ពាន​រង្វាន់​កីឡាករ​បង្ហាញ​ទម្រង់​លេង​ល្អ​បំផុត​ប្រចាំ​ខែ​វិច្ឆិកា នៅ​ក្របខ័ណ្ឌ​កំពូល Premier League ទី​បំផុត​ត្រូវ​បាន​ធ្លាក់​ទៅ​ដល់​ដៃ​ខ្សែ​ប្រយុទ្ធ​ឆ្នើម​របស់​ក្លឹប​ហង្ស​ក្រហម Liverpool គឺ​កីឡាករ Sadio Mane ក្រោយ​នៅ​កំឡុង​ការ​ប្រកួត​រយៈ​ពេល​មួយ​ខែ​រក​បាន ៣ គ្រាប់​និង Assist ១ លើក។

photo of Sadio Mane
​កីឡាករ Sadio Mane របស់ក្លិប Liverpool 

៤ ប្រកួត​របស់​ហង្ស​នៅ​ខែ​វិច្ឆិកា​បាន​បន្ត​ឲ្យ​ក្រុម​នាំ​មុខ​ចំណាត់ថ្នាក់​កំពូល​តារាង​ដដែល ហើយ​បុរស​សញ្ជាតិ​សេណេហ្គាល់​នេះ​សោត​ក៏​ធ្វើ​បាន​យ៉ាង​ល្អ​បំផុត​នៅ​ជំនួប​ប៉ះ Aston Villa កន្លង​ទៅ។

photo of Heung-Min Son
​កីឡាករ Heung-Min Son របស់ក្លិប Tottenham Hotspur

Mane ក៏​ស្ថិត​ក្នុង​ចំណោម​បេក្ខភាព​ទាំង ៧ រូប​ដែល​ប្រជែង​ពាន​រង្វាន់​ប្រចាំ​ខែ​វិច្ឆិកា​នេះ​ ដោយ​រួម​មាន​កីឡាករ​ល្អៗ​ឯ​ទៀត​ដូច​ជា Dele Alli, Raul Jimenez, Lys Mousset, Son Heung-min, Caglar Soyuncu និង Jamie Vardy (អ្នក​ឈ្នះ​កាល​ពី​ខែ​វិច្ឆិកា)៕

photo of Jamie Vardy
​កីឡាករ Jamie Vardy របស់ក្លិប Leicester City