លទ្ធផលនៃការចាប់​ឆ្នោត​រើស​ពូល​ក្នុង​វគ្គ​សន្សំ​ពិន្ទុ​នៃ​ព្រឹតិ្តការណ៍ UEFA Champions League​​ បានប្រព្រឹត្ត​ទៅ​នៅ​ទី​ក្រុង​ម៉ូណាកូ​បានបញ្ចប់ទៅកាល​ពី​យប់​មិញ ខណៈ​ការ​ប្រកួត​នឹង​ចាប់​ផ្ដើម​នៅ​ខែ​ក្រោយ​ទៅ​រយៈ​ពេល​៧​ខែ​ទើប​រក​ឃើញ​ក្រុម​ឡើង​ទៅ​ប្រកួត​យក​ពាន​នៅ​កីឡដ្ឋាន​ Wanda Metropolitano នៅ​ប្រទេស​អេស្ប៉ាញ។​

​អ្នក​ទស្សនា​ទាំង​អស់​នឹង​ផ្តោត​ទៅ​លើ​ក្លឹប Real Madrid ដែល​ប៉ុនប៉ង​ចង់​ក្លាយ​ជា​ក្លឹប​ដំបូង​គេ​បង្អស់​ក្នុង​សម័យ​កាល​ថ្មី​​ដែល​អាច​លើក​ពាន​ UEFA Champions League ៤ឆ្នាំ​ជាប់​ៗគ្នា ថ្វី​បើ​ក្លឹប​នេះ ទើប​តែ​បាន​បាត់​បង់​កំពូល​កីឡាករ​រក​គ្រាប់​បាល់​ជាប់​កំណត់​ត្រា​របស់​ខ្លួន​គឺ​កីឡា​ករ​ Cristiano Ronaldo ក៏​ដោយ។

នេះ​ជា​លទ្ធផល​នៃ​ការ​ចាប់​ឆ្នោត​សម្រាប់​ពូល​នីមួយៗ៖

photo of UEFA Champions League
UEFA Champions League

ការប្រកួត​ជុំទីមួយ នឹងត្រូវប្រព្រឹត្ត​ទៅ​​នៅ​ថ្ងៃទី ១៨-១៩ ខែកញ្ញា ខណៈដែល​វគ្គសន្សំពិន្ទុ​នឹង​ត្រូវ​បញ្ចប់​នៅ​ថ្ងៃទី ១១-១២ ខែធ្នូ ហើយ​វគ្គ ១៦ក្រុម​ចុង​ក្រោយ​នឹង​ប្រព្រឹត្ត​ទៅ​​នៅ​ថ្ងៃ​ទី១៧ ខែធ្នូ។

photo of Luka Modric
កីឡាករ Luka Modric ទទួល​បានរង្វាន់កីឡាករ​ឆ្នើម​បំផុត​ប្រចាំឆ្នាំ​របស់ UEFA

គួរបញ្ជាក់ថា កីឡាករ Luka Modric ទទួល​បានរង្វាន់កីឡាករ​ឆ្នើម​បំផុត​ប្រចាំឆ្នាំ​របស់ UEFA ក្នុង​ពិធី​ចាប់ឆ្នោត​រើស​ពូល​សម្រាប់ការ​ប្រកួត UEFA Champions League ​កាល​ពី​យប់​ថ្ងៃ​ព្រហស្បតិ៍​ទី៣០ ខែសីហា ឆ្នាំ២០១៨ ផងដែរ។

តើអ្នកគិត​ថាពូល​មួយណា​ដែល​មានជើង​ខ្លាំង​ច្រើន? តើ​ក្លឹប Real Madrid អាច​ការពារ​តំណែង​ជើង​ឯក​របស់ខ្លួន​ដោយ​គ្មាន​វត្តមាន Ronaldo បានដែរ​ឬទេ? ឬក៏​មាន​ម្ចាស់ជើង​ឯក​ផ្សេងទៀត? សូមចូលរួម​យោបល់​របស់អ្នក​នៅ​ក្នុង​ប្រអប់សម្រាប់​បញ្ចេញ​យោបល់៕