មេ UEFA អត់ខ្វល់ទេប្រសិនបើ Real Madrid Barcelona និង Juventus ចាកចេញពី UCL
11 Sep 2021 - 20:55:22 SHARE
លោក Aleksander Ceferin ប្រធាន UEFA បាននិយាយនៅក្នុងកិច្ចសម្ភាសន៍ដែលត្រៀមចុះនៅ Der Spiegel ចុងសប្ដាហ៍ថា លោកមិនខ្វាយខ្វល់ទេប្រសិនបើក្លឹប Real Madrid ក្លឹប Barcelona និង Juventus ចាកចេញពីការប្រកួត UEFA Champions League នៅក្នុងរដូវកាលនេះ។
លោក Cerferin បាននិយាយថា៖” ខ្ញុំមិនខ្វល់ទេប្រសិនបើពួកគេចាកចេញ (ក្លឹប Real Madrid ក្លឹប Barcelona និង Juventus)។ វាពិតជាគួរឲ្យអស់សំណើចណាស់ ដែលពួកគេចង់បង្កើតការប្រកួតថ្មី ខណៈពេលដែលពួកគេនៅចង់លេង UCL ក្នុងរដូវកាលនេះ “។
លោកបានបន្តថា៖” ច្បាស់ណាស់ក្លឹបទាំងបីហ្នឹងគឺមានមេដឹកនាំអសមត្ថភាព។ ពួកគេទាំងនោះ( លោក Florentino Perez លោក Joan Laporta និងលោក Andrea Agnelli) តែងព្យាយាមសម្លាប់វិស័យបាល់ទាត់នេះរហូតមក “។
សូមរំលឹកផងដែរថា UEFA តែងតែយាយី និងគ្រោងដាក់ពិន័យដល់ក្លឹបណាដែលពាក់ព័ន្ធក្នុងការចូលរួមបង្កើត European Super League ដែលជាពិសេសគឺ ក្លឹប Real Madrid ក្លឹប Barcelona និងក្លឹប Juventus តែម្ដងដោយសារតែក្លឹបទាំង៣នេះនូវតែប្រកាន់ជំហរបង្កើតការប្រកួតនេះដដែលទោះ UEFA ដាក់សម្ពាធ និងក្លឹបដទៃផ្សេងទៀតចាកចេញ៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Football News
លោក Shearer ថា កីឡាករ Kylian Mbappe គ្មានចំណុចខ្សោយទាល់តែសោះ
អតីតកីឡាករជម្រើសជាតិអង់គ្លេស លោក Alan Shearer បានលើកឡើងថា Kylian Mbappe គ្មានចំណុចខ្សោយទាល់តែសោះ។ ជាការពិតណាស់ លោក Shearer បានលើកឡើងបែបនេះ បន្ទាប់ពីកាលពីយប់មិញ Mbappe បានស៊ុតបញ្ចូលទីពីរគ្រាប់ម្នាក់ឯង ជួយ ក្រុមជម្រើសជាតិបារាំង យកឈ្នះ ដាណឺម៉ាក ក្នុងលទ្ធផល ២ទល់នឹង១ និង បានឡើងទៅកាន់វគ្គ១៦ក្រុមចុងក្រោយ។ លោក Shearer បាននិយាយថា៖ “ខ្ញុំមិនមើលឃើញពីចំណុចខ្សោយរបស់ Mbappe នៅក្នុងការប្រកួតឡើយ។ គាត់ជាតារាឆ្នើម និង មានទេពកោសល្យដ៏អស្ចារ្យ។ ការទប់បាល់ បច្ចេកទេស ល្បឿន ការបញ្ចប់ទីទាំងជើងឆ្វេងស្តាំរបស់គេ គឺ ពិតជាអស្ចារ្យណាស់”៕
27 Nov 2022
Football News
លោក Enrique សរសើរកីឡាករ Gavi របស់ Barcelona ថាគេលេងឆ្លាតណាស់
គ្រូបង្គោលក្រុមជម្រើសជាតិអេស្ប៉ាញ លោក Luis Enrique បានសរសើរអំពីការលេងរបស់ កីឡាករ Gavi ថា រូបគេលេងបាល់ឆ្លាតខ្លាំងណាស់។ ជាការពិតណាស់ ក្នុងការប្រកួតបើកឆាកព្រឹត្តិការណ៍ World Cup ទល់នឹង កូស្តារីកា គឺ Gavi ពិតជាលេងបានល្អមែនទែន ដោយ រូបគេរកបានមួយគ្រាប់ ជួយ អេស្ប៉ាញ ទទួលបានជ័យជម្នះដ៏លើសលប់ ៧ទល់នឹង០។ លោក Enrique បាននិយាយថា៖ “រឿងដែលគ្រប់គ្នាភ្ញាក់ផ្អើលបំផុត គឺ កីឡាករដែលមានវ័យត្រឹម ១៨ឆ្នាំ ១០០ថ្ងៃ មានទំនុកចិត្តលើខ្លួនឯងខ្លាំងបែបនេះ។ អ្នកត្រូវតែមើលពីភាពវ័យឆ្លាតរបស់គាត់ របៀបនៃគាត់គ្របដណ្តប់ការប្រកួត”៕
27 Nov 2022
Football News
Ronaldo នាំមិត្តរួមក្រុមជម្រើសជាតិទៅបាយល្ងាច ក្រោយមានរឿងជាមួយក្លិប Man Utd
ខ្សែប្រយុទ្ធកីឡាករ Cristiano Ronaldo ត្រូវបានគេរាយការណ៍ថាកំពុងតេសប្បាយរីករាយយ៉ាងខ្លាំងក្រោយយកឈ្នះក្នុងលទ្ធផល ៣-២ ដោយ Ronaldo រកបាន១គ្រាប់ដោយបាល់ប៉េណាំងទី។ ជាការពិតណាស់ Ronaldo ត្រូវបានក្លិប Man Utd ផ្តាច់កុងត្រាបន្ទាប់ពីរូបគេមានរឿងជាមួយលោកគ្រូ Eric Ten Hag និងនិយាយថារូបគេត្រូវបានគេក្បត់នៅក្លិប Man Utd។ ជាក់ស្តែងគេសង្កេតឃើញថា Ronaldo ហាក់គ្មានប្រតិកម្មអ្វីនោះទេ ពីព្រោះរូបគេកំពុងផ្តោតជាមួយក្រុមជម្រើសជាតិព័រទុយកាលក្នុងព្រឹត្តិការណ៍ World Cup ដោយគ្រាន់តែលោកគ្រូបង្វឹកលោក Fernando Santos ឱ្យសម្រាកពីហ្វឹកហាត់ Ronaldo បាននាំមិត្តរួមក្រុមជម្រើសជាតិព័រទុយកាលទៅពិសាអាហារពេលល្ងាចនៅភោជនីយដ្ឋានដែលមានឈ្មោះថា Tatel De Doha លើកោះ Al Maha ដោយភោជនីយដ្ឋាននេះ រូបគេមានហ៊ុនរួមជាមួយកីឡាករវាយកូនបាល់ឈ្មោះថា Rafael Nasal។ គួរបញ្ជាក់ដែរថា Ronaldo ផ្តោតលើពានរង្វាន់នេះខ្លាំដោយសារតែវាជាឱកាសលើកចុងក្រោយរបស់គាត់ ពីព្រោះ World Cup 2022 រួចគាត់អាចនឹងចូលនិវត្តពីបាល់ទាត់ហើយ៕
27 Nov 2022
Football News
ក្លិប Al Nassr របស់អារ៉ាប៊ីសាអូឌីតហ៊ានឲ្យ Cristiano Ronaldo ៦២លានផោនក្នុង១ឆ្នាំ
ក្លិប Al Nassr របស់អារ៉ាប៊ីសាអូឌីតក្នុងមជ្ឈឹមបូព៌ាហ៊ានឲ្យ Cristiano Ronaldo ៦២លានផោនក្នុង១ឆ្នាំ (ប្រមាណ៧៥លានដុល្លារអាមេរិក) ប្រសិនបើរូបគេព្រមទៅលេងឲ្យនោះ។ ជាការពិតណាស់ Ronaldo ត្រូវបានក្លិប Man Utd ផ្តាច់កុងត្រាបន្ទាប់ពីរូបគេមានរឿងជាមួយលោកគ្រូ Eric Ten Hag និងនិយាយថារូបគេត្រូវបានគេក្បត់នៅក្លិប Man Utd ក្នុងបទសម្ភាសន៍ជាមួយលោក Piers Morgan។ ដូច្នេះមានន័យថា Ronaldo កំពុងតែជាកីឡាករ Free Agent ដែលគ្មានតម្លៃសំខាន់។ អ្វីដែលកាន់តែពិសេសនោះគឺ ក្លិបយក្សនៅមជ្ឈឹមបូព៌ា Al Nassr កំពុងដាក់កុងត្រាស្នើទៅកាន់ Ronaldo ដោយកិច្ចសន្យារយៈពេល ៣ឆ្នាំមានតម្លៃ ១៨៦លានផោន (២២៥លានដុល្លារអាមេរិក) ប៉ុន្តែ Ronaldo មិនទាន់សម្រេចចិត្តនោះទេ ក៏ព្រោះតែរូបគេកំពុងតែជាប់ភារកិច្ចជួយក្រុមជម្រើសជាតិព័រទុយកាល់ក្នុងព្រឹត្តិការណ៍ World Cup 2022។ ដូច្នេះ តើ Ronaldo អាចប្តូរមកលេងនៅមជ្ឈឹមបូព៌ាដែរឬទេក្រោមតម្លែខ្លួន ៦២លានអុឺរ៉ូក្នុង១ឆ្នាំ?
27 Nov 2022
Football News
Lalana ថាគ្រប់គ្រូបង្វឹកទាំងអស់នៅលើលោកតែងតែចង់ Mason Mount ធ្វើជាកូនក្រុម
ខ្សែបម្រើប្រយុទ្ធក្លិប Brighton កីឡាករ Adam Lalana បានលើកឡើងថា គ្រប់គ្រូបង្វឹលទាំងអស់នៅលើលោកតែងតែចង់ Mason Mount ធ្វើជាកូនក្រុម ពីព្រោះគេផ្តល់នូវភាពរីកចម្រើនមកដល់ក្រុម។ ជាការពិតណាស់ Mount បានក្លាយជាកម្លាំងសំខាន់ដែលមិនអាចខ្វះបានរបស់ Chelsea និង ក្រុមជម្រើសជាតិអង់គ្លេស នាប្រមាណជា៣ឆ្នាំចុងក្រោយនេះ ដោយ រូបគេបានជួយក្រុមឈ្នះពាន Champions League និង ឡើងទៅកាន់វគ្គផ្តាច់ព្រ័ត្រនៃព្រឹត្តិការណ៍ Euro ផងដែរ។ Lalana បាននិយាយថា៖ “Mount គឺ ជាក្តីស្រមៃរបស់គ្រូបង្វឹកគ្រប់រូប។ ក្រោមការដឹកនាំរបស់លោក Graham Potter គេបានលេងជាជម្រើសដំបូងគ្រប់ការប្រកួតទាំង Premier League និង Champions League”៕
26 Nov 2022
Football News
Chelsea ត្រៀមទឹកប្រាក់ ២០០លានផោនដើម្បីទិញយក Declan Rice និង Jude Bellingham
ក្លិបតោខៀវ Chelsea ត្រូវបានគេរាយការណ៍ថាបានត្រៀមទឹកប្រាក់ខ្ទង់២០០លានផោន(ស្មើនឹងប្រមាណ ២៤១ លានដុល្លារ)ក្នុងការទិញយកកីឡាករឆ្នើមពីររូបនៃជម្រើសជាតិអង់គ្លេសគឺ Declan Rice និង Jude Bellingham ។ ដោយសារ កីឡាករក្នុងក្រុមដូចជា N’Golo Kante និង Jorginho ជិតនឹងផុតកុងត្រាហើយ គឺក្លិបចង់ស្វែងរកគោលដៅថ្មីមកជំនួសពួកគេហើយសារព័ត៌មាន The Telegraph បានផ្សាយថា Chelsea ចាប់អារម្មណ៍ពួកគេទាំងពីរនាក់ណាស់។ Rice និង Bellingham សុទ្ធតែជាប់ជម្រើសជាតិអង់គ្លេសសម្រាប់ការប្រកួតនៅព្រឹត្តិការណ៍បាល់ទាត់ពិភពលោក ដោយពួកគេចាប់ដៃគ្នាលេងបានល្អនៅតំបន់បម្រើ។ យ៉ាងណាមិញ កីឡាករទាំងពីរសំបូរក្លិបធំៗចាប់អារម្មណ៍ខ្លាំងណាស់ ទើបវាមិនមែនជារឿងងាយស្រួលទេក្នុងការទិញយកពួកគេ៕
26 Nov 2022
