លោក Arsene Wenger ចង់ឱ្យ Giovanni van Bronckhorst បន្តតំណែងគាត់នៅ Arsenal

លោក​ Arsene Wenger ត្រូវបានគេរាយការណ៍ថា បានកំណត់អត្តសញ្ញាណតារាអតីតខ្សែប្រយុទ្ធ Giovanni van Bronckhorst ដើម្បីមកជំនួសគាត់នៅ Emirates ។

គ្រូបង្វឹកសញ្ជាតិបារាំងរូបនេះ Arsene Wenger បានចុះកុងត្រា 2 ឆ្នាំជាមួយក្រុមកាំភ្លើងធំ​ Arsenal កាលពីខែឧសភាឆ្នាំមុន ប៉ុន្តែគាត់បានសារភាពថាគាត់នឹងពិនិត្យមើលឡើងវិញនូវតួនាទីរបស់គាត់នៅចុងបញ្ចប់នៃរដូវកាលនេះ ។

Van Bronckhorst វ័យ 42 ឆ្នាំរូបនេះ​ បានកាន់កាប់តំណែងជើងឯកនៅ Feyenoord ក្នុងឆ្នាំ 2015 និងដឹកនាំក្រុមយក្ស ហូឡង់ឱ្យឈ្នះពានរង្វាន់លីកកាលពីរដូវកាលមុន បន្ទាប់ពីបានឈ្នះពានរង្វាន់ KNVB Cup ក្នុងយុទ្ធនាការដំបូងរបស់គាត់ ។

ជនជាតិហូឡង់ម្នាក់នេះ បានចំណាយពេលបីរដូវកាលនៅជាមួយកាំភ្លើងធំ Arsenal មុនពេលគាត់ចូលរួមជាមួយ Barcelona ក្នុងឆ្នាំ 2004 និងបានឈ្នះពានពីរដងជាមួយនឹងក្រុម Arsenal នៅក្នុងឆ្នាំ 2002 ។

លោក Wenger ត្រូវបានគេនិយាយថា បានទទួលការចាប់អារម្មណ៍ពីរបៀបគ្រប់គ្រងរបស់លោក Van Bronckhorst និងវិធីដែលលោកបានដឹកនាំ Feyenoord ក្នុងពានរង្វាន់លីកជាលើកដំបូងរបស់ពួកគេក្នុងរយៈពេល 18 ឆ្នាំ។

អតីតកីឡាករក្រុម Barcelona រូបនេះបានធ្វើការជាមួយអ្នកដែលមានជំនាញដូចជាលោក Guus Hiddink លោក Dick Advocaat និង Frank Rijkaard លើអាជីពរបស់គាត់។

ប្រភពពី៖ metro