photo of ក្លឹបបាល់ទាត់ភ្នំពេញក្រោន
ក្លឹបបាល់ទាត់ភ្នំពេញក្រោន សង្ឃឹមថាពុំ តុលា ជាកម្លាំងដ៏សំខាន់របស់ក្រុម

ក្លឹបបាល់ទាត់ភ្នំពេញក្រោន បានបង្ហាញក្ដីសង្ឃឹមរបស់ខ្លួន ថា វត្តមានកីឡាករពុំ តុលា គឺជាជាកម្លាំងដ៏សំខាន់របស់ក្រុម ក្នុងការប្រកួតប្រជែងសម្រាប់រដូវកាលក្រោយ។ ការបង្ហាញក្ដីសង្ឃឹមដូចនេះ បន្ទាប់ពីគេហទំព័រផ្លូវរបស់ភ្នំពេញ បានចុះផ្សាយ​ថា”ក្លឹបបាល់ទាត់ភ្នំពេញក្រោន មានសេចក្ដីសោ​មនស្សរីករាយ និងសូមជម្រាបជូនអ្នកគាំទ្រ ក៏ដូចជាសាធារណជនឲ្យបានជ្រាប ថា ក្លឹបបានសម្រេចចុះកុងត្រា ជាមួយកីឡាករពុំ តុលា ដើម្បីត្រៀមក្នុងការប្រកួតសម្រាប់រដូវកាលខាងមុខនេះ។

គេហទំព័រដដែល​ បានបញ្ជាក់​ថា កីឡាករពុំ តុលា បានចាប់ផ្តើមអាជីពបាល់ទាត់របស់ខ្លួន តាំងពីឆ្នាំ២០០៦ ជាមួយក្លឹបបាល់ទាត់ភ្នំពេញក្រោន ដែលពេលនោះមានឈ្មោះថា Phnom Penh FC។ ប៉ុន្តែចាប់ពីឆ្នាំ២០០៧ ដល់ឆ្នាំ២០១៨ លេងនៅក្លឹបក្រសួងការពារជាតិ។ ខ្សែការពារឆ្វេងរូបនេះក៏ធ្លាប់ជាប់ជម្រើ​សជាតិកម្ពុជានៅឆ្នាំ២០០៧,២០១១ និងឆ្នាំ២០១៨នេះផងដែរ៕