photo of Jose Mourinho
Jose Mourinho គ្រូបង្វឹកជម្រើសជាតិអេស្បាញ

ការ​សាង​កំហុស​របស់​អ្នក​ចាំទី​វ័យ​២៧​ឆ្នាំ​ David de Gea បាន​ធ្វើ​ឲ្យ​អេស្ប៉ាញ​ខាត​២​ពិន្ទុ​ដ៏​មាន​សារៈសំខាន់​ ក្នុង​ពូល​ B ស្រប​ពេល​អ៊ីរ៉ង​ ពេល​នេះ​កំពុង​ឈរ​កំពូល​តារាង​មាន​៣​ពិន្ទុ​ពេញ ក្រោយ​យក​ឈ្នះ​ម៉ារ៉ុក​ ១​ទល់​នឹង​០។

ការ​ស៊ុត​បាល់​គ្រាប់​ទី​២​របស់​ Ronaldo នៅ​នាទី​៤៤​ចុង​វគ្គ​ទី​១​ គឺ​ជា​ការ​ធ្វេស​ប្រហែស​របស់​អ្នក​ចាំ​ទី​បិសាច​ក្រហម​រូប​នេះ​ ដោយ​បណ្ដោយ​ឲ្យ​ផ្លាត​ចូល​ទី​ក្រោយ​ប៉ះ​ដៃ។ លទ្ធផល​ចុង​ក្រោយ​ គឺ​ព័រទុយហ្គាល់​ស្មើ​ជាមួយ​អេស្ប៉ាញ​៣-៣។

ក្រោយ​ឃើញ​កំហុស​នេះ គ្រូ​បង្វឹក​របស់​ De Gea លោក Jose Mourinho បាន​និយាយ​ថា​កីឡាករ​វ័យ​២៧​ឆ្នាំ​ គួរ​តែ​ចង់​ចាំ​ និង​ជៀសវាង​កំហុស​នេះ​ កើត​ឡើង​ពេល​ក្រោយ​ទៀត។

“ De Gea គឺ​ជា​កូន​ប្រុស​របស់​ខ្ញុំ​។ វា​ពិត​ជា​ឈឺចាប់​សម្រាប់​ខ្ញុំ​ដើម្បី​និយាយ​ពី​វា​ប៉ុន្តែ​គាត់ដឹង​ថា​វា​ជា​កំហុស​ដ៏​អាក្រក់។ វា​ជា​កំហុស​ដែល​គាត់​មិន​ដែល​កើត​ឡើង​ជាមួយ​ពួកយើង​នៅ​Manchester United ពី​ព្រោះ​គាត់​ជា​កីឡាករ​ម្នាក់​ដែល​បង្ហាញ​ទម្រង់​លេង​ដ៏​អស្ចារ្យ។​ប៉ុន្តែ​បាន​កើត​ឡើង​ទៅ​ហើយ​ៗ​ក្រោយ​ទៀត​គាត់​នឹង​ធ្វើ​បាន​ល្អ​”។

photo of David De Gea​​
អ្នក​ចាំទី​វ័យ​២៧​ឆ្នាំ David De Gea​​ ​បាន​ទទួល​ស្គាល់​ពី​កំហុស​របស់​ខ្លួន
photo of David De Gea​​ ​
អ្នក​ចាំទី​វ័យ​២៧​ឆ្នាំ David De Gea​​ ​បាន​ទទួល​ស្គាល់​ពី​កំហុស​របស់​ខ្លួន

អ្នក​ចាំទី​វ័យ​២៧​ឆ្នាំ​បាន​ទទួល​ស្គាល់​ពី​កំហុស​របស់​ខ្លួន ហើយ​គិត​ថា​កំហុស​បែប​នេះ​​ពេល​ខ្លះតែងតែ​កើត​ឡើង​ក្នុង​​បាល់​ទាត់។ “ខ្ញុំ​រីករាយ​​ចំពោះ​ការ​ប្រតិកម្ម​នៃ​មិត្ត​រួម​ក្រុម។ ខ្ញុំ​គិត​ថា​ពួក​យើង​គួរ​តែ​ទទួល​បាន​លទ្ធផល​ល្អ​ជាង​នេះ។ បាល់ទាត់​គឺ​បែប​នេះ​ វា​អាច​កើត​ឡើង​ដូច​នេះ វា​គឺជា​កំហុស យើង​ខំ​ទប់​វា​នៅ​ដៃ​ដែរ តែនៅតែ​របូត​ចូល​ទី។ ពួក​យើង​ដឹង​ថា​វា​ពិបាក​បែប​ណា ប៉ុន្តែ​ខ្ញុំ​ជឿ​លើ​ការ​គាំទ្រ​របស់​គ្រូ​និង​មិត្តរួម​ក្រុម។ ហើយ​ការ​គាំទ្រ​នេះ​នឹង​ផ្ដល់​ឲ្យ​ខ្ញុំ​ប្រឹង​បង្ហាញ​សមត្ថភាព​ឲ្យ​ល្អ​លើ​ទីលាន”៕ ​​

ប្រភព៖ marca