​លោក Xavi ​កាល​ពី​ឆ្នាំ​ ២០២០​កន្លង​ទៅ ​ធ្លាប់​និយាយ​ថា​ខ្សែ​ប្រយុទ្ធ Pierre-Emerick Aubameyang ​មិន​សក្ដិសម​លេង​ឱ្យ​ក្រុម FC Barcelona ​នោះ​ទេ តែ​ពេល​នេះ​ពួកគេ​បាន​ធ្វើ​ការ​ជាមួយ​គ្នា​ហើយ។

Xavi Hernandez
Xavi Hernandez

​ក្រុម Barcelona ​បាន​សម្រេច​ចិត្ត​ចុះ​កុងត្រា​យក​ Aubameyang ​ក្រោយ​ពី​រួបគេ​ដាច់​កុងត្រា​ជាមួយ​ក្រុម Arsenal ​ព្រោះ​មាន​រឿង​ជម្លោះ​ផ្ទៃ​ក្នុង។ ​តែ​យ៉ាង​ណា​រហូត​មក​ដល់​ពេល​នេះ ​ការ​ចុះ​កុងត្រា​នោះ​មិន​ទាន់​រួច​រាល់​១០០​%​នោះ​ទេ ​តែ​កីឡាករ​ក៏​អាច​ចូល​ហាត់​ជាមួយ​ក្រុម​បាន​ហើយ​ដែរ ​ក្រោម​ការ​ដឹក​នាំ​របស់​លោក Xavi ​។

​រំលឹក​ទៅ​ដល់​រឿង​ពី​មុន​នៅ​ឆ្នាំ​២០២០ ​លោក Xavi ​នេះ​ដែរ ​ធ្លាប់​និយាយ​ថា​អតីត​កីឡាករ Dortmund ​នៅ​មិន​ទាន់​ល្អ​គ្រប់គ្រាន់​ក្នុង​ការ​លេង​ឱ្យ​ក្រុម​អ្នក​មាន​បុណ្យ។ ​លោក ​បាន​អះអាង​ថា​៖ “Aubameyang ​អ្នក​សម្លាប់​អ្នក​នៅ​តំបន់​ដែល​ទូលាយ ប៉ុន្តែ Barcelona ​ត្រូវ​ការ​កីឡាករ​ដែល​ដឹង​ពី​របៀប​រើ​ទៅ​មុខ​នៅ​ពេល​មាន​កន្លែង​ចង្អៀត​បាន”៕