photo of PAOK
លោក Ivan Savvidis ប្រធានក្លឹប PAOK Salonika រងពិន័យមិនឲ្យជាន់ដីស្តាត3ឆ្នាំ

ប្រធានក្លឹបបាល់ទាត់ PAOK Salonika លោក Ivan Savvidis ត្រូវបានពិន័យមិនឲ្យចូលកីឡដ្ឋានបាល់ទាត់ចំនួន 3ឆ្នាំ ក្រោយកើតមានហេតុការណ៍កាន់កាំភ្លើងខ្លី ចូលក្នុងទីលានអំឡុងជំនួបលីគកំពូលក្រិក កាលថ្ងៃទី11 មីនា រហូតធ្វើ​ឲ្យ​លីគ​ក្រិក​ផ្អាក​ក្នុង​ការ​លេង​រយៈ​ពេល 3សប្ដាហ៍ ។

ពិតណាស់ លោក Ivan Savvidis ​ត្រូវ​បាន​ផាក​ពិន័យ​ជា​ប្រាក់​ចំនួន 12ម៊ឺន​ដុល្លារ​សហរដ្ឋអាមេរិក និង​ជាប់​បម្រាម​មិន​ឲ្យ​ដើរ​ចូល​ក្នុង​កីឡដ្ឋាន​បាល់ទាត់​រយៈ​ពេល 3 ឆ្នាំ បន្ទាប់​ពីលោក​ត្រូវ​បាន​គេ​រក​ឃើញ​ថា បាន​យក​កាំភ្លើង​តាម​ខ្លួន ពេល​ចូល​ក្នុង​ទីលាន​ប្រកួត។

PAOK បច្ចុប្បន្នស្ថិតនៅលំដាប់ទី 3នៃលីគកំពូលក្រិក ហើយពួកគេស្ទើរតែឡើងទៅកាន់លេខ2 ប្រសិនបើឈ្នះ AEK Athen ។ តែអាជ្ញាកណ្ដាល Georgios Kominis បាន​បដិសេធ​គ្រាប់​បាល់​ស៊ុត​ចូល​ទី​ នាទី 90 ពី​សំណាក់​ក្លឹប PAOK ។ ហេតុការណ៍​នេះ​បាន​ធ្វើ​ឲ្យ​អ្នក​គាំទ្រ​ក្លឹប​ជា​ច្រើន​ខឹង​សម្បារ ហើយ​ក៏​បាន​ដើរ​ចូល​ទី​លាន​ប្រកួត​ដើម្បី​បង្ហាញ​ពី​ការ​តវ៉ា ៕

ប្រភពពី៖ reuters