ប្រធានក្រុម Harry Kane នឹងដឹកនាំអង់គ្លេសលើកពាន World Cup ឱ្យបាន

ប្រធានក្រុមរបស់បាល់ទាត់ជម្រើសជាតិអង់គ្លេស Harry Kane បាននិយាយថា ក្រុមរបស់គេអាចឈ្នះ World Cup នៅប្រទេសរុស្ស៊ី ទោះបីអ្វីផ្សេងៗទៀតមិនល្អគ្រប់គ្រាន់ក៏ដោយ។

ពិតណាស់ ខ្សែប្រយុទ្ធ Kane វ័យ 24 ឆ្នាំរូបនេះ ត្រូវ​លោក​ Southgate ប្រាប់​ពី​ផែនការ​ផ្ដល់​ស្លាក​ប្រធាន​ក្រុម​ឲ្យ​ពាក់​តាំង​ពី​ប៉ុន្មាន​សប្ដាហ៍​មុន​មក​ម្ល៉េះ​ តែ​ទើប​ថ្ងៃ​អង្គារ​នេះ​ប៉ុណ្ណោះ​ដែល​ការ​ប្រកាស​ជា​ផ្លូវការ​ត្រូវ​បាន​ធ្វើ​ឡើង​ចំពោះ​មុខ​អ្នក​សារព័ត៌មាន។

Kane ថា ការលើកពាន World Cup មិនមែនជារឿងមិនអាចទៅរួចទេ។ វាជាព្រឹត្តិការណ៍ដ៏ធំលើលោក។ គេជឿថា ក្រុមរបស់គេអាចធ្វើវាបាន ហើយគេ​មិនអាច​ត្រឹមអង្គុយនៅទីនេះហើយនិយាយថា ពួកគេមិនអាចឈ្នះ World Cupទេ។

ក្រុមជម្រើសជាតិអង់គ្លេសនឹងឆ្ពោះទៅ World Cup នៅរុស្ស៊ី ថ្ងៃទី12 មិថុនា ហើយត្រូវប៉ះទុយនេស៊ី បើកឆាកពូលនៅថ្ងៃទី18 មិថុនា ហើយបន្តជួបប៉ាណាម៉ា និង បែលហ្ស៊ីក៕

ប្រភពពី៖ bbc