បរាជ័យយប់មិញធ្វើឲ្យ Man UTD ស្ថិតនៅលើតំបន់គ្រោះថ្នាក់មានតែ ២ពិន្ទុប៉ុណ្ណោះ
08 Oct 2019 - 02:29:53 SHARE
ក្រោយបរាជ័យក្រោមថ្វីជើងសារិកាព្រៃ Newcastle United ក្នុងលទ្ធផល ១ទល់នឹង០ ក្នុងជំនួបសប្ដាហ៍ទី៨ កាលពីយប់មិញ បិសាចក្រហម Manchester United កំពុងឈរនៅលេខ១២ នៅក្នុងតារាងចំណាត់ថ្នាក់ក្របខណ្ឌ Premier League។
៨ប្រកួតក្នុងរដូវកាលថ្មីក្របខណ្ឌ Premier League របស់ជើងឯកលីគកំពូលអង់គ្លេស ២០សម័យកាល Manchester United មាន៩ពិន្ទុ ដោយឈ្នះបានតែ ២ប្រកួតប៉ុណ្ណោះ ខណៈ ៥ប្រកួតទៀតគឺស្មើ២ និងចាញ់៣ ដែលនេះជាកំណត់ត្រាដ៏អាក្រក់មួយ។
បើទោះបីជាកំពុងឈរនៅលេខ១២ពិតមែន ប៉ុន្តែក្រុមរបស់លោក Ole Gunnar Solskjaer មានពិន្ទុលើសក្រុមដែលកំពុងស្ថិតនៅតំបន់កាត់ចោលតែ ២ពិន្ទុប៉ុណ្ណោះ ដែលនេះជាសម្ពាធមួយយ៉ាងខ្លាំងរបស់អ្នកចាត់ការទូទៅសញ្ជាតិន័រវេស ចំពោះមុខអ្នកគាំទ្រ។
គួររំលឹកឡើងវិញដែរថា មុនពេលចាប់ផ្ដើមរដូវកាលថ្មីនេះ Man UTD បានចំណាយប្រាក់អស់ ១៥៩លានអឺរ៉ូក្នុងការទិញកីឡាករល្អៗចូល ៣រូបរួមមាន Harry Maguire, Wan-Bissaka និង Daniel James ប៉ុន្តែលទ្ធផលហាក់មិនសមប្រកបសោះ៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Premier League News
Jose Mourinho ថាការកាត់សេចក្ដីរបស់ VAR មិនយុត្តិធម៌សម្រាប់ក្រុមSpurs
លោក Jose Mourinho បានបន្ទោសទៅលើបច្ចេកវិទ្យា VAR កាត់ក្ដីមិនយុត្ដិធម៏នោះទេ នៅក្នុងការប្រកួតដែល Tottenham បរាជ័យ ១-០ ទល់នឹង Liverpool កាលពីយប់ថ្ងៃសៅរ៍កន្លងទៅនេះ។ ក្រុមហង្សក្រហមមានឱកាសរកគ្រាប់បាល់បានមួយគ្រាប់ នៅក្នុងតង់ទី១ដោយខ្សែប្រយុទ្ធ Roberto Firmino ប៉ុន្ដែត្រូវបានពិនិត្យដោយ VAR ដោយសង្ស័យថាបាល់ប៉ះដៃ ប្រធានក្រុម Jordan Henderson។ Spurs មានការតវ៉ាចំពោះការផ្ដល់បាល់បោះទុស ដែលគួរតែផ្ដល់ឲ្យក្រុមរបស់ពួកគេ ដោយបាល់ដែលចេញទៅក្រៅ ហាក់ដូចជាប៉ះជើងរបស់ Sadio Mane។ ក្រោយចប់ការប្រកួតលោក Mourinho បាននិយាយថា៖ “ខ្ញុំមិនបានមើលការប្រកួតសារឡើងវិញទេ។ អ្វីដែលខ្ញុំបានឃើញគឺ ២០០% ដែលកបាល់បោះទុស មុនពេលមានគ្រាប់បាល់នោះ គឺគួរតែយើងជាអ្នកបោះ។ ខ្ញុំមានការយល់ច្រលំចំពោះ VAR ដោយសារតែរឿងនេះ។” ចំណុចនៃការកាត់សេចក្ដីបែបនេះហើយ ទើបធ្វើឱ្យលោក Jose មិនអស់ចិត្ត ហើយចោទថា VAR នេះ មិនមានប្រយោជន៍សម្រាប់ការប្រកួតនៅអង់គ្លេសឡើយ៕
12 Jan 2020
Premier League News
Spurs ដាក់ពាក្យប្តឹងជំទាស់ជុំវិញការ ពិន័យកាតក្រហមកីឡាករ Son Heung-min
ថ្នាក់ដឹកនាំនៃក្លឹបមាន់ខ្នាយមាស Tottenham Hotspur បានដាក់ពាក្យប្តឹងជំទាស់ជុំវិញការ ពិន័យកាតក្រហមកីឡាករ Son Heung-min ក្នុងជំនួបដែល Spurs ចាញ់តោខៀវ Chelsea ២-០ នៅ Premier League កាលសប្តាហ៍មុន។ នេះក៏ជាលើកទី២ ផងដែរ ដែលកីឡាករពាក់លេខ៧ Son ទទួលបានកាតក្រហមនារដូវកាលនេះ បន្ទាប់ពីទទួល បានកាតក្រហមដំបូងក្នុងជំនួបដែល Spurs ប៉ះក្រុមស្ករគ្រាប់ Everton។ កីឡាករប្រធានក្រុមជម្រើសជាតិកូរ៉េខាងត្បូង Son ត្រូវបានពិន័យកាតក្រហមនៅវគ្គទី២ នៅពេលប៉ះទង្គិច ជាមួយខ្សែការពារ Antonio Rudiger ក្រោយឆែកប្រព័ន្ធជំនួយការអាជ្ញាកណ្តាល (VAR) និងអាចខកខាន ១ប្រកួតផងដែរពេល Spurs ប៉ះក្រុមភ្ញៀវ Brighton នៅ Premier League ខានស្អែកនេះក្នុងថ្ងៃ Boxing Day៕
24 Dec 2019
Premier League News
Arsenal បានវាយបកផ្ដួលម្ចាស់ផ្ទះ West Ham United ៣-១ បញ្ចប់ភាពមិនឈ្នះ៩ប្រកួតជាប់គ្នា
ក្រុម Arsenal បានវាយបកផ្ដួលម្ចាស់ផ្ទះ West Ham United ៣-១ រាត្រីថ្ងៃចន្ទទី៩ខែធ្នូឆ្នាំ២០១៩ ដើម្បីបញ្ចប់ភាពមិនស្គាល់ឈ្នះ៩ប្រកួតជាប់ៗគ្នា ស្របពេលអ្នកចាត់ការបណ្ដោះអាសន្ន Freddie Ljungberg រីករាយនឹងការរកបាន៣ពិន្ទុលើកដំបូង។ ខ្សែការពារ Angelo Ogbonna បានបើកការនាំមុខសម្រាប់ West Ham ក្នុងនាទី៣៨។ តែនៅវគ្គទី២ ខ្សែប្រយុទ្ធវ័យក្មេង Gabriel Martinelli ដែលចូលលេង Premier League ពេញម៉ោងលើកដំបូង បានតាមស្មើក្នុងនាទី៦០ ធ្វើឱ្យគេក្លាយជាកីឡាករក្មេងបំផុត(១៨ឆ្នាំនិង១៧៤ថ្ងៃ)ទី៤ដែលរកបានគ្រាប់បាល់សម្រាប់ក្លិបកាំភ្លើងធំក្នុងលីគនេះ បន្ទាប់ពី Cesc Fabregas, Serge Gnabry និង Alex Oxlade Chamberlain។ ៦នាទីបន្ទាប់ Nicolas Pepe ស៊ុតកោងយ៉ាងចំណានចូលមុំកែង ឱ្យ Arsenal នាំមុខ រួច Pierre Emerick Aubameyang ធានា៣ពិន្ទុតាមរយៈការស៊ុតគ្រាប់ទី៣ក្នុងនាទី៦៩។ Arsenal ពេលនេះឡើងមកឈរលេខរៀងទី៩ មាន២២ពិន្ទុពី១៦ប្រកួត ខណៈ
11 Dec 2019
Premier League News
Leicester City លត់ម្ចាស់ផ្ទះ Aston Villa ៤-១ ក្នុងសប្ដាហ៍ទី១៦ Premier League
Leicester City លត់ម្ចាស់ផ្ទះ Aston Villa ៤-១ ក្នុងសប្ដាហ៍ទី១៦ Premier League យប់ថ្ងៃអាទិត្យទី៨ខែធ្នូឆ្នាំ២០១៩ ដែលជាឯតទគ្គកម្មផ្ទាល់ខ្លួន ឈ្នះ៨ដងជាប់ៗគ្នាមិនធ្លាប់មានក្នុងប្រវត្តិសាស្ត្ររបស់ពួកគេក្នុងលីគកំពូលអង់គ្លេស។ ក្រុមលោក Brendan Rodgers បាននាំមុខ២-០មុន ដោយ Jamie Vardy ក្នុងនាទី២០ និង Kelechi Iheanacho ក្នុងនាទី៤១ មុន Aston រកបាន១គ្រាប់ដោយ Jack Grealish ក្នុងនាទី៤៥+២។ នៅវគ្គទី២ ក្រុមភ្ញៀវថែម២គ្រាប់ទៀតដោយ Jonny Evans ក្នុងនាទី៤៩ និង Vardy ម្ដងទៀត ក្នុងនាទី៧៥។ ជ័យជម្នះនេះរក្សាក្ដីសង្ឃឹមរបស់ Leicester ក្នុងការប្រជែងជើងឯក ដោយកំពុងនៅក្រោមក្រុមកំពូលតារាង Liverpool ចំនួន៨ពិន្ទុ និងលើក្រុមជើងឯកចាស់ Manchester City ចំនួន៦ពិន្ទុ។ ប្រកួតបន្ទាប់ Aston Villa នឹងលេងនៅទឹកដី Sheffield United
10 Dec 2019
Premier League News
Liverpool បន្តឈរកំពូលតារាងក្រោយលត់ម្ចាស់ផ្ទះ Bournemouth ៣:0
ក្រុម Liverpool នាំមុខ១១ពិន្ទុលើក្រុមលេខ២ Leicester City ក្នុងក្របខ័ណ្ឌ Premier League ក្រោយឈ្នះ៣-០នៅទឹកដី Bournemouth យប់ថ្ងៃសៅរ៍ទី៧ខែធ្នូឆ្នាំ២០១៩។ Alex Oxlade-Chamberlain ដែលជាម្នាក់ក្នុងចំណោមមុខថ្មី៧នាក់ក្នុងជម្រើសដំបូងរបស់លោក Jurgen Klopp យប់មិញ បានបើកការនាំមុខក្នុងនាទី៣៥ ក្រោយទទួលការបញ្ជូនបាល់វែងយ៉ាងចំណានពីប្រធានក្រុម Jordan Henderson។ Naby Keita ថែម១គ្រាប់ទៀតក្នុងនាទី៤៤ ពីការបញ្ជូនបាល់ដោយកែងជើងយ៉ាងស្អាតរបស់ Mohamed Salah។ Keita បានបញ្ជូនបាល់ឱ្យ Salah វិញក្នុងនាទី៥៤ បញ្ចប់ទីគ្រាប់ទី៣។ Bournemouth គ្មានឱកាសស៊ុតចំគោលដៅ Liverpool ទាល់តែសោះយប់មិញ។ នេះជាលើកទី២តាំងពីដើមរដូវកាលមុនមក ដែល Liverpool បិទមិនឱ្យគូប្រកួតស៊ុតចំទីខ្លួន។ ហើយ Bournemouth ក៏ក្លាយជាក្រុមទី១ដែលចាញ់ Liverpool ៥ដងជាប់គ្នាជាមួយគ្រាប់បាល់ចាប់ពី៣គ្រាប់ឡើង។ សរុប៥ប្រកួតមកនេះ ពួកគេចាញ់១៧-០។ ពេលនេះ Liverpool បានបង្កើនស្ថិតិមិនចាញ់ក្នុងលីគដល់៣៣ប្រកួតជាប់គ្នា ហើយនេះជាជ័យជម្នះទី១៥ក្នុងចំណោម១៦ប្រកួតក្នុង Premier League រដូវកាល២០១៩-២០នេះ។ ដោយឡែក
09 Dec 2019
Premier League News
អ្នកចាំទី Ederson អាចនឹងអវត្តមានជួយ Manchester City ពេលប៉ះ Liverpool សប្តាហ៍នេះ
លោក Pep Guardiola មិនច្បាស់ទេថាអ្នកចាំទី Ederson របស់ Manchester City នឹងមិនអាចលេងបានសម្រាប់ការធ្វើដំណើរទៅប្រកួតនៅ Premier League ថ្ងៃអាទិត្យនៅ Liverpool បន្ទាប់ពីបានរងរបួសសាច់ដុំពេលជួប Atalanta។ Ederson ត្រូវបានជំនួសដោយ Claudio Bravo នៅពាក់កណ្តាលការប្រកួតស្មើក្នុងក្របខ័ណ្ឌ Champions League កាលពីថ្ងៃពុធ។ បន្ទាប់មក Bravo ត្រូវបានបណ្តេញចេញសម្រាប់ការប្រកួតក្រោយបង្កកំហុសលើ Josip Ilicic ដោយខ្សែការពារស្តាំ Kyle Walker ក្លាយជាអ្នកចាំទីនៅ ១០នាទីចុងក្រោយ។ នៅពេលត្រូវបានគេសួរថាតើ Ederson នឹងការធ្វើដំណើរទៅកាន់ទឹកដី Anfield ដែរឬទេលោក Guardiola បាននិយាយថា« ខ្ញុំមិនដឹងទេឥឡូវនេះ»។ «វាជាបញ្ហាសាច់ដុំ។ វាមិនមែនជាបញ្ហាធំនោះទេ ប៉ុន្តែខ្ញុំបានយកផ្លាស់ប្តូរចេញដើម្បីជៀសវាងគ្រោះថ្នាក់។ គាត់មិនមានអារម្មណ៍ស្រួលទេនៅប៉ុន្មាននាទីចុងក្រោយហើយនេះជាមូលហេតុដែលយើងសំរេចចិត្តជំនួស»។ Man City បានបញ្ចប់ក្នុងលទ្ធផលស្មើ ១ទល់១ ជាមួយ Atalanta នៅ San Siro ជាមួយ
07 Nov 2019
