photo of ចាន់ វឌ្ឍនាកា
ចាន់ វឌ្ឍនាកា

ខ្សែ​ប្រយុទ្ធ ចាន់ វឌ្ឍនាកា ​របស់​កម្ពុជា ​អាច​រក​គ្រាប់​បាល់​ដំបូង​របស់​ខ្លួន​បាន​ហើយ នៅក្នុងជំនួបសប្តាហ៍ទី៩ នៃក្របខណ្ឌកំពូលប្រទេសម៉ាឡេសុី កាលពីថ្ងៃសៅរ៍ កន្លងទៅ គ្រាប់បាល់ដំបូងរបស់ក្រុមម្ខាស់ផ្ទះ Pahang FA គឺជារបស់កីឡាករកម្ពុជា ចាន់ វឌ្ឍនាកា ខណ:កាលនោះលទ្ធផល បានត្រឹមស្មើគ្នា ២ទល់២ ជាមួយ Kedah។

ត្បិត​តែ​មិន​មែន​ជា​គ្រាប់​បាល់​ល្អ​ឥត​ខ្ចោះ​មែន ប៉ុន្តែ​១​គ្រាប់​នេះ​ជា​គ្រាប់​បាល់​ដំបូង​របស់ វឌ្ឍនាកា ​ហើយ​ជាមួយ​ក្រុម​ Pahang ​នៅ​លីគ​កំពូល​ម៉ាឡេស៊ី។ ​១​គ្រាប់​របស់​កីឡាករ​ពាក់​អាវ​លេខ​១១​នេះ​​ធ្វើ​បាន​នៅ​នាទី​ទី​១០ ​ដោយ​រូបគេ​បោះ​បាល់​ទៅ​មិត្ត​រួម​ក្រុម ប៉ុន្តែ​ប៉ះ​ជើង​កីឡាករ Kedah ​ចូល​ទី​តែ​ម្ដង។

បើតាមវីដេអូ យើងមើលឃើងថា​ ជាគ្រាប់ទាត់បញ្ចូលទីខ្លួនឯងរបស់កីឡាករ Kedah តែសហព័ន្ធបាល់ទាត់ម៉ាឡេសុីសម្រេចឲ្យកីឡាករ ចាន់ វឌ្ឍនាកា វិញ ដោយចាត់ទុកថា កីឡាករកម្ពុជារូបនេះ ទាត់ឲ្យបុកជើងខ្សែការពាររបស់គូប្រកួត។