photo of  world cup
នីហ្សេរីយ៉ា 2 – 1​ អ៊ីស្លង់​

ការ​ស៊ុត​​បញ្ចូល​ទី​២​គ្រាប់​របស់​​ខ្សែប្រយុទ្ធ​​ Ahmed Musa មក​ពី​ក្លឹប Leicester City មិន​ត្រឹម​តែ​ជួយ​ឲ្យ​នីហ្សេរីយ៉ា​ឈរ​លេខ​២​បណ្ដោះ​អាសន្ន​ប៉ុណ្ណោះ​ទេ ប៉ុន្តែ​ជ័យជម្នះ​លើ​អ៊ីស្លង់​នេះ​ថែម​ទាំង​ជា​ក្តី​សង្ឃឹម​ដល់​​អាហ្សង់ទីន​​ក្នុង​ការ​ឡើង​វគ្គ​បន្ត​ទៀត​ផង។

២គ្រាប់របស់ក្រុមមកពីទ្វីបអាហ្រ្វិកនេះ រកបានទាំង២គ្រាប់ដោយកីឡាករ Musa នៅនាទី៤៩ និងនាទី៧៥ ខណៈដែលអ៊ីស្លង់ ក៏មានឱកាសសឹងនឹងរកគ្រាប់បាល់បាន១គ្រាប់សងវិញដែរ ដោយការទាត់បាល់ពិន័យ១១ម៉ែត្រ ប៉ុន្ដែធើ្វមិនបានសម្រេចទៅវិញ ដោយខែ្សប្រយុទ្ធរបស់ក្រុម Everton កីឡាករ Sigurdsson។

៣ពិន្ទុដំបូងនេះ បានធ្វើអោយក្រុមមកពីទ្វីបអាហ្រ្វិក នីហ្សេរីយ៉ា ឡើងឈរនៅលេខ២ បណ្តោះអាសន្នក្នុងពូល D ដែលធ្វើអោយអាហ្សង់ទីន មានសង្ឃឹមឡើងវិញ ក្នុងការឈ្នះកៅអីទៅវគ្គ១៦ក្រុម ។

photo of  world cup
នីហ្សេរីយ៉ា 2 – 1​ អ៊ីស្លង់​

​លក្ខខណ្ឌ​ដាច់ខាត​២​យ៉ាង​​​​ដែល​អាហ្សង់ទីន​អាច​ឡើង​ទៅ​វគ្គ​បន្ត ដែល​នឹង​ត្រូវ​កាត់​សេចក្ដី​នៅ​ជុំ​ទី​៣៖​​

លក្ខខណ្ឌ​ទី​១៖ ​អាហ្សង់ទីន ត្រូវ​ឈ្នះ​ នីហ្សេរីយ៉ា​ដាច់​ខាត ហើយ អ៊ីស្លង់ ត្រូវ​​ចាញ់​ ឬ ស្មើ​ក្រូអាត

បើ​អ៊ីស្លង់​ចាញ់ តារាង​ពិន្ទុ​នឹង​ប្រែប្រួល​គឺ ក្រូអាត​៩​ពិន្ទុ អាហ្សង់ទីន​៤​ពិន្ទុ នីហ្សេរីយ៉ា​៣​ពិន្ទុ អ៊ីស្លង់​១​ពិន្ទុ។ បើ​អ៊ីស្លង់​ស្មើ តារាង​​ក្នុង​ពូល​ D ពី​លេខ​១​ដល់​លេខ​៤​ក៏​មិន​ប្រែប្រួល​ដែរ ពោល​គឺ ក្រូអាត និង អាហ្សង់ទីន​នឹង​ដឹកដៃ​គ្នា​ទៅ​វគ្គ​បន្ត។​

លក្ខខណ្ឌ​ទី​២៖ បើ​អ៊ីស្លង់​ឈ្នះ​ក្រូអាត ហើយ អាហ្សង់ទីន​ឈ្នះ​នីហ្សេរីយ៉ា

លក្ខខណ្ឌ​នេះ អ៊ីស្លង់ និង អាហ្សង់ទីន​​ មាន​៤​ពិន្ទុ​ដូច​គ្នា ប៉ុន្តែ​ខុស​គ្រាប់​ស៊ុត។ បច្ចុប្បន្ន​អាហ្សង់ទីន​ជា​ក្រុម​បាត​តារាង​ក្នុង​ពូល​D ដោយ​ជំពាក់​គ្រាប់​ស៊ុត​ចំនួន ៣ គ្រាប់ ខណៈ​អ៊ីស្លង់​​ជំពាក់​គ្រាប់​ស៊ុត​តែ​២​គ្រាប់។ ដូច្នេះ ​ក្នុង​ន័យ​នេះ ​អាហ្សង់ទីន​អាច​ឡើង​ទៅ​វគ្គ​បន្ត​​បាន​លុះ​ត្រា​ណា​ស៊ុត​បញ្ចូល​ទី​ច្រើន​ជាង​អ៊ីស្លង់​​យ៉ាង​ហោច​ណាស់​១​គ្រាប់។ ឧទាហរណ៍ បើ​អ៊ីស្លង់​យក​ឈ្នះ​ក្រូអាត ១-០ អាហ្សង់ទីន ដាច់​ខាត​ត្រូវ​ឈ្នះ​នីហ្សេរីយ៉ា ២-០៕