photo of ក្លឹបបាល់ទាត់បឹងកេត
លោកសាយ សំអាល់ ក្លាយជាប្រធានកិត្តិយសក្លឹបបាល់ទាត់ បឹងកេត

លោកសាយ សំអាល់ រដ្ឋមន្រ្ដីក្រសួងបរិស្ថាន និងជាប្រធានសហភាពសហព័ន្ធយុវជនកម្ពុជារាជធានីភ្នំពេញ បានយល់ព្រមធ្វើជាប្រធានកិត្តិយសក្លឹបបាល់ទាត់បឹងកេត ដែលជាក្រុមជើងឯកលីគកំពូលកម្ពុជា៣ជំនាន់មកនេះ។ ដែល​បាន​ផ្លាស់ប្តូរ​ថ្នាក់ដឹកនាំ​ថ្មី​កាលពី​ខែឧសភា ឆ្នាំ​២០១៨​។ នេះ​បើ​យោងតាម​ទំព័រ​ហ្វេ​ស​ប៊ុ​ក​ក្លិប​បាល់ទាត់​បឹងកេត​។

យោងតាមសារជូនដំណឹងនៅលើទំព័រហ្វេសប៊ុកផ្លូវការរបស់ក្លឹប បានសរសេររ ថា”ក្លឹបបមានកិត្តិយសសូមជម្រាបជូនដំណឹងដល់សាធារណជនទាំងអស់ឲ្យបានជ្រាបថា ឯកឧត្តម សាយ សំអាល់ ប្រធានសហភាពសហព័ន្ធយុវជនរាជធានីភ្នំពេញ និងជារដ្ឋមន្ត្រីក្រសួងបរិស្ថាន បានផ្ដល់កិត្តិយសធ្វើជាប្រធានកិត្តិយសរបស់ក្លឹបបាល់ទាត់បឹងកេតចាប់ពីពេលនេះតទៅ ។ លើសពីនេះទៅទៀត ក្លឹបបាល់ទាត់បឹងកេត និងសហ ភាពសហព័ន្ធយុវជនកម្ពុជា នឹងធ្វើជាដៃគូសហការគ្នា ដើម្បីចូលរួមលើកស្ទួយវិស័យកីឡាបាល់ទាត់ យុវជន និងបរិស្ថានផងដែរ”៕