photo of Leonardo Vitorino
 អតីត​គ្រូ​បង្វឹក​ក្រុម​បាល់ទាត់​ជម្រើស​ជាតិ​កម្ពុជា Leonardo Vitorino

កាលពី​យប់​ថ្ងៃ​ទី១៦ ខែ​ឧសភា​នេះ លោក Leonardo Vitorino អតីត​គ្រូ​បង្វឹក​ក្រុម​បាល់ទាត់​ជម្រើស​ជាតិ​កម្ពុជា បានបញ្ចប់ពាក្យចចាមអារាមដោយបានបង្ហោះសារមួយតាម​រយៈ​បណ្ដាញ​សង្គម​ហ្វេសប៊ុកថា លោក​មិន​ទាន់​ត្រឡប់​មក​ដឹកនាំ​ក្រុម​ណា​មួយ នៅ​ប្រទេស​កម្ពុជា​វិញ​នោះទេ​។

ក្នុងសារនោះលោកបានបញ្ជាក់ថា ” ខ្ញុំសូមអរគុណដល់ប្រជាជនកម្ពុជាទាំងអស់ដែលស្រឡាញ់ខ្ញុំប៉ុន្តែឥលូវខ្ញុំធ្វើការនៅក្លឹបបកីឡា Ceará ដែលជាក្លឹបធំបំផុតមួយនៅក្នុងប្រទេសប្រេសុីលជាមួយនឹងកិច្ចសន្យាហើយខ្ញុំមិនអាចមកឥឡូវនេះបានទេ។ ដំណឹងមួយចំនួនដែលថាខ្ញុំត្រលប់មកវិញសូមទោសប៉ុន្តែខ្ញុំមិនអាចមកបានទេហើយខ្ញុំក៏មិនបានទទួលការអញ្ជើញណាមួយពីក្លឹបកម្ពុជាផងដែរ។ ខ្ញុំទើបតែទទួលបានការអញ្ជើញពី Qatar 2 ក្រុមម៉ាឡេស៊ីនិងក្រុមថៃ Thai Premier League team។ ថ្ងៃមួយខ្ញុំនឹងត្រលប់មកវិញប៉ុន្តែមិនមែនឥឡូវនេះទេ។ ពេលខ្ញុំត្រឡប់មកវិញអ្នកគ្រប់គ្នានឹង
ដឹងពីខ្ញុំផ្ទាល់ឬប្រព័ន្ធផ្សព្វផ្សាយជាផ្លូវការពីក្លឹបឬសហព័ន្ធ។ សូមអរគុណដល់ការគាំទ្រខ្ញុំជានិច្ច! ខ្ញុំ​ស្រលាញ់​អ្នក​ទាំង​អស់​គ្នា !”

គ្រូបង្វឹក​សញ្ជាតិ​ប្រេស៊ីល​បាន​ពន្យល់​ថា បច្ចុប្បន្ន​លោក​កំពុង​ធ្វើការ​នៅ​ក្លឹប Ceara នៅ​ប្រទេស​ប្រេស៊ីល ដោយ​ជាប់​កិច្ច​សន្យា ហើយ​លោក​មិន​អាច​ត្រឡប់​មក​វិញភ្លាម​ៗ​បាន​ទេ។ ដូច្នេះ លោក​មិន​អាច​ទទួល​យក​ការ​អញ្ជើញ​ពី​ក្លឹប​ណាមួយ​នៅ​កម្ពុជា​បាន​ទេ​។ ក៏​ប៉ុន្តែ​ លោក Leo ​បញ្ជាក់​ថា លោក​នឹង​ត្រឡប់​មក​កម្ពុជា​វិញ​នៅ​ពេល​ណាមួយ​ជាក់ជា​ពុំ​ខាន។

លោក​បន្ថែម​ថា ថ្មីៗនេះ ក៏​មាន​ក្លឹប​ចំនួន​ពីរ ដែល​មិន​ត្រូវ​បាន​បញ្ចេញ​ឈ្មោះ មក​ពី​ប្រទេស​ម៉ាឡេស៊ី និង​ថៃ ក៏​បាន​ទាក់ទង​ទៅ​កាន់​លោក ឲ្យ​ទៅ​ដឹកនាំ​ផងដែរ​៕

ខ្ញុំសូមអរគុណដល់ប្រជាជនកម្ពុជាទាំងអស់ដែលស្រឡាញ់ខ្ញុំប៉ុន្តែឥលូវខ្ញុំធ្វើការនៅក្លឹបកីឡាCearáដែលជាក្លឹបធំបំផុតមួយនៅក្នុងប្…

Posted by LEONARDO VITORINO on Wednesday, 16 May 2018