ក្រុម​ជោគជ័យ​ជាង​គេ​ ព្រះខ័នខ័នរាជ​ស្វាយរៀង​ ឈ្នះ​ ភ្នំពេញក្រោន​ដោយ​បាល់​​ប៉េណាល់ទី​កាត់​ក្ដី​ដោយ​លទ្ធផល​ ៥-៤ ​​ដើម្បី​​ឡើង​​ទៅ​ជួប​បឹងកេត។ ​អ្នក​ស៊ុត​​​អត់​ចូល​សម្រាប់​ភ្នំពេញក្រោន គឺ​ សឿត បារាំង និង​ ​ប្រាក់ ធីវ៉ា សម្រាប់ ភ្នំពេញក្រោន ខណៈ នេន សុធារ័ត្ន ​ក៏​ត្រូវ​​សង្គ្រោះ​​ដោយ អ្នក​ចាំ​ទី គង់ ច័ន្ទវុទ្ធី។ ​ការ​ស៊ុត​​ប៉េណាល់​ទី​កាត់​ក្ដី​​​នេះ​ចំនួន​ ៦ គ្រាប់​ម្នាក់។​ ការ​ប្រកួត​វគ្គ​ផ្ដាច់​ព្រ័ត្រ​​នឹង​ត្រូវ​ប្រកាស​នា​ពេល​ក្រោយ​ដោយ​គណៈកម្មការ​ប្រកួត​បាល់ទាត់​ជាតិ​កម្ពុជា (CNCC)។

វគ្គ​ទី១​ ​មិន​មាន​ការ​ស៊ុត​បញ្ចូល​ទី​គ្នា​នោះ​ទេ ​ប៉ុន្តែ​​ឱកាស​ស្រាល​ៗ​​ដែល​សង្គ្រោះ​ដោយ​អ្នក​ចាំ​ទី​ទាំង​ពីរ។ ​នៅ​វគ្គ​ទី​១​នេះ ​​ ម៉ៅ ពិសិដ្ឋ, ​វ៉ា សុខថន និង យ៉ើ មូស្លីម សុទ្ធ​តែ​មាន​​ឱកាស​ស៊ុត​តែ​​ត្រូវ​សង្គ្រោះ​ដោយ​ ​ អាំ សុវណ្ណរ៉ាត់ អ្នក​ចាំ​ទី​របស់​ ព្រះខ័នរាជ​ស្វាយរៀង។ ​ចំណែក​ ណុប តុលា , គឺម សុខយុទ្ធ , និង ហូយ ផល្លីន ​សុទ្ធ​តែ​មាន​​ឱកាស​ទាត់​ទី​ដូច​គ្នា​​សម្រាប់​​ក្រុម​មក​ពី​ខេត្ត​ស្វាយរៀង​ ប៉ុន្តែ​មិន​​បាន​សម្រេច​ឡើយ​​ព្រោះ​ជួយ​បាន​​ដោយ​ គង់ ច័ន្ទវុទ្ធី។

ចូល​ដល់​វគ្គ​ទី២​ ​ភ្នំពេញ​ក្រោន​បាន​បង្កើត​​ឱកាស​ជា​ច្រើន​គួរ​ឲ្យ​កត់​សម្គាល់។ ​នាទី​ទី​ ​៦៧​ ​ប្រាក់ ធីវ៉ា​ លើក​បាល់​ហ្វ្រីឃីក​ ​ហើយ​ យ៉ើ សាហ្វី ហក់​តែ​ស្រាល​បន្តិច​ ហើយ ​អ្នក​ចាំ​ទី អាំ សុវណ្ណរ៉ាត់​ ​​ចាប់​បាន។ នាទី​ទី​៧១​ វ៉ា សុខថន ស៊ុត​បុក​អ្នក​ចាំ​ទី​​អាំ សុវណ្ណរ៉ាត់ ធ្វើ​​ឲ្យ​បាល់​ក្រឡក​ចេញ​ពេល​ដាច់​ ​ជា​មួយ​អ្នក​ចាំ​ទី។ ​មិន​យូរ​ប៉ុន្មាន ​​ត្រឹម ២ ​នាទី​បន្ទាប់ ​ ប្រាក់​ ធីវ៉ា ​​រត់​ពី​មុខ​ខ្សែ​ការពារ​ ​ព្រះខ័នរាជ​ស្វាយរៀង​ទៅ​ហើយ ប៉ុន្តែ​ស៊ុត​​ ​ខុស​​ទី​បន្តិច។​ ​បន្ទាប់​មក​​ឱកាស​​ក្បែរៗ​ទី​មិន​សូវ​មាន​ទេ ដោយ​ក្រុម​ទាំង​ពីរ​លេង​ផ្ដាច់​ចង្វាក់​នៅ​មុខ​ដំបូល​ទូក ​​រហូត​ដល់​បញ្ចប់​​ក្នុង​លទ្ធផល​ ០-០។

ការ​ទាត់​បាល់កាត់​ក្ដី​ ១១ ម៉ែត្រ៖

ព្រះខ័នរាជស្វាយរៀង ៖
​នេន សុធារ័ត្ន ​​​អត់​ចូល (សង្គ្រោះ​), ​សឿល វិសាល ចូល , ​សុខ សំណាង ចូល, សំអឿន ពិដោរ ចូល, ហូយ​ ផល្លីន ចូល, សួន សុវណ្ណ ចូល
ភ្នំពេញក្រោន៖
យ៉ើ មូស្លីម ចូល, ​អន​ចាន់ប៉ូលីន ចូល, វ៉ា សុខថន ចូល, សុខ សុវណ្ណ ចូល, សឿត បារាំង​ អត់​ចូល(សង្គ្រោះ), ប្រាក់ ធីវ៉ា អត់​ចូល(សង្គ្រោះ)