លោក Maurizio Sarri ចង់ឲ្យអតីតកូនម្នាក់នៅ Chelsea មកចូលរួមជាមួយលោកនៅ Juventus
04 Oct 2019 - 02:31:05 SHARE
គ្រូបង្វឹកក្លឹប Juventus លោក Maurizio Sarri កំពុងតែពិចារណាដើម្បីបានជួបជុំជាមួយកីឡាករ N`Golo Kante ជាថ្មីនៅក្លឹប Juventus ហើយចង់បានកីឡាកររូបនេះមកជាផ្នែកនៃតំបន់បម្រើរបស់លោក។
Juventus ជឿថា កីឡាករសញ្ជាតិបារាំងរូបនេះអាចនឹងមានតម្លៃ៧០លានផោន ដែលជាតម្លៃមួយអាចទទួលយកបាន។ លោក Sarri ចង់បានខ្សែបម្រើដែលមានសមត្ថភាពបំផុតនៅក្របខណ្ឌ Serie A ហើយចាត់ទុក Kante ជាជម្រើសដ៏ស័ក្តិសម។
វត្តមានរួមគ្នានៅតំបន់បម្រើរវាងកីឡាករ Aaron Ramsey, Miralem Pjanic និងកីឡាករ Kante គឺជារឿងល្អបំផុត ដែលលោក Sarri ជឿថា នឹងក្លាយជាតំបន់បម្រើល្អបំផុតនៅតំបន់អឺរ៉ុប ស្របពេលមានជំនួយពីកីឡាករល្អៗផ្សេងទៀត។
គ្រូបង្វឹកសញ្ជាតិអ៊ីតាលីរូបនេះមិនមែនជាអ្នកចាត់ការដែលមានការទាម ទារច្រើនបំផុតនោះទេនៅក្នុងទីផ្សារទិញដូរកីឡាករ ហើយលោកតែងតែផ្តោតការយកចិត្តលើការបង្វឹកកីឡាករដែលមានក្នុងដៃច្រើនជាង។
ប៉ុន្តែលោកក៏មិនលាក់បាំងពីបំណងរបស់លោកក្នុងការនាំយក Kante មកកាន់ទីក្រុងទូរីនទេ។ គ្រូបង្វឹកវ័យ៦០ឆ្នាំរូបនេះបានបង្ហាញអារម្មណ៍ច្បាស់ៗប្រាប់នាយករងក្លឹបលោក Pavel Nedved ហើយជឿថា Kante នឹងបង្កើតបានជាតំបន់បម្រើល្អបំផុតនៅតំបន់អឺរ៉ុប៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Other News
ក្លឹប Spurs គ្រោងចំណាយ២៥លានផោនដើម្បីផ្ទេរ Gareth Bale ត្រឡប់មកវិញ
តាមព័ត៌មានថា ក្លឹប Spurs ចង់ចុះកិច្ចព្រមព្រៀងផ្ទេរអតីតកីឡាករ Gareth Bale ពីក្លឹប Real Madrid មកវិញ ប៉ុន្តែមានបំណងចំណាយត្រឹមតែ២៥លានផោនប៉ុណ្ណោះសម្រាប់ខ្សែបម្រើស្លាបរូបនេះ។ កីឡាករសញ្ជាតិវ៉េលរូបនេះបានផ្ទេរពីក្លឹប Spurs មកកាន់ក្របខណ្ឌ La Liga កាលពីឆ្នាំ២០១៣ក្នុងតម្លៃ៨៥លានផោនហើយនៅសល់កិច្ចសន្យាដល់ឆ្នាំ២០២២។ភ្នាក់ងារ Jonathan Barnet របស់ Bale បានបដិសេធកិច្ចសន្យាខ្ចីជើងសម្រាប់កីឡាករឆ្នើមរូបនេះ។ ទោះបីជាយ៉ាងណា Bale នៅតែត្រូវបានគេភ្ជាប់ទៅនឹងកិច្ចព្រមព្រៀងផ្ទេរចេញពីប្រទេសអេស្ប៉ាញ ហើយអ្នកចាត់ការក្លឹប Spurs លោក Jose Mourinho ចង់បានកីឡាករវ័យ៣០ឆ្នាំរូបនេះត្រឡប់មកវិញ។ ប៉ុន្តែតាមព័ត៌មានថា បើទោះបីជាលោក Mourinho មានបំណងសម្រេចកិច្ចព្រមព្រៀងផ្ទេរក៏ដោយ ក៏ក្លឹប Spurs គ្មានបំណងចំណាយច្រើនជាង២៥លានផោន ក្នុងការនាំយក Bale មកពីទីក្រុងឡុងដ៍នោះទេ៕
23 Jan 2020
Other News
លោក Mino Raiola ភ្នាក់ងាររបស់ Pogba បង្ហើបពីការចាកចេញពីក្លិប Man Utd
លោក Mino Raiola ដែលជាភ្នាក់ងារតំណាងឲ្យ Paul Pogba បានបង្ហើបប្រាប់ថា តារាឆ្នើមរបស់ក្លិប Manchester United រូបនេះ អាចនឹងចាកចេញពីកីឡដ្ឋាន Old Trafford ប្រសិនបើរូបគេមិនមានភាពរីករាយនៅចុងរដូវកាលនេះ។ Pogba បានបង្ហាញខ្លួនត្រឹមតែ៨លើកគត់សម្រាប់ Man United អំឡុងពេលយុទ្ធនាការបច្ចុប្បន្ននេះ ក្រោយពីត្រូវជម្នះលើបញ្ហារបួសកជើង ហើយពាក្យចរចាមអារ៉ាមផ្សេងៗកំពុងតែកើតមានជុំវិញអនាគតរបស់ខ្សែបម្រើអន្តរជាតិបារាំងរូបនេះ ក្នុងពេលរូបគេអវត្តមាន។ Pogba ទើបតែបានវិលចូលលេងវិញតាមរយៈការលេងជាកីឡាករបម្រុង២លើកក្នុងពេលប្រកួតជាមួយនឹងក្រុម Watford និង Newcastle កាលពីខែធ្នូ ប៉ុន្តែ បានជួបបញ្ហាជង្គង់ជាថ្មី ស្របពេលដែលមានពាក្យចរចាមអារ៉ាមថា រូបគេចង់ចាកចេញពីក្លិប Man United។ លោក Raiola បានបន្ថែមពាក្យស្រពេចស្រពិលផ្សេងៗទៅលើអនាគតរបស់ Pogba កាលពីថ្ងៃពុធ នៅពេលដែលរូបគេបាននិយាយថា អតិថិជនរបស់ខ្លួន មិនត្រូវបានធានាថា នឹងនៅតែបន្តលេងឲ្យក្រុមធ្លាក់ទម្រង់របស់លោក Ole Gunnar Solskjaer ឡើយ ប្រសិនបើរូបគេមិនសប្បាយចិត្ត។ លោក Raiola បានប្រាប់បណ្តាញសារព័ត៌មាន Sky Sports News
23 Jan 2020
Other News
Barcelona គ្រោងផ្ទេរខ្សែប្រយុទ្ធ Pierre Emerick Aubameyang របស់ Arsenal នៅខែមករានេះ
ក្លឹប Barcelona គ្រោងផ្ទេរខ្សែប្រយុទ្ធ Pierre EmerickAubameyang មកកាន់ពហុកីឡាដ្ឋាន Nou Camp នៅខែមករា ខណៈពេលពួកគេចង់រកកីឡាករមកជំនួសខ្សែប្រយុទ្ធ Luis Suarez ។ ក្លឹបយក្សអេស្ប៉ាញនេះអាចនឹងអវត្តមាន Suarez យ៉ាងហោចណាស់៦សប្តាហ៍ បន្ទាប់ពីខ្សែប្រយុទ្ធសញ្ជាតិអ៊ុយរូហ្គាយរូបនេះធ្វើការវះកាត់របួសក្បាលជង្គង់ ។ ក្រុម Barcelona មានជម្រើសខ្សែប្រយុទ្ធមានកំណត់ ហើយ Lionel Messi ឬ Antoine Griezmann ជាជម្រើសប្រយុទ្ធ ក្នុងរយៈពេលប៉ុន្មានសប្តាហ៍នេះ។ក្លឹប Barcelona មើលឃើញ Aubameyang ជាជម្រើសម្នាក់ ហើយអន្ទះសាចង់ចុះកិច្ចព្រមព្រៀងផ្ទេរ។ Aubameyang រកបាន១៦គ្រាប់ក្នុងការបង្ហាញមុខ២៦លើកសម្រាប់ក្លឹប Arsenal នៅរដូវកាលនេះ។ បើទោះបីជាក្រុម Barcelona ដឹងច្បាស់ថា វាពិតជាមានការពិបាកក្នុងការបញ្ចុះបញ្ចូលឲ្យក្លឹបកាំភ្លើងធំលក់ខ្សែប្រយុទ្ធសំខាន់រូបនេះនៅពាក់កណ្តាលរដូវកាលនេះក៏ដោយក៏ប៉ុន្តែ Barcelona នៅតែសង្ឃឹមថា អាចនឹងសម្រេចកិច្ចព្រមព្រៀងផ្ទេរកីឡាកររូបនេះ៕
22 Jan 2020
Other News
Man Utd Vs Chelsea ដើម្បីប្រជែងផ្ទេរយក Moussa Dembale របស់ក្លឹប lyon
ក្លឹប Man Utdបានចូលរួមប្រជែងជាមួយក្លឹប Chelsea ដើម្បីផ្ទេរកីឡាករ Moussa Dembeleរបស់ក្លឹប Lyon ។ Man Utdគ្រោងនឹងដាក់សំណើបឋម៤៣លានផោនសម្រាប់Dembele។ ក្រុម Man Utdកាន់តែមានបញ្ហាប្រព័ន្ធប្រយុទ្ធកាលពីសប្តាហ៍កន្លងទៅ បន្ទាប់ពីកីឡាករMarcus Rashfordរងរបួស ហើយខ្សែប្រយុទ្ធសញ្ជាតិអង់គ្លេសរូបនេះនឹងអវត្តមានរហូតដល់បីខែ។ ខ្សែប្រយុទ្ធវ័យ២២ឆ្នាំរូបនេះមានបញ្ហារបួសខ្នងមួយរយៈមកហើយ ដែលធ្វើឲ្យក្រុមរបស់លោក Ole Gunnar Solskjaerនៅសល់តែកីឡាករ Anthony Martial និងMason Greenwood ប៉ុណ្ណោះជាជម្រើសខ្សែប្រយុទ្ធរបស់លោក។ ដើម្បីចង់សម្រាលបន្ទុកលើ Martial និង Mason លោក Solskjaer បានបង្វែងចំណាប់អារម្មណ៍មកលើ Dembele។កីឡាករវ័យ២៣ឆ្នាំរូបនេះ ដែលក៏ជាគោលដៅរបស់ក្លឹប Chelsea ផងដែរនោះ រកបាន១៣គ្រាប់ក្នុងការបង្ហាញមុខ២៨លើកនៅគ្រប់ការប្រកួតនៅរដូវកាលនេះ។ទោះបីជាណាប្រធានក្លឹប Lyon បានបដិសេធមិនលក់ Dembele នៅខែមករានេះទេ៕
22 Jan 2020
Other News
Kylian Mbappe និយាយបង្ហើបការពិតថាបុរសម្នាក់នេះគឺជាវីរបុរសរបស់ខ្លួន
Kylian Mbappe បានបើកចំហរពីវីរបុរស (Idol) នៅពេលរូបគេស្ថិតនៅក្នុងវ័យកុមារភាពថា អ្នកចាត់ការទូទៅរបស់ក្រុមអធិរាជស Real Madrid លោក Zinedine Zidane ជានិមិត្តរូបធំបំផុត ដែលជម្រុញអោយរូបគេក្លាយ ជាកីឡាកររីកចម្រើនមករហូតដល់សព្វ ថ្ងៃនេះ។ កីឡាករអន្តរជាតិបារាំង Mbappe វ័យ ២១ របស់ក្រុមជើងឯកលីកកំពូលបារាំង PSG ឆ្នាំរូបនេះបានក្លាយជាកីឡា ករល្បីល្បាញបំផុតនៅក្នុងពិភពបាល់ទាត់ក្នុងរយៈពេលប៉ុន្មានឆ្នាំចុងក្រោយនេះ។ សមាជិកជ័យលាភី World Cup ២០១៨របស់ក្រុមមាន់គកបារាំង ក៏បានជួយក្លឹបបាល់ទាត់អាជីព Monaco និង PSG ឈ្នះ ពានរង្វាន់ក្នុងស្រុកជាច្រើនកន្លងមកផងដែរ ។ កីឡាករដែលមានដើមកំណើតនៅ ឆ្នាំ ១៩៩៨ និងធំដឹងក្តីនៅទីក្រុង Bondy ជា តំបន់ជាយក្រុង Paris និងធ្លាប់ឆ្លងកាត់ការលំបាកជាច្រើន បានធំដឹងក្តី និង មានចំណូលចិត្តលេងបាល់ទាត់ស្របពេលវីរបុរសក្រុមជម្រើសជាតិបារាំងលោក Zinidine Zidane បានក្លាយជាកីឡាករកំពូលដែលបានជួយបារាំងលើកពាន World Cup ជាលើកទី១។ Mbappe រកបាន ២១
21 Jan 2020
Other News
Real Madrid ចុះហត្ថលេខានាំយកខ្សែប្រយុទ្ធយុវជនប្រេស៊ីល Reinier Jesus
ក្លិប Real Madrid បានបំពេញការចុះហត្ថលេខាជាមួយនឹងខ្សែបម្រើប្រយុទ្ធអន្តរជាតិប្រេស៊ីល Reinier Jesus វ័យ១៨ឆ្នាំ ក្នុងតម្លៃខ្លួន៣០លានអឺរ៉ូ (ស្មើនឹង៣៣,៣លានដុល្លារអាមេរិក)។ Reinier ដែលបានចុះកិច្ចសន្យារយៈពេល៦ឆ្នាំ កន្លះជាមួយនឹងក្លិបយក្សអេស្ប៉ាញ បានបង្ហាញខ្លួនក្នុងក្រុមឈុតធំត្រឹមតែ១លើកគត់សម្រាប់ក្លិប Flamengo កាលពីថ្ងៃទី៣១ ខែកក្កដា ឆ្នាំមុន។ រូបគេគឺជាសមាជិកក្រុម Flamengo ដែលបានឈ្នះពានក្របខ័ណ្ឌលីកប្រេស៊ីល និងពាន Copa Libertadores កាលពីរដូវកាលមុន។ ក្លិប Flamengo បានឲ្យដឹងក្នុងសេចក្តីប្រកាសមួយថា៖ «យើងសូមជូនពរឲ្យរូបគេទទួលបានជោគជ័យក្នុងដំណាក់កាលថ្មីនៃជីវិតរបស់គេ»។ Reinier គឺជាអ្នករកបានគ្រាប់បាល់ច្រើនជាងគេក្នុងព្រឹត្តិការណ៍ World Cup អាយុក្រោម១៦ឆ្នាំ ក្នុងឆ្នាំ២០១៨ ដោយក្លិបរបស់គេ បានផ្តួលក្រុម Real Madrid ក្នុងវគ្គផ្តាច់ព្រ័ត្រ។ ក្នុងសេចក្តីប្រកាសមួយនេះ ក្លិប Real Madrid បានបញ្ជាក់ថា Reinier នឹងត្រូវចូលលេងជាមួយនឹងក្រុម Castilla ដែលជាក្រុមទី២របស់ក្លិបនេះ និងលេងក្នុងក្របខ័ណ្ឌលំដាប់ទី៣របស់អេស្ប៉ាញ ក្រោយពីការប្រកួតជម្រុះសម្រាប់ព្រឹត្តិការណ៍អូឡាំពិកអាមេរិកខាងត្បូង ជាមួយនឹងក្រុមអាយុក្រោម២៣ឆ្នាំរបស់ប្រេស៊ីល៕
21 Jan 2020
