​តាម​ការ​វិភាគ​តាម​ Supercomputer ​របស់​អង់គ្លេស ​បាន​បញ្ជាក់​ថា​ទោះ​ជា​ក្រុម​បិសាច​ក្រហម Manchester United ​យក​បាន Cristiano Ronaldo ​ក៏​ពួកគេ​មិន​ទាន់​អាច​ឈ្នះ​ពាន​រង្វាន់ Premier League ​បាន​ដែរ។

Cristiano Ronaldo
Cristiano Ronaldo

​អ្នក​គាំទ្រ​ច្រើន​គិត​ថា Man Utd ​ជា​បេក្ខភាព​ខ្ពស់​ហើយ​ដែល​អាច​ឈ្នះ​ពាន​រង្វាន់ Premier League ​បាន ​បន្ទាប់​ពី​ពួកគេ​អាច​នាំ​យក Ronaldo ​ត្រលប់​មក​វិញ​បាន។ ខណៈ​ដែល​ក្រុម​របស់​លោក Ole ​ក៏​បាន​បំពេញ​ចន្លោះ​ប្រហោង​នៅ​តំបន់​ការពារ​បន្ថែម​ទៀត​ផង​ដែរ ដោយ​ចុះ​កុងត្រា​យក Varane ​ពី​ក្រុម Real Madrid ។ ​តែ​បើ​តាម​ការ​វិភាគ​មួយ​ទៀត ​បាន​ឱ្យ​ឃើញ​ថា Man Utd ​មិន​មែន​ជា​ក្រុម​ភាគរយ​ច្រើន​ឈ្នះ​ពាន​នោះ​ទេ។

​ការ​វិភាគ​តាម​រយៈ Supercomputer ​បាន​បង្ហាញ​ឱ្យ​ឃើញ​ពី​ទម្រង់​លេង​នៃ​ក្រុម​ទាំង​អស់។ ដោយ​ស្ថិតិ​បាន​បង្ហាញ​ថា Manchester City ​នៅ​តែ​អាច​ឈ្នះ​ពាន​រង្វាន់​បាន​ទៀត​នា​រដូវ​កាល​នេះ។ ខណៈ​ដែល​ក្រុម​លេខ​២​នឹង​បាន​ទៅ​លើ​ក្រុម Chelsea, ​លេខ​៣ ​បាន​ទៅ​លើ​ក្រុម Liverpool ​ហើយ ​ក្រុម​លេខ​៤​បាន​ទៅ​លើ​ក្រុម Manchester United ​។ ​

សម្រាប់​ក្រុម Man Utd ​នា​រដូវ​កាល​នេះ ​អាច​នឹង​ឈ្នះ​ពាន​បាន​ដែរ ប៉ុន្តែ​ត្រឹម​ជា​ពាន​រង្វាន់ Cup ​ណា​មួយ​ប៉ុណ្ណោះ៕