បន្ទាប់ពីជម្រើសជាតិរបស់ខ្លួនធ្លាក់ពីព្រឹត្តិការណ៍ World Cup 2018 ក្រោមថ្វីជើងម្ចាស់ផ្ទះរុស្សុីនៅវគ្គ 16ក្រុម នឹងគ្រូបង្វឹកបណ្ដោះសន្ន លោក Fernando Hierro ចុះចេញពីដំណែង ឥឡូវនេះសហព័ន្ធកីឡាបាល់ទាត់របស់ប្រទេសអេស្ប៉ាញបានប្រកាសថាពួកគេជ្រើសរើសអតីតគ្រូបង្វឹកក្រុម FC Barcelona លោក Luis Enrique ជាគ្រូបង្វឹកថ្មីរបស់ពួកគេ។

Luis Enrique
Luis Enrique

ក្នុង​អំឡុង​ពេល​ដឹកនាំ​ក្លឹប​អ្នក​មាន​បុណ្យ Barcelona ឆ្នាំ 2014 ដល់ 2017 លោកបានឈ្នះពានរង្វាន់ប្រាំបួនជាមួយក្លឹបយក្សកាតាឡានមួយនេះ មាន លីគ​កំពូល​អេស្ប៉ាញ​ចំនួន 2លើក Copa Del Rey 3លើក Champions League 1លើក Spanish Super Cup 1ដង UEFA Super Cup 1ដង និង FIFA Club World Cup 1ដង ផងដែរ។

លោកបានចុះហត្ថលេខាលើកិច្ចសន្យារយៈពេល 2 ឆ្នាំ ជាមួយជម្រើសជាតិ អេស្ប៉ាញ នេះក៏​ជា​តំណែង​ទី​មួយ​ហើយ​ របស់​លោក Enrique គិត​តាំង​ពី​ឆ្នាំ2017 ក្រោយ​លោក​បាន​ចាក​ចេញ​ពី​តួនាទី​អ្នក​ចាត់​ការ​ក្លឹប Barcelona មក៕

ប្រភពពី៖ soccerladuma