លោក Eidur Gudjohnsen​ បានចេញមុខរិះគន់ កីឡាករ Bruno Fernandes ថា លេងបាល់ពឹងលើ កីឡាករ Cristiano Ronaldo ច្រើនលើសលប់។

Eidur Gudjohnsen
Eidur Gudjohnsen

ជាការពិតណាស់ Ronaldo បានផ្លាស់ពី Juventus មកចាប់ដៃគូគ្នាជាមួយ Bruno នៅ Manchester United កាលពីខែកញ្ញា កន្លងទៅនេះ។ គួរបញ្ជាក់ផងដែរថា ពួកគេទាំងពីរ ជាមិត្តរួមសញ្ជាតិគ្នា ហើយក៏ធ្លាប់លេងយល់ចិត្តគ្នា ជួយឲ្យជម្រើសជាតិព័រទុយកាល់ យកឈ្នះគូប្រកួតជាច្រើនដង ផងដែរ។

យ៉ាងណាមិញ លោក Eidur ជឿជាក់ថា Bruno អាច​នឹងរកគ្រាប់បាល់បានច្រើនជាងនេះ ប្រសិនបើគេលេងមិនរំពឹងទៅលើ Ronaldo ច្រើនពេក ដូចបែបនេះ។

លោក Eidur បាននិយាយថា៖ “ខ្ញុំគិតថា Bruno ដូចជា រំពឹងទៅលើ Ronaldo ច្រើនពេកហើយ។ ខ្ញុំឃើញថា ៩លើ ១០ដង ហើយដែលគេតែងតែសម្លឹងរកមើល Ronaldo​​ ហើយប្រសិនជាគេមើល Ronaldo មិនឃើញទេ គេប្រាកដជា អន្ទះសារ​ហើយ និង លេងបាល់លែងចេញតែម្តង។ ខ្ញុំនិយាយតាមត្រង់ទៅចុះ ខ្ញុំចង់ឃើញគេលេងដោយមានការទុកចិត្តលើខ្លួនឯង ច្រើនជាងនេះ” ៕