បឹងកេត ទទួលបរាជ័យលើក្រុម Sana Khanh Hoa FC ដោយលទ្ធផល ៥-១ កាលពីយប់មិញ
14 Dec 2017 - 10:21:56 SHARE
ក្រុមបឹងកេត តំណាងកម្ពុជាបានរបូតឱកាសឡើងវគ្គបន្ត ពានរង្វាន់ Toyota Mekong Club Championship ឆ្នាំ២០១៧ បន្ទាប់ពីត្រូវក្រុមវៀតណាម Sanna Khánh Hòa BVN FC បំបាក់ដោយលទ្ធផល ៥-១ ក្នុងជើងទី២ កាលពីយប់ថ្ងៃទី១៣ ខែធ្នូ នៅពហុកីឡដ្ឋានជាតិ។
ការប្រកួតដ៏គួរអោយជក់ចិត្តកាលពីយប់មិញ ក្រុមភ្ញៀវមានឱកាសនាំមុខ២គ្រាប់នៅ២០នាទីដំបូង ប៉ុន្តែត្រូវសុខសុវណ្ណតាមបាន១គ្រាប់វិញ។ បន្ទាប់មក Maycon មានឱកាសទាត់ពេណាល់ទីតាមស្មើដែរ ប៉ុន្តែត្រូវអ្នកចាំទីវៀតណាមជួយសង្គ្រោះបាន។ ក្រោយមក សម្ពាធធ្ងន់ក៏បន្តធ្លាក់មកក្រុមម្ចាស់ផ្ទះ ដោយខ្សែការពារ ស៊ុន សុវណ្ណរឹទ្ធី ត្រូវទទួលបានកាតលឿង២ដង ( ស្មើក្រហម ) បណ្តេញចេញពីទីលានតែម្តង។ ជាមួយគ្នានេះ ស៊ូ យ៉ាទី Gbenga វឌ្ឍនាកា សុទ្ធតែត្រូវប្តូរចញនៅវគ្គទី២។ សល់សមាជិកត្រឹម១០នាក់ បឹងកេត បន្តប្រយុទ្ធរកគ្រាប់ ប៉ុន្តែបែរជាត្រូវ Sanna Khánh Hòa BVN FC បន្ថែម៣គ្រាប់ទៀត។ ចប់ការប្រកួត បឹងកេតអែហ្វស៊ី ចាញ់ Sanna Khánh Hòa BVN FC ៥-១។ សរុបលទ្ធផលទាំងពីរជើង ៩-៥
បរាជ័យនេះ បានធ្វើអោយក្រុមជើងឯកលីគកំពូលកម្ពុជា២០១៦ ហាលអាវត្រឹមជុំដំបូង ប៉ុន្តែទទួលបានប្រាក់លើកទឹកចិត្ត១ម៉ឺនដុល្លារ ពី Toyota ។ ចំណែកក្រុមវៀតណាម នឹងឡើងទៅប៉ះក្រុមជើងឯកលីគកំពូលឡាវ នាថ្ងៃទី១៧ ខែធ្នូខាងមុខ។
ប្រភព៖ foxsportsasia
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Khmer News
ក្លឹប ភ្នំពេញក្រោន តែងតាំងលោក ស៊ុំ វណ្ណា ជាគ្រូបង្វឹកអចិន្ត្រៃយ៍
ក្លឹបបាល់ទាត់ភ្នំពេញក្រោន មានសេចក្តីសោមន្សរីករាយក្នុងការប្រកាសតែងតាំងលោក ស៊ុំ វណ្ណា ជាគ្រូបង្វឹកអចិន្ត្រៃយ៍សម្រាប់ក្រុមធំក្នុងការត្រៀមរដូវកាលថ្មីនេះ។ លោក ស៊ុំ វណ្ណា បានចូលរួមជាមួយក្លឹបបាល់ទាត់ភ្នំពេញក្រោន កាលពីរដូវកាល២០១៩ ក្នុងនាមជាជំនួយការគ្រូបង្វឹក និងបានប្រកាសតែងតាំងជាគ្រូបង្វឹកបណ្តោះអាសន្នជំនួសលោក Leonardo Vitorino ដែលត្រូវបានក្លឹបសម្រេចចែកផ្លូវកាលពីខែឧសភា។ ខណៈប្រកួតដំបូងក្នុងនាមជាគ្រូបង្វឹកបណ្តោះអាសន្នលោកបានដឹកនាំ ភ្នំពេញក្រោន ទទួលបានជ័យជម្នះ៣ទល់០ អគ្គស្នងការដ្ឋាននគរបាលជាតិ កាលពីថ្ងៃទី១២ ខែឧសភា ឆ្នាំ២០១៩។ ក្នុងនាមជាគ្រូបង្វឹកបណ្តោះអាសន្នពេញមួយរដូវកាល២០១៩ លោក ស៊ុំ វណ្ណា បានដឹកនាំក្រុមចំនួន២៥ប្រកួត ឈ្នះ១៦ ស្មើ៤ និង៥ គ្រប់ការប្រកួតពានរង្វាន់ទាំងអស់(លីគកំពូលកម្ពុជា និងពានរង្វាន់សម្តេចតេជោហ៊ុន សែន)។ គ្រូបង្វឹកវ័យ៣៩ឆ្នាំរូបនេះ បានសាងស្នាដៃនារដូវកាលដំបូងដោយជួយឲ្យក្រុមទទួលបានចំណាត់ថ្នាក់លេខ៣នៅក្នុងពានរង្វាន់សម្តេចអគ្គមហាសេនាបតីតេជោ ហ៊ុន សែន ឆ្នាំ២០១៩ និងបញ្ចប់ចំណាត់ថ្នាក់លេខ៦ ក្នុងលីគកំពូលកម្ពុជា៕
18 Jan 2020
Khmer News
ក្លិបបាល់ទាត់ភ្នំពេញក្រោន ចុះកិច្ចសន្យាជាមួយខ្សែបម្រើប្រយុទ្ធសញ្ជាតិកូឡុំប៊ី
ក្លិបបាល់ទាត់ភ្នំពេញក្រោន មានសេចក្តីសោមន្សរីករាយប្រកាសជាផ្លូវការចុះកិច្ចសន្យាជាមួយកីឡាករ Andrés Nieto និងក្លាយជាកីឡាករសញ្ជាតិកូឡុំប៊ី ដំបូងគេបង្អស់មកប្រកបអាជីពនៅកម្ពុជា។ ខ្សែបម្រើប្រយុទ្ធវ័យ២៣ឆ្នាំរូបនេះ នឹងក្លាយជាកីឡាករបរទេសទី២ដែលក្លិបភ្នំពេញក្រោន នាំយកសម្រាប់រដូវកាលថ្មីនេះ។ Nieto បានចាប់ផ្តើមហ្វឹកកហាត់បាល់ទាត់ចាប់តាំងពីអាយុ៥ឆ្នាំ ជាមួយក្លិប Ibague នៅស្រុកកំណើត។ ខណៈកីឡាករមកពីទ្វីបអាមេរិកឡាទីនរូបនេះ ក៏បានជំហ៊ានហ្វឹកហាត់ជាមួយសាលាបាល់ទាត់យុវជនថ្នាល Academia Toilimense ក្នុងនាមជាយុវជនថ្នាល មុនពេលវិវត្តិន៍ខ្លួនទៅជាកីឡាករអាជីពជាមួយក្លិប Deportes Tolima របស់កូឡ៉ំប៊ី។ បន្ទាប់មកបានធ្វើការចេញទៅប្រកបអាជីពនៅក្រៅស្រុកលើកដំបូងជាមួយក្លិប Real Frontera របស់ វ៉េណេស៊ុយអេឡា, Club 6 de Febrero, Atlético San Francisco និង O&M FC នៅសាធារណរដ្ឋដូមីនីកែន៕
25 Dec 2019
Khmer News
ឈិន ឈឿន ថាខ្លួនផ្លាស់មកកាន់ព្រះខ័នរាជស្វាយរៀងដោយសារមូលហេតុសំខាន់បំផុតមួយ
ខ្សែការពារស្លាបស្តាំ ឈិន ឈឿន បានបង្ហើបពីមូលហេតុដែលចាកចេញពីក្រសួងការពារជាតិ ផ្លាស់មកចូលរួមជាមួយ ព្រះខ័នរាជស្វាយរៀង គឺដោយសារតែការចង់លេងនៅក្នុងព្រឹត្តិការណ៍ AFC Cup នៅក្នុងអាជីពរបស់ខ្លួន។ ម្ចាស់អាវលេខ១៧នៅក្រុមជម្រើសជាតិបានបន្ថែមថា៖ “ខ្ញុំត្រូវស្វែងរកការប្រកួតប្រជែងថ្មីៗ និងទទួលបានបទពិសោធន៍បន្ថែមទៀត ការចាកចេញរបស់ខ្ញុំនឹងក្លាយជាឱកាសសម្រាប់កីឡាករយុវជនទទួលបានការលេងច្រើន។ ដោយឡែក វាជាឱកាសដ៏ល្អសម្រាប់ខ្ញុំក្នុងការលេងក្នុងពានរង្វាន់ AFC Cup ហើយអ្វីដែលសំខាន់បំផុតនោះគឺការលេងនៅក្នុងព្រឹត្តិការណ៍ AFC Cup ដែលយើងនឹងត្រូវជួបជាមួយក្លឹបបរទេស។” គួរឲ្យដឹងថា ព្រះខ័នរាជស្វាយរៀងគឺទើបតែទទួលបានសិទ្ធិចូលរួមប្រកួតពានរង្វាន់នេះពីសហព័ន្ធកីឡាបាល់ទាត់ទ្វីបអាស៊ីក្រោយក្លាយជាជើងឯកក្របខណ្ឌ Metfone Cambodian League 2019។ ព្រះខ័នរាជស្វាយរៀង នឹងទទួលភ្ញៀវជើងឯករងលីគកំពូលឡាវ ក្លិប Master 7 នៅថ្ងៃពុធ ទី២២ មករា សម្រាប់ជើងទីមួយ មុនទៅលេងនៅវៀងចន្ទន៍ ជើងទីពីរ ថ្ងៃពុធ ទី២៩ មករា។ ពូល G នេះមាន Ceres Negros របស់ហ្វីលីពីន, ក្លិបវៀតណាម Than Quang Ninh និង ក្លិបឥណ្ឌូនេស៊ី Bali
24 Dec 2019
Khmer News
សៀង ចន្ធា ឈ្នះពាន៤ ខណៈសិស្សច្បង ចាន់ វឌ្ឍនាកា ឈ្នះពាន៣
កាលពីម្សិលមិញ កម្មវិធីពិធីប្រគល់ពានរង្វាន់បាល់ទាត់កម្ពុជា ឆ្នាំ២០១៩ ដែលរៀបចំឡើងដោយ CNCC បានធ្វើឡើងនៅក្នុងសាលសន្នសីទចតុម្មុខ ដោយមានការចូលរួមពីសំណាក់មន្ត្រី និងកីឡាករមកពីបណ្ដាក្លឹបនានា ដែលបានចូលលេងរង្វាន់លេងក្នុងពានរង្វាន់ Metfone Cambodian League 2019 និង Hun Sen Cup 2019។ ក្នុងនោះ ខ្សែប្រយុទ្ធវ័យក្មេងកំពុងតែលេចធ្លោ និងទទួលបានការចាប់អារម្មណ៍ សៀង ចន្ធា បានឈ្នះពានរង្វាន់ដល់ទៅបួនម្នាក់ឯក។ ពានរង្វាន់ទាំង៤បួននោះមានដូចជា៖ កីឡាករដែលមានប្រជាប្រិយភាពជាងគេប្រចាំឆ្នាំ ២០១៩ កីឡាករល្អប្រចាំឆ្នាំ ២០១៩ កីឡាករវ័យក្មេងល្អប្រចាំឆ្នាំ ២០១៩ កីឡាករល្អទាំង១១នាក់ ប្រចាំពានរង្វាន់លីគកំពូលកម្ពុជា ២០១៩ ជាមួយគ្នានេះ ខ្សែប្រយុទ្ធមានដើមកំណើតមកពីខេត្តកំពត ចាន់ វឌ្ឍនាកា ក៏បានឈ្នះពានរង្វាន់ចំនួនបីផងដែរ ដូចជា៖ កីឡាករខ្មែរទាត់បញ្ចូលទីច្រើនជាងគេ កីឡាករល្អទាំង១១នាក់ ប្រចាំពានរង្វាន់លីគកំពូលកម្ពុជា ២០១៩ កីឡាករល្អទាំង១១នាក់ ប្រចាំពានរង្វាន់សម្ដេចអគ្គមហាសេនាបតីតេជោ ហ៊ុន សែន ២០១៩ គួរឲ្យដឹងដែរថា សៀង ចន្ធា បានផ្លាស់ចេញពីសាលាបាល់ទាត់ជាតិបាទី មកចូលរួមជាមួយបឹងកេតហើយ ដូច្នេះនៅរដូវកាលថ្មី២០២០ខាងមុខ
22 Dec 2019
Khmer News
យុវជនថ្នាលភ្នំពេញក្រោន ៥នាក់ទទួលបានកិច្ចសន្យាកីឡាករអាជីព និងដំឡើងមកកាន់ក្រុមធំ
យុវជន៥នាក់មកពីក្រុមបាល់ទាត់ភ្នំពេញក្រោន អាយុក្រោម១៨ឆ្នាំ ត្រូវបានក្លិបផ្តល់កិច្ចសន្យាកីឡាករអាជីព និងដំឡើងមកកាន់ក្រុមធំសម្រាប់ត្រៀមរដូវកាល២០២០ ខាងមុខនេះជាមួយនឹងក្តីសង្ឃឹមថា ពួកគេនឹងទទួលបានចំណេះដឹងក៏ដូចជាបទពិសោធន៍ថ្មីៗដើម្បីអភិវឌ្ឍសមត្ថភាពជាកីឡាករអាជីពក្នុងការប្រកួតប្រជែងទាំងកម្រិតក្លិប ឬអាចមានឱកាសជាប់ជាជម្រើសជាតិនាពេលអនាគតផងដែរ។ ចំពោះកីឡាករទាំង៥រួមមាន អ្នកចាំទី ហាន់ មាន, បម្រើកណ្តាល ឈុំ សុខហៃ, បម្រើប្រយុទ្ធ រស់ ដារ៉ាពេជ្រ ព្រមទាំងខ្សែប្រយុទ្ធ ចន ចម្រើន និង សំអុល ទីណា។ សូមបញ្ជាក់ថា ពួកគេទាំងអស់នោះសុទ្ធតែទទួលបានការបណ្តុះបណ្តាល និងហ្វឹកហាត់ជាមួយក្រុមយុវជនថ្នាលភ្នំពេញក្រោន ប្រមាណជិត៥ឆ្នាំមកហើយមុនពេលត្រូវបានជ្រើសរើសឡើងមកកាន់ក្រុមធំដោយគ្រូបង្វឹកគឺលោក ស៊ុំ វណ្ណា ផ្ទាល់៕
20 Dec 2019
Khmer News
លីគកំពូលកម្ពុជា រដូវកាលឆ្នាំ២០២០ មាន ១៣ក្រុមចូលរួមប្រកួត
ក្លឹបទាំង ១៣មាន ព្រះខ័នរាជស្វាយរៀង, ណាហ្គាវើល, វិសាខា,បឹងកេត, អង្គរថាយហ្គឺរ, នគរបាលជាតិ, ភ្នំពេញក្រោន, សូលទីឡូអង្គរ, ក្រសួងការពារជាតិ, គិរីវង់សុខសែនជ័យ, អាស៊ីអឺរ៉ុបយូណាយធីត, អគ្គិសនីកម្ពុជា និងយុវជនសាលាបាល់ទាត់ជាតិបាទីអាយុក្រោម១៨ឆ្នាំ ខណៈកំពង់ចាមត្រូវអវត្តមាន។ អ្វីដែលសំខាន់ផងនោះ គណៈកម្មការប្រកួតបាល់ទាត់ជាតិកម្ពុជា CNCC នឹងរៀបចំការចាប់គូសម្រាប់ការប្រកួតក្របខណ្ឌលីកកំពូលកម្ពុជា រដូវកាលឆ្នាំ២០២០ នាពហុកីឡដ្ឋានជាតិ ថ្ងៃអង្គារ ទី១៧ ខែធ្នូ ដោយមានការចូលរួមពីតំណាងក្លឹបចំនួន ១៣។ ក្រៅពីប្រធានបទចាប់គូប្រកួតរៀងរាល់សប្ដាហ៍ គណៈកម្មការក៏មានលើកឡើងពីច្បាប់ថ្មីនានា ដែលបានចងក្រងសម្រាប់រដូវកាលថ្មីដល់ក្លឹបទាំង ១៣ផងដែរ។ សូមបញ្ជាក់ផងដែថា ការប្រកួតក្របខណ្ឌលីគកំពូលកម្ពុជា រដូវកាលឆ្នាំ២០២០ នឹងចាប់ផ្ដើមពីថ្ងៃទី១៥ ខែកុម្ភៈ ដល់ថ្ងៃទី២៥ ខែតុលា៕
17 Dec 2019
