Ruben Dias ​ទើប​តែ​ចូល​រួម​ជាមួយ​ក្រុម Manchester City ​កាល​ពី​រដូវ​កាល​មុន​ទេ ប៉ុន្តែ​ពេល​នេះ​ក្រុម​ការងារ​របស់​លោក Pep ​ចង់​បន្ដ​កុងត្រា​ឱ្យ​គេ​ដល់​ឆ្នាំ​២០២៧​ទៅ​ហើយ។

Ruben Dias
Ruben Dias

​ក្រុម Man City ​បាន​ទិញ​យក​ខ្សែ​ការពារ​ខាង​លើ​ក្នុង​តម្លៃ​៦១​លាន​ផោន ​ពី​ក្រុម Benfica ​កាល​ពី​ឆ្នាំ​មុន ​និង​រូបគេ​ទទួល​បាន​ការ​ពេញ​ចិត្ត​ជា​ខ្លាំង​ពី​សំណាក​អ្នក​ចាត់ការ Pep Guardiola ។ ​រហូត​មក​ដល់​ពេល​នេះ ក៏​ស្រាប់​តែ​ទទួល​មាន​ដំណឹង​ថា​ក្លឹប​ជើង​ឯក Premier League ​មួយ​នេះ​ត្រៀម​នឹង​បន្ដ​កុងត្រា​ថ្មី​ឱ្យ​ទៅ​កីឡាករ​ព័រទុយហ្គាល់​នេះ​ទៀត​ទៅ​ហើយ។

ក្នុង​កុងត្រា​ចាស់​របស់​កីឡាករ​វ័យ​២៤​ឆ្នាំ​នេះ ​រូបគេ​​ទទួល​បាន​តម្លៃ​ពលកម្ម​៩​ម៉ឺន​ផោន​ក្នុង​១​សប្ដាហ៍។ ​ហើយ​ការ​ចង់​បន្ដ​កុងត្រា​ថ្មី​ឱ្យ​ដល់​ឆ្នាំ​២០២៧​នោះ គឺ Dias ​នឹង​កើន​ដល់​ទៅ ២៥០ ០០០​ផោន​ក្នុង​មួយ​សប្ដាហ៍។ ​ដោយ​តម្លៃ​ពលកម្ម​នេះ ស្មើ​នឹង John Stones ​ដែល​ក្លឹប​ទើប​បន្ដ​កុងត្រា​ថ្មី​ដែរ៕