អតីតវីរបុរសរបស់ Manchester United លោក Paul Scholes បានបង្ហាញការយល់ឃើញផ្ទាល់ខ្លួនជុំវិញការប្រកួតរបស់ ក្រុមបិសាចក្រហមកាលពីយប់មិញ ហើយលោកជឿជាក់ថាតារាឆ្នើម Bruno Fernandes គឺជាបញ្ហាសំខាន់ដែលនាំឱ្យទម្រង់លេងរបស់លោក Ralf Rangnick ធ្វើមិនបានល្អ។

Paul Scholes
Paul Scholes

ជាការពិតណាស់ សម្រាប់ការប្រកួតក្របខណ្ឌ Premier League សប្តាហ៍ទី ២៥ កាលពីយប់មិញ Man UTD បានទទួលលទ្ធផលស្មើគ្នា ១ ទល់នឹង ១ ជាមួយ Southampton ក្នុងនោះ Sancho ជាអ្នករកគ្រាប់បាល់បើកឆាកនៅនាទីទី ២១ ចំណែក Che Adams ជាអ្នករកគ្រាប់បាល់តាមស្មើនៅនាទីទី ៤៨។

ក្រោយបញ្ចប់ការប្រកួតលោក Scholes បានថ្លែងប្រាប់កាសែត BT Sport យ៉ាងដូច្នេះថា៖ “គាត់ (Rangnick) ព្យាយាមចាប់ផ្តើមលេងជាមួយទម្រង់ ៤-៣-៣ ដោយដាក់ Scott McTominay និង Fernandes ចំណែក Paul Pogba ដាក់ឱ្យនៅតំបន់រៀងខ្ពស់បន្តិច។

ក្រោយមកគាត់បានទាញ Pogba ទម្លាក់មកវិញ និងរុញ Fernandes ឱ្យឡើងទៅលើវិញ ខ្ញុំគិតថា Fernandes មានបញ្ហាបន្តិចបន្តួចនៅត្រង់ចំណុចនេះ”៕