ខ្សែ​បម្រើ​ប្រយុទ្ធ Dimitri Payet ត្រូវ​បាន​អ្នក​គាំទ្រ​គប់​មួយ​ដប​ចំ​ក្បាល់​ មុន​ពេល​ផ្ទុះ​អំពើ​ហិង្សា​ក្នុង​ទីលាន ដែល​ធ្វើ​ឲ្យ​ជំនួប​រវាង Nice និង Marseille ត្រូវ​បោះបង់​ចោល។

Dimitri Payet
Dimitri Payet

​​​រឿង​ហេតុ​កើត​ឡើង​ពេល​ដែល Payet ត្រៀម​នឹង​ទាត់​បាល់​ជ្រុង ស្រាប់​តែ​អ្នក​គាំទ្រ​​របស់​ក្រុម​​ម្ចាស់​ផ្ទះ Nice បាន​គប់​គេ​មួយ​ដប​ចំ​ក្បាល។ ក្រោយ​មក​ដោយ​សារ​ខឹងសម្បារ Payet ក៏​បាន​គប់​​ដប​សង​វិញ​ ជា​ហេតុ​នាំ​ឲ្យ​អ្នកគាំទ្រ​របស់ Nice មិន​សប្បាយ​ចិត្ត​​កញ្ចោល​រត់​ចូល​ទីលាន។

ក្រោយ​ពន្យា​​ប្រកួត​អស់​ជា​ច្រើន​នាទី កីឡាករ​របស់ Nice ចង់​លេង​ដើម្បី​បញ្ចប់​ការ​ប្រកួត​ តែ​កីឡាករ​របស់ Marseille បាន​បដិសេធ។ ដូច្នេះ​ការ​ប្រកួត​នេះ​ត្រូវ​បោះបង់​ចោល ក្នុង​លទ្ធផល Nice កំពុង​នាំ​មុខ ១-០។

តាម​ការ​បញ្ជាក់​ពី​ប្រធាន​ក្លឹប Marseille លោក Pablo Longoria ថា កីឡាករ​របស់​លោក​មួយ​ចំនួន​បាន​ទទួល​រង​របួស​។ ហើយ​ក៏​មិន​បន្ត​លេង​ គឺ​ដើម្បី​រក្សា​សុវត្ថិភាព​កីឡាករ​របស់ Marseille ទាំង​អស់៕