរ។ គេមិនទាន់ច្បាស់ថាតើតំណាងក្លិបទាំង២ពិភាក្សាពីរឿងដោះដូរកីឡាកររូបនេះដែរឬទេ ខណៈក្លិបប្រកាសនឹងជម្រាបជូនរឿងលំអិតពីកិច្ចពិភាក្សានេះក្នុងពេលឆាប់ៗ។
សូមរំលឹកថាក្លិបបាល់ទាត់ Chiang Rai United មានមូលដ្ឋាននៅខេត្តឈៀងរ៉ៃ ប្រទេសថៃ។ ក្រុមមួយនេះតែងតែបង្កើតព្យុះភ្លៀងជាច្រើននៅលីគកំពូលថៃជាប្រចាំផងដែរ៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
Ronaldo សរសើរតារាឆ្នើមវ័យក្មេង Mbappe ថាជាកីឡាករដែលមានអនាគតនៅលើវិថីបាល់ទាត់
នៅក្នុងកម្មវិធីមួយរបស់ ក្រុមហ៊ុនផលិតសំភារៈកីឡា Nike ខ្សែប្រយុទ្ធឆ្នើម Cristiano Ronaldo បាននិយាយពីបុគ្គលិកលក្ខណៈរបស់ តារាឆ្នើមវ័យក្មេង Kylian Mbappe របស់ក្រុម Paris Saint-Germain។ ទើបតែមានវ័យ២១ឆ្នាំ Mbappe ត្រូវបានគេចាត់ទុកថា ជាកីឡាករដែលមានអនាគតភ្លឺស្វាង ជាមួយនឹងល្បឿនដែលបង្កគ្រោះថ្នាក់ដល់គូប្រកួត ក៏ដូចជាបច្ចេកទេសស៊ុតបញ្ចូលទីរបស់រូបគេផងដែរ។ Ronaldo បាននិយាយថា៖ “គេគឺជាអនាគត គេគឺ[កំពូលកីឡាករម្នាក់]នាពេលបច្ចុប្បន្ន។ គេជាកីឡាករដ៏អស្ចារ្យម្នាក់ ដែលមានល្បឿនលឿនណាស់។” នេះជាអ្វីដែល ម្ចាស់ពាន Ballon d’Or ៥សម័យរូបនេះ បាននិយាយទៅកាន់កីឡាករសញ្ជាតិបារាំង នៅពេលដែលពួកគេនៅលើទីលានប្រកួតជាមួយគ្នា។
20 Feb 2020
Other News
Liverpool កំពុងពិចារណាផ្ទេរខ្សែបម្រើ Milot Rashica របស់ក្លឹប Werder នៅរដូវក្តៅនេះ
នៅពេលនេះ ក្លឹប Liverpool កំពុងស្វែងរកព័ត៌មានទាក់ទិននឹងខ្សែបម្រើ Milot Rashica របស់ក្លឹប Werder Bremen នឹងមានបំណងផ្ទេរក្នុងតម្លៃ៣១,៥លានផោននៅរដូវក្តៅនេះ។ កីឡាករវ័យ២៣ឆ្នាំរូបនេះទទួលបានការចាប់អារម្មណ៍ខ្លាំងនៅក្របខណ្ឌ Bundesliga នៅរដូវកាលនេះ ដោយរកបាន៧គ្រាប់ក្នុងបង្ហាញមុខ១៨ប្រកួត។ លោក JurgenKlopp កំពុងសម្លឹងមើលកីឡាករដែលមានទេពកោលស្យនៅក្របខណ្ឌ Bundesliga ព្រមទាំងខ្សែប្រយុទ្ធ Timo Werner ខណ:នៅពេលនេះ Rashica បានក្លាយជាកីឡាករម្នាក់ទៀតដែលកំពុងត្រូវបានឃ្លាំងមើលដោយក្រុមការងាររបស់ក្លឹប Liverpool ។ សេចក្តីរាយការណ៍នេះកត់សម្គាល់ថា Rashica មានលក្ខខណ្ឌទិញផ្តាច់ ៣១,៥លានផោនជាមួយក្លឹប Werner Bremen ។ Rashica បានផ្ទេរពីក្លឹប Vitesse Arnhem មកកាន់ក្លឹប Bremen កាលពីខែមករាឆ្នាំ២០១៨ ដោយមានកិច្ចសន្យាដល់ឆ្នាំ២០២២៕
20 Feb 2020
Other News
លោក Mourinho ថា Spurs ស្ថិតក្នុងភាពមិនច្បាស់ដោយសាររបួសរបស់ Son
លោក Jose Mourinho បានធ្វើការប្រៀបធៀបក្តីសង្ឃឹមរបស់ក្រុម Tottenham ក្នុងការបញ្ចប់ជាវិជ្ជមាននៅរដូវកាលនេះ ទៅនឹងការទាក់ជាប់នឹងយ៉រផ្ទះជាន់ទី៤ ក្រោយពីបានបាត់បង់តារាឆ្នើម Son Heung-min ដោយសារតែបញ្ហារបួស។ ស្របពេលដែលក្រុមរបស់ខ្លួនបានបាត់បង់ខ្សែប្រយុទ្ធ Harry Kane រហូតដល់បញ្ចប់រដូវកាលនេះរួចជាស្រេច លោក Mourinho បាននិយាយថា លោកមិនរំពឹងទុកថា Son នឹងចូលលេងម្តងទៀតឡើយនៅរដូវកាលនេះ ក្រោយពីខ្សែប្រយុទ្ធអន្តរជាតិកូរ៉េខាងត្បូងរូបនេះ បានរបួសដៃស្តាំរបស់គេ ក្នុងពេលក្រុមខ្លួនបានទទួលជ័យជម្នះ ៣-២ នៅលើទឹកដីក្រុម Aston Villa កាលពីថ្ងៃអង្គារ។ Spurs នឹងធ្វើជាម្ចាស់ផ្ទះទទួលក្រុមអាល្លឺម៉ង់ RB Leipzig ក្នុងការប្រកួតជើងទី១នៃក្របខ័ណ្ឌ Champions League វគ្គ១៦ក្រុមចុងក្រោយ នៅរាត្រីនេះ នៅមុនពេលជួបជាមួយនឹងក្រុម Chelsea ក្នុងការប្រកួតមួយ ដែលពិតជាសំខាន់ក្នុងការប្រជែងយកកៅអីទៅកាន់ក្របខ័ណ្ឌ Champions League នៅរដូវកាលក្រោយ។ នៅពេលដែលលោក Mourinho បានចូលរួមដឹកនាំក្លិប Tottenham កាលពីខែវិច្ឆិកា Spurs ដេញតាមពីក្រោយអតីតក្លិបរបស់លោករហូតដល់ទៅ១២ពិន្ទុ ក្នុងចំណាត់ថ្នាក់លេខ១៤ ប៉ុន្តែ ពួកគេអាចឡើងឈរពីលើក្រុម
19 Feb 2020
Other News
Erling Braut Haaland បំបាក់មុខ PSG ក្នុងការប្រកួតជើងទី១នៃវគ្គ១៦ក្រុមចុងក្រោយ
កីឡាករ២នាក់ដែលមានតម្លៃខ្លួនខ្ពស់បំផុតក្នុងពិភពលោក មិនអាចធ្វើឲ្យបានល្អជាងខ្សែប្រយុទ្ធវ័យក្មេង Erling Braut Haaland ខណៈដែលតារាឆ្នើមអន្តរជាតិន័រវែសរូបនេះ បានបន្តទម្រង់លេងដ៏ល្ងរបស់ខ្លួន តាមរយៈការស៊ុតបាល់បញ្ចូលទី២គ្រាប់ ក្នុងពេលក្រុម Borussia Dortmund ដណ្តើមបានជ័យជម្នះ ២-១ លើក្រុម Paris Saint-Germain កាលពីថ្ងៃអង្គារ។ Haaland បានស៊ុតបាល់បញ្ចូលទីនៅចន្លោះគ្រាប់បាល់តាមស្មើរបស់ខ្សែប្រយុទ្ធ Neymar ខណៈដែលតារាឆ្នើមអន្តរជាតិប្រេស៊ីលរូបនេះ បានស៊ុតបាល់បញ្ចូលទីក្រោយពីវិលពីរបួសរបស់គេវិញ ប៉ុន្តែ ក្រុមម្ចាស់ជើងឯកបារាំង បានរងបរាជ័យ នៅលើទឹកដីក្រុម Dortmund ក្នុងការប្រកួតវគ្គ១៦ក្រុមចុងក្រោយ ជើងទី១។ ទាក់ទងនឹងការប្រកួតជើងទី២នៅទីក្រុងប៉ារីស នៅថ្ងៃទី១១ ខែមីនា Haaland បានឲ្យដឹងថា៖ «យើងចង់ឈានទៅវគ្គបន្ត ប៉ុន្តែ វានឹងក្លាយជាការប្រកួតដ៏ស្វិតស្វាញមួយ។ ប៉ុន្តែ យើងគឺជាក្រុមដ៏ខ្លាំងមួយ។ លទ្ធផលនេះ ពិតជាគ្រោះថ្នាក់ណាស់ ខណៈដែល PSG មានក្រុមដ៏ខ្លាំងមួយ និងនៅតែអាចឈានទៅវគ្គបន្តក្នុងជើងទី២»។ Emre Can ដែលជាមិត្តរួមក្រុមរបស់ Haaland រួមជាមួយនឹងកីឡាករ Axel Witsel បានខិតខំព្យាយាមយ៉ាងខ្លាំងនៅតំបន់បម្រើរបស់ក្រុម Dortmund ដើម្បីព្យាយាមរារាំង
19 Feb 2020
Other News
Chelsea គ្រោងដាក់សំណើថ្មីដើម្បីផ្ទេរកីឡាករ Matias Vecino របស់ក្លឹប Inter Milan
ក្លឹបតោខៀវ Chelsea គ្រោងនឹងដាក់សំណើថ្មីមួយទៀតនៅពេលទីផ្សារទិញដូរកីឡាករបើកទ្វា ដើម្បីផ្ទេរខ្សែបម្រើ Matias Vecino របស់ក្លឹប Inter Milan ។ ក្លឹប Chelseaទើបតែទទួលបានកីឡាករ Hakim Ziyech កាលពីសប្តាហ៍មុន ស្របពេលខ្សែបម្រើក្លឹប Ajax រូបនេះនឹងមកចូលរួមនៅរដូវក្តៅ បន្ទាប់ពីព្រមព្រៀងផ្ទេរមកពហុកីឡាដ្ឋាន Stamford Bridge ក្នុងតម្លៃ៤០លានផោន។ គ្រូបង្វឹកក្លឹប Chelsea លោក Frank Lampard អាចនឹងស្វាគមន៍កីឡាករថ្មីទី២នៅខែមិថុនា ស្របពេលក្លឹបនេះបានឆ្លើយតបនឹងតម្លៃ ២៣លានផោនសម្រាប់ Matias ។ គេជឿថា គ្រូបង្វឹកក្លឹប Inter Milan លោក Antonio Conte នឹងសប្បាយចិត្តក្នុងការចែកផ្លូវពីកីឡាកររូបនេះ ដើម្បីយកថវិកាមកចំណាយនៅរដូវកាលទិញដូរនារដូវក្តៅខាងមុខ។តាមព័តមានថា ក្លឹប Everton ក៏ប្រជែងផ្ទេរយកកីឡាករវ័យ២៨ឆ្នាំរូបនេះផងដែរ៕
18 Feb 2020
Other News
Jurgen Klopp ថា ក្រុម Atletico នៅតែជាឧបស័គ្គដ៏ធំសម្រាប់ Liverpool ក្នុងរាត្រីនេះ
លោក Jurgen Klopp បាននិយាយកាលពីថ្ងៃចន្ទថា លោកហាក់មានអារម្មណ៍ដូចជា «តួក្នុងខ្សែភាពយន្តកំប្លែងរឿង Kindergarten Cop» អ៊ីចឹង បើធៀបទៅនឹងលោក Diego Simeone ប៉ុន្តែ ក្រុម Liverpool នឹងព្យាយាមដើរតួជាក្រុមមនុស្សពេញវ័យ ដើម្បីប្រកួតជាមួយនឹងក្រុមក្មេងៗ នៅពេលដែលពួកគេជួបជាមួយនឹងក្រុម Atletico Madrid ក្នុងក្របខ័ណ្ឌ Champions League។ លោក Klopp បានប្រាប់អ្នកយកព័ត៌មាននៅទីក្រុងម៉ាឌ្រីដថា៖ «មនុស្សជាច្រើននិយាយថា ខ្ញុំឆាប់នឹងរំជួលចិត្ត ប៉ុន្តែ ប្រសិនបើខ្ញុំស្ថិតក្នុងកម្រិត៤ គាត់ស្ថិតក្នុងកម្រិត១២។ ខ្ញុំជាតួក្នុងរឿង Kindergarten Cop បើធៀបនឹងគាត់»។ លោក Klopp បានប្រាប់បន្តថា៖ «លោក Simeone បានដឹកនាំក្រុមរបស់ខ្លួនអស់រយៈពេល៨ឆ្នាំមកហើយ និងនៅតែមានកម្រិតនៃការរំជួលចិត្ត ហើយនោះគឺជារឿងដ៏គួរឲ្យចាប់អារម្មណ៍»។ លោក Klopp នឹងត្រូវជួបជាមួយនឹងលោក Simeone ជាលើកទី១ នៅកីឡដ្ឋាន Wanda Metropolitano នៅរាត្រីនេះ ហើយលោកបានកោតសរសើរដល់គ្រូបង្វឹកសញ្ជាតិអាហ្សង់ទីនរូបនេះយ៉ាងខ្លាំង ស្របពេលដែលលោកមិនបាននិយាយពីការធ្លាក់ចុះទម្រង់លេងរបស់ក្រុម Atletico
18 Feb 2020
