លោក Antonio Conte នឹងចាកចេញ Chelsea នៅចុងបញ្ចប់នៃរដូវកាលនេះ
13 Jan 2018 - 04:44:50 SHARE
ក្លឹបតោខៀវ Chelsea កំពុងស្វែងរកអ្នកចាត់ការថ្មី ខណៈលោក Antonio Conte មានគម្រោងដើរចេញពី Stamford Bridg នៅពេលចប់រដូវកាលនេះ។
កិច្ចសន្យារបស់ Conte មិនទាន់អស់នៅឡើយទេនៅឆ្នាំក្រោយ ប៉ុន្តែបុរសវ័យ៤៨ឆ្នាំបានត្រៀមខ្លួនរួចរាល់ដើម្បីចាកចេញ។ សំនួរសួរថា តើនរណានឹងមក Chelsea ប្រសិនអ្នកចាត់ការសញ្ជាតិអ៊ីតាលីខាងលើចេញពីក្លឹប?
Max Allegri អ្នកចាត់ការ Juventus និង Luis Enrique ដែលលាលែងពី Barclona ឆ្នាំមុនគឺជាបេក្ខភាពឈានមុខគេ ថានឹងអាចមកជំនួស Conte។ ចំណែកលោក Maurizio Sarri ដែលកំពុងត្រួសត្រាយ Napoli ឈរលើកំពូលតារាង Serie A បច្ចុប្បន្ន ក៏ស្ថិតក្នុងការពិចារណារបស់ Chelsea ខណៈលោក Diego Simeone ពិបាកអូសចេញពី Atletico Madrid ណាស់។
មូលហេតុតោខៀវចាប់អារម្មណ៍ Allegri ព្រោះលោកបាននៅដឹកនាំ Juventus ៣ ឆ្នាំជួយឈ្នះពាន៣ដង និងនាំក្លឹបឡើង Champions League វគ្គផ្ដាច់ព្រ័ត្រដល់ទៅ២ដង។ Allegri សញ្ជាតិអ៊ីតាលីបានចុះកុងត្រាថ្មីជាមួយ Juventus ពីឆ្នាំមុន ដែលតម្រូវឲ្យលោកត្រូវនៅទីក្រុង Turin ដល់ឆ្នាំ២០២០។ តែបុរសវ័យ៥០ឆ្នាំក៏មានមហិច្ឆតាទៅដឹកនាំក្រៅប្រទេសដែរ។
ចំពោះលោក Luis Enrique ដែលកំពុងគ្មានការងារធ្វើ គ្រាដឹកនាំ Barcelona ៣ឆ្នាំ លោកធ្លាប់ជួយក្លឹបឈ្នះពាន La Liga ២ដង និង Champions League ម្ដង៕
ប្រភពពី៖ dailymail
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
Lukaku ទម្លាយមូលហេតុដែលធ្វើឲ្យរូបគេដើរចេញពី Manchester United
ខ្សែប្រយុទ្ធ Romelu Lukaku បានជជែកជុំវិញមូលហេតុដែលរូបគេសម្រេចចិត្តចាកចេញពីក្លឹប Manchester United ផ្លាស់មកស្ថិតក្រោមការដឹកនាំរបស់លោក Antonio Conte នៅឯក្លឹប INter Milan។ អតីតខ្សែប្រយុទ្ធរបស់ Manchester United រូបនេះបានមកចូលរួមនៅ United នាឆ្នាំ ២០១៧ ដោយ ៦៦ ប្រកួតរកបាន ២៨ គ្រាប់ ប៉ុន្តែមកដល់ Inter ២០ ប្រកួតក្នុងលីគសុទ្ធ កិឡាករបែលហ្សិកធ្វើបាន ១៤ គ្រាប់បាត់ទៅហើយ។ ឆ្លើយតបនឹងមូលហេតុចាកចេញ Lukaku និយាយថា៖ “Manchester United បានទុកចន្លោះសម្រាប់កីឡាករវ័យក្មេងដែលមកចូលរួម ហើយខ្ញុំគិតថាវាជាស្ថានភាពមួយដែលខ្ញុំត្រូវពិចារណាសារជាថ្មី ទន្ទឹមដែលពេលរួមរស់នៅក្លឹបនោះ គឺសមាជិកពុំបានព្រមព្រៀងនូវអ្វីដែលខ្ញុំចង់បានទេ ហើយវាគួបផ្សំនឹងខ្ញុំរាងធ្លាក់ទម្រង់លេងផង”។ លោកបន្ត៖ “បែបនេះខ្ញុំក៏សម្រេចចិត្តថាត្រូវគិតដល់ការផ្លាស់ប្តូរបរិយាកាសថ្មីហើយ”។ បញ្ជាក់ដែរថាទំនាក់ទំនងរវាង Lukaku និង Conte គឺមានភាពចុះសម្រុងគ្នាច្រើន ខុសពីការនៅក្រោមការដឹកនាំរបស់លោក Ole Gunnar Solskjaer៕
25 Jan 2020
Other News
Bristol City កំពុងដាក់គោលដៅលើខ្សែការពារ Filip Benkovic របស់ក្លឹប Leicester
ក្លឹប Bristol City កំពុងដាក់គោលដៅលើខ្សែការពារ Filip Benkovic របស់ក្លឹប Leicester ស្របពេលគ្រូបង្វឹកក្លឹប Leicester លោក Brendan Rodgers គឺជាអ្នកគាំទ្រខ្សែការពារ Filip ហើយនាំយកកីឡាកររូបនេះមកកាន់អតីតក្លឹប Celtic កាលពីខែសីហាឆ្នាំ២០១៨ ។ ប៉ុន្តែគ្រូបង្វឹករូបនេះបើកភ្លើងខៀវឲ្យកីឡាករសញ្ជាតិក្រូអាស៊ីរូបនេះចាកចេញជាបណ្តោះអាសន្ននៅខែនេះ ដើម្បីបន្តស្វែងរកឱកាសបង្ហាញមុខជាប្រចាំ។ ក្លឹប Bristol City នឹងរង់ចាំការវិវឌ្ឍថ្មី ខណៈក្លឹប Leicester បន្តស្វែងរក ហើយលទ្ធផលណាមួយនោះ អាចនឹងប៉ះពាល់ដល់ការតាមប្រមាញ់កីឡាករ វ័យ២២ឆ្នាំរូបនេះ ខណ:ដែលក្លឹប Derby ចង់ចាប់អារម្មណ៍ផងដែរ។ ក្លឹប Leicester នឹងស្វែងរកកីឡាករមកជំនួស ដើម្បីធ្វើឲ្យប្រាកដថា ពួកគេមិនខ្វះខ្សែការពារ ហើយកំពុងសម្លឹងមើលកីឡាករ Jannik Vestegaard ៕
25 Jan 2020
Other News
Chelsea កំពុងចាប់អារម្មណ៌អ្នកចាំទី Nick Pope របស់ក្លឹប Burnley
ក្លឹបតោខៀវ Chelsea កំពុងតាមមើលអ្នកចាំទី Nick Pope ចំពេលមានការបារម្ភអំពីសមត្ថភាពរបស់អ្នកចាំទីតម្លៃខ្លួនខ្ពស់ Kepa Arrizabalaga របស់ខ្លូន។ អ្នកចាំទីវ័យ២៥ឆ្នាំបានផ្ទេរពីក្លឹប Athletic Bilbao កាលពី១៨ខែមុនក្នុងតម្លៃ ៧២លានផោន ប៉ុន្តែមិនបានបង្ហាញភាពអស្ចារ្យរបស់ខ្លួនក្នុឋានៈជាអ្នកចាំទីដែលមានតម្លៃខ្លួនខ្ពស់បំផុតក្នុងពិភពលោកនោះទេ ហើយ ក្លឹប Chelsea កំពុងមានផែនការផ្ទេរអ្នកចាំទីម្នាក់ទៀត ដើម្បីដាក់សម្ពាធលើកីឡាករ Kepa ហើយអ្នកចាំទី Nick Pope របស់ក្លឹប Burnley ស្ថិតក្នុងគោលដៅរបស់ពួកគេ។ Pope វ័យ២៧ឆ្នាំបានកសាងខ្លួនទៅជាអ្នកចាំទីលំដាប់លេខ១ របស់ក្រុម Burnley បន្ទាប់ពីមានបញ្ហារបួស ហើយទទួលបានឱកាសចូលរួមជាមួយក្រុមជម្រើសជាតិអង់គ្លេសរបស់លោក Gareth Southgate ។ Pope មានកិច្ចសន្យាជាមួយក្លឹប Burnley ដល់ឆ្នាំ ២០២៣ ហើយក្លឹបនេះមានជម្រើសបន្តកិច្ចសន្យានេះដល់១២ខែទៀត។ ការតាមមើលការបង្ហាញសមត្ថភាពរបស់កីឡាករ Kepa មានកាន់តែខ្លាំងឡើងនៅរដូវកាលនេះ។ អំឡុងពេលប្រកួតស្មើ ២-២ នៅពហុកីឡាដ្ឋាន Stamford Bridge កាលពីយប់ថ្ងៃអង្គារ ក្រុម Arsenal រកបាន២គ្រាប់។ បន្ទាប់ពីប្រកួតស្មើក្រុម
24 Jan 2020
Other News
ក្លឹប Spurs គ្រោងចំណាយ២៥លានផោនដើម្បីផ្ទេរ Gareth Bale ត្រឡប់មកវិញ
តាមព័ត៌មានថា ក្លឹប Spurs ចង់ចុះកិច្ចព្រមព្រៀងផ្ទេរអតីតកីឡាករ Gareth Bale ពីក្លឹប Real Madrid មកវិញ ប៉ុន្តែមានបំណងចំណាយត្រឹមតែ២៥លានផោនប៉ុណ្ណោះសម្រាប់ខ្សែបម្រើស្លាបរូបនេះ។ កីឡាករសញ្ជាតិវ៉េលរូបនេះបានផ្ទេរពីក្លឹប Spurs មកកាន់ក្របខណ្ឌ La Liga កាលពីឆ្នាំ២០១៣ក្នុងតម្លៃ៨៥លានផោនហើយនៅសល់កិច្ចសន្យាដល់ឆ្នាំ២០២២។ភ្នាក់ងារ Jonathan Barnet របស់ Bale បានបដិសេធកិច្ចសន្យាខ្ចីជើងសម្រាប់កីឡាករឆ្នើមរូបនេះ។ ទោះបីជាយ៉ាងណា Bale នៅតែត្រូវបានគេភ្ជាប់ទៅនឹងកិច្ចព្រមព្រៀងផ្ទេរចេញពីប្រទេសអេស្ប៉ាញ ហើយអ្នកចាត់ការក្លឹប Spurs លោក Jose Mourinho ចង់បានកីឡាករវ័យ៣០ឆ្នាំរូបនេះត្រឡប់មកវិញ។ ប៉ុន្តែតាមព័ត៌មានថា បើទោះបីជាលោក Mourinho មានបំណងសម្រេចកិច្ចព្រមព្រៀងផ្ទេរក៏ដោយ ក៏ក្លឹប Spurs គ្មានបំណងចំណាយច្រើនជាង២៥លានផោន ក្នុងការនាំយក Bale មកពីទីក្រុងឡុងដ៍នោះទេ៕
23 Jan 2020
Other News
លោក Mino Raiola ភ្នាក់ងាររបស់ Pogba បង្ហើបពីការចាកចេញពីក្លិប Man Utd
លោក Mino Raiola ដែលជាភ្នាក់ងារតំណាងឲ្យ Paul Pogba បានបង្ហើបប្រាប់ថា តារាឆ្នើមរបស់ក្លិប Manchester United រូបនេះ អាចនឹងចាកចេញពីកីឡដ្ឋាន Old Trafford ប្រសិនបើរូបគេមិនមានភាពរីករាយនៅចុងរដូវកាលនេះ។ Pogba បានបង្ហាញខ្លួនត្រឹមតែ៨លើកគត់សម្រាប់ Man United អំឡុងពេលយុទ្ធនាការបច្ចុប្បន្ននេះ ក្រោយពីត្រូវជម្នះលើបញ្ហារបួសកជើង ហើយពាក្យចរចាមអារ៉ាមផ្សេងៗកំពុងតែកើតមានជុំវិញអនាគតរបស់ខ្សែបម្រើអន្តរជាតិបារាំងរូបនេះ ក្នុងពេលរូបគេអវត្តមាន។ Pogba ទើបតែបានវិលចូលលេងវិញតាមរយៈការលេងជាកីឡាករបម្រុង២លើកក្នុងពេលប្រកួតជាមួយនឹងក្រុម Watford និង Newcastle កាលពីខែធ្នូ ប៉ុន្តែ បានជួបបញ្ហាជង្គង់ជាថ្មី ស្របពេលដែលមានពាក្យចរចាមអារ៉ាមថា រូបគេចង់ចាកចេញពីក្លិប Man United។ លោក Raiola បានបន្ថែមពាក្យស្រពេចស្រពិលផ្សេងៗទៅលើអនាគតរបស់ Pogba កាលពីថ្ងៃពុធ នៅពេលដែលរូបគេបាននិយាយថា អតិថិជនរបស់ខ្លួន មិនត្រូវបានធានាថា នឹងនៅតែបន្តលេងឲ្យក្រុមធ្លាក់ទម្រង់របស់លោក Ole Gunnar Solskjaer ឡើយ ប្រសិនបើរូបគេមិនសប្បាយចិត្ត។ លោក Raiola បានប្រាប់បណ្តាញសារព័ត៌មាន Sky Sports News
23 Jan 2020
Other News
Barcelona គ្រោងផ្ទេរខ្សែប្រយុទ្ធ Pierre Emerick Aubameyang របស់ Arsenal នៅខែមករានេះ
ក្លឹប Barcelona គ្រោងផ្ទេរខ្សែប្រយុទ្ធ Pierre EmerickAubameyang មកកាន់ពហុកីឡាដ្ឋាន Nou Camp នៅខែមករា ខណៈពេលពួកគេចង់រកកីឡាករមកជំនួសខ្សែប្រយុទ្ធ Luis Suarez ។ ក្លឹបយក្សអេស្ប៉ាញនេះអាចនឹងអវត្តមាន Suarez យ៉ាងហោចណាស់៦សប្តាហ៍ បន្ទាប់ពីខ្សែប្រយុទ្ធសញ្ជាតិអ៊ុយរូហ្គាយរូបនេះធ្វើការវះកាត់របួសក្បាលជង្គង់ ។ ក្រុម Barcelona មានជម្រើសខ្សែប្រយុទ្ធមានកំណត់ ហើយ Lionel Messi ឬ Antoine Griezmann ជាជម្រើសប្រយុទ្ធ ក្នុងរយៈពេលប៉ុន្មានសប្តាហ៍នេះ។ក្លឹប Barcelona មើលឃើញ Aubameyang ជាជម្រើសម្នាក់ ហើយអន្ទះសាចង់ចុះកិច្ចព្រមព្រៀងផ្ទេរ។ Aubameyang រកបាន១៦គ្រាប់ក្នុងការបង្ហាញមុខ២៦លើកសម្រាប់ក្លឹប Arsenal នៅរដូវកាលនេះ។ បើទោះបីជាក្រុម Barcelona ដឹងច្បាស់ថា វាពិតជាមានការពិបាកក្នុងការបញ្ចុះបញ្ចូលឲ្យក្លឹបកាំភ្លើងធំលក់ខ្សែប្រយុទ្ធសំខាន់រូបនេះនៅពាក់កណ្តាលរដូវកាលនេះក៏ដោយក៏ប៉ុន្តែ Barcelona នៅតែសង្ឃឹមថា អាចនឹងសម្រេចកិច្ចព្រមព្រៀងផ្ទេរកីឡាកររូបនេះ៕
22 Jan 2020
