photo of ទិត្យ ឌីណា​
ទិត្យ ឌីណា​ ចូលរួមជាមួយក្លឹប វិសាខា

ខ្សែ​បម្រើ​ឆ្នើម​របស់​ជម្រើស​ជាតិ​កម្ពុជា កីឡាករ ទិត្យ​ ឌីណា​បាន​ចាក​ចេញ​ពី​ក្លឹប​អគ្គស្នងការនគរបាល​ជាតិ​ហើយ​បាន​ទៅ​ចុះ​កុង​ត្រា​ជាមួយ​ក្លឹប​ជើង​ខ្លាំង​ចំណូល​ថ្មី​តែ​ខ្លាំង វិសាខា​​ក្រោយ​ចប់​ការ​ប្រកួត​លីក​កំពូល​កម្ពុជា​ជើង​ទី​១​ហើយ​រូប​គេ​អាច​ជួយ​ក្លឹប​លេង​នៅ​ជើង​ទី​ដែល​នឹង​ចូល​មក​ដល់​នៅ​សប្ដាហ៍​នេះ​បាន។

ខ្សែ​បម្រើ​វ័យ​២៥​ឆ្នាំ​រូប​នេះ​លេង​ឲ្យ​ក្លឹប​ប៉ូលិស​​១០​ឆ្នាំ​មក​ហើយ​ពោល​តាំង​ពី​ឆ្នាំ​២០០៨​ មក​ម្ល៉េះ​ដោយ​បង្ហាញ​ខ្លួន​ឲ្យ​ក្លឹប​បាន​ ៤១១​ប្រកួត​រក​បាន​៧៣​គ្រាប់​។​ រូប​គេ​ក៏​ជា​ខ្សែ​បម្រើ​ជម្រើស​ជាតិ​កម្ពុជា​ផង​ដែរ​ដោយ​បង្ហាញ​ខ្លួន​បាន​ ២៩​ប្រកួត​រក​បាន​២​គ្រាប់។

photo of ហុក សុជីវ័ន
លោក ហុក សុជីវ័ន គ្រូបង្គោលក្លិបវិសាខា

លោក ហុក សុជីវ័ន គ្រូបង្គោលក្លិបវិសាខា ប្រាប់ CNCC ថា ការផ្ទេរ ទិត្យ ឌីណា ពីអគ្គស្នងការដ្ឋាននគរបាលជាតិដើម្បីពង្រឹងតំបន់បម្រើកណ្ដាលឲ្យកាន់តែល្អក្នុងការប្រកួតប្រជែងពានរង្វាន់ Metfone Cambodian League និង ពានសម្ដេចអគ្គមហាសេនាបតីតេជោ ហ៊ុន សែន ថ្នាក់ជាតិ ឆ្នាំ២០១៨។

គួរដឹងដែរថា ទិត្យ ឌីណា បានចូលរួមរស់ជាមួយអគ្គស្នងការដ្ឋាននគរបាលជាតិ ប្រមាណជិតមួយទសវត្សរ៍មកហើយ និង បានជាប់ជម្រើសជាតិកម្ពុជាអំឡុងឆ្នាំ២០១១។

photo of ទិត្យ ឌីណា​
ទិត្យ ឌីណា​ ចូលរួមជាមួយក្លឹប វិសាខា