វេស្ទើនភ្នំពេញ ទទួលបាន ១ពិន្ទុដំបូងបំផុត ក្រោយ ១៤ប្រកួតកន្លងទៅបរាជ័យរហូត
23 Jul 2018 - 11:28:17 SHARE
នៅទីបំផុតក្លិបបាល់ទាត់វេស្ទើនភ្នំពេញ អាចស្គាល់នូវរស់ជាតិមួយពិន្ទុលើកដំបូងនៅក្នុងរដូវកាល ២០១៨ នៃក្របខណ្ឌ Metfone Cambodian League បានហើយក្រោយពីពួកគេបានប្រកួតស្មើគ្នាជាក្លិបក្រសួងការពារជាតិក្នុងលទ្ធផល ៣-៣ ក្នុងជំនួបសប្ដាហ៍ទី ១៥ កាលពីថ្ងៃអាទិត្យ កន្លងទៅ។
លទ្ធផលនេះបានធ្វើឲ្យពួកគេមានក្តីសង្ឃឹមឡើងវិញ ក្នុងការប្រជែងផុតពីតំបន់គ្រោះថ្នាក់ ដែលនៅពីក្រោមអគ្គិសនីកម្ពុជា ត្រឹមតែ ៤ពិន្ទុប៉ុណ្ណោះ គ្រាដែលលក្ខន្តិកៈលីគរដូវកាលនេះ តំរូវឲ្យក្រុមនៅតំបន់គ្រោះថ្នាក់តែ ១ ប៉ុណ្ណោះ ត្រូវធ្លាក់ទៅលីគទីពីរ។
ក្រៅពីនេះផងដែរ វាគឺជាលទ្ធផលដែលបានកាត់ផ្តាច់នូវកំណត់ត្រាអស្ចារ្យរបស់ក្រសួងការពារជាតិ ដែលទទួលបានជ័យជម្នះ ៧ប្រកួតជាប់គ្នា ចាប់តាំងពីសប្តាហ៍ទី ៨ កន្លងមក ។ មិនត្រឹមតែប៉ុណ្ណោះ វាក៏ជាលទ្ធផលស្មើដំបូងបំផុតក្នុងរដូវកាល ក្រោមការដឹកនាំរបស់លោក ភា សុភ័ត្រ្តា ផងដែរ ដែលកន្លងមក ធ្លាប់តែ ឈ្នះ និងចាញ់តែប៉ុណ្ណោះ ។
គួរឲ្យដឹងផងដែរថា ក្រុមវេស្ទើន បានបើកការនាំមុខសាជាថ្មី ដោយខ្សែប្រយុទ្ធវ័យក្មេង កែវ ឧត្តម តែយ៉ាងណាក៏ដោយប្រធានក្រុមរបស់ក្លិបក្រសួងការពារជាតិកីឡាករ រ៉ឹង ប៊ុនហៀង ដដែលជាអ្នកតាមស្មើជាលើកទី ២នៅចុងម៉ោងទៅហើយ។ ចំណែកលទ្ធផល ៣-៣ នេះដែរបានរក្សារហូតដល់បញ្ចប់ការប្រកួតនៅក្នុងសប្តាហ៏ទី ១៥ នៃពានរង្វាន់ Metfone Cambodian League ឆ្នាំ ២០១៨។
ដូច្នេះក្រុមបាល់ទាត់វេស្ទើនភ្នំពេញអាចស្គាល់នូវរសជាតិមួយពិន្ទុលើកដំបូងរបស់គេបានហើយក្នុងចំណោមការប្រកួត ១៥លើកកន្លងទៅ ខណៈដែលក្រសួងការពារជាតិវិញត្រូវបញ្ចប់ការឈ្នះ ៧លើកជាប់ៗគ្នារបស់គេត្រឹមស្មើនេះក្រោយពីស្មើគ្នានេះ៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Khmer News
Tiger Street Football 2020 មកដល់មណ្ឌលប៉ោយប៉ែតនៅថ្ងៃទី ២៥-២៦ នេះហើយ
ការប្រកួតបាល់ទាត់ពានរង្វាន់ Tiger Street Football 2020 នៅមណ្ឌលទី៣ ក្រុងប៉ោយប៉ែត នឹងចាប់ផ្ដើមចាប់ពីថ្ងៃទី២៥នេះទៅហើយ ដើម្បីស្វែងរកជើងខ្លាំងចំនួន៦ក្រុមឡើងមកវគ្គផ្ដាច់ព្រ័ត្រនាខែកុម្ភៈ នៅរាជធានីភ្នំពេញ។ ការប្រកួតកន្លងទៅ បន្ទាប់ពីធ្វើការប្រកួតយ៉ាងស្វិតស្វាញ និងរកឃើញជើងខ្លាំងប្រចាំមណ្ឌលសៀមរាបចំនួន ១២ក្រុមរួចមក កម្មវិធីបាល់ទាត់ Tiger Street Football 2020 បានបន្តដំណើរចូលដល់មណ្ឌលថ្មីមួយទៀតជាប់ដែនដីថៃ គឺក្រុងប៉ោយប៉ែត។ ដូច្នេះហើយក្រុមដែលបានដាក់ពាក្យចូលរួមប្រកួតប្រជែងរួចហើយនោះ ត្រូវតែតៀមខ្លួនឲ្យបានល្អដើម្បីមានសមត្ថភាពពេញលេញប្រជែងយកជើងឯកប្រចាំមណ្ឌលប៉ោយប៉ែតនេះដែលមានប្រាក់រង្វាន់រហូតដល់ ១ ៥០០ដុល្លារ។ ការប្រកួតកន្លងទៅ មណ្ឌលប៉ោយប៉ែត៖ ក្រុមឈ្នះលេខ១ ទទួលបានប្រាក់រង្វាន់ ១ ៥០០ដុល្លារ ក្រុមឈ្នះលេខ២ ទទួលបានប្រាក់រង្វាន់ ១ ០០០ដុល្លារ ក្រុមឈ្នះលេខ៣ ទទួលបានប្រាក់រង្វាន់ ៥០០ដុល្លារ ក្រុមឈ្នះលេខ៤ ទទួលបានប្រាក់រង្វាន់ ២០០ដុល្លារ
24 Jan 2020
Khmer News
ព្រះខ័នរាជស្វាយរៀង ផ្តួលក្រុមភ្ញៀវមកពីឡាវ Master 7 ៤ទល់នឹង១ កាលពីម្សិលមិញ
ក្នុងពហុកីឡដ្ឋានជាតិកាលពីម្សិលមិញ ក្រុមជើងឯកលីគកំពូលកម្ពុជា ព្រះខ័នរាជស្វាយរៀង បានប្រកួតឈ្នះក្រុមជើងឯករងលីគកំពូលឡាវ Master 7 ដោយលទ្ធផល ៤ទល់នឹង១ នៅក្នុងការប្រកួតវគ្គជម្រុះ Play-Off ពានរង្វាន់ AFC Cup ជើងទីមួយ។ ៤គ្រាប់របស់ក្រុមជើងឯកលីគកំពូលកម្ពុជារកបានដោយខ្សែប្រយុទ្ធ Privat ២គ្រាប់ និងខ្សែបម្រើ ហួយ ផល្លីន ២គ្រាប់ផងដែរ ខណៈ១គ្រាប់របស់ក្រុមភ្ញៀវរកបានដោយខ្សែប្រយុទ្ធ Souleymane Coulibaly។ គួរឱ្យដឹងថា ព្រះខ័នរាជស្វាយរៀង នឹងត្រូវប្រកួត Master 7 ក្នុងជើងទីពីរ នៅទីក្រុងវៀងចន្ទន៍ នាថ្ងៃពុធ ទី២៩ មករាខាងមុខនេះ។ ដោយឡែកសម្រាប់ការប្រកួតពូល G មាន Ceres Negros របស់ហ្វីលីពីន, ក្លិបវៀតណាម Than Quang Ninh និង ក្លិបឥណ្ឌូនេស៊ី Bali United ឬក្លិបលេខ៣នៅលីគកំពូលឥណ្ឌូនេស៊ីកំពុងរង់ចាំស្រាប់៕
23 Jan 2020
Khmer News
Samrong United បានក្លាយជាម្ចាស់ជើងឯក Tiger Street Football 2020 ប្រចាំមណ្ឌលសៀមរាប
នៅទីបំផុតក្រុមបាល់ទាត់ Samrong United បានក្លាយជាម្ចាស់ជើងឯក Tiger Street Football 2020 ប្រចាំមណ្ឌលសៀមរាប ដែលជាមណ្ឌលទី២ ដោយយកឈ្នះក្រុមបាល់ទាត់គិរីដងរែកក្នុងលទ្ធផល៣ទល់០ វគ្គផ្តាច់ព្រ័ត្រ កាលពីថ្ងៃអាទិត្យ ។ ប្រធានក្រុម Samrong United កីឡាករ ហួត លាងហាប់ បានលើកឡើងថា នេះជាលើកទី៣ហើយ ដែលក្រុមខ្លួនបានពុះពារមកពីខេត្តឧត្តរមានជ័យមកប្រកួតនៅមណ្ឌលសៀមរាបនេះ ហើយ ការប្រជែងបានជាម្ចាស់ជើងឯកលើកទី៣នេះ គេសប្បាយរីករាយខ្លាំងណាស់ ព្រោះក្រុមគេនឹងឡើងទៅលេងនៅរាជធានីភ្នំពេញ ដើម្បីបានឱកាសជួបផ្ទាល់ជាមួយតារាបាល់ទាត់ពិភពលោក។ កីឡាករ ហួត លាងហាប់ អះអាងទៀតថា អ្វីដែលជាចំណុចខ្លាំងដែលធ្វើឲ្យក្រុមខ្លួនក្លាយជាម្ចាស់ជើងឯកប្រចាំមណ្ឌលសៀមរាប៣ឆ្នាំជាប់គ្នានេះ គឺដោយសារតែក្រុមរបស់គេមានកីឡាករនៅក្នុងក្រុមធ្លាប់លេងជាមួយគ្នាទម្រង់លេងគឺស៊ីសង្វាក់គ្នាល្អបូករួមទាំងការសាមគ្គីក្នុងក្រុមល្អផងនោះ ទើបធ្វើឲ្យក្រុមទទួលបានជោគជ័យ និងក្លាយជាជើងឯកប្រចាំមណ្ឌលសៀមរាប៣ឆ្នាំជាប់ៗគ្នា។ ប្រធានក្រុមរូបនេះ បញ្ជាក់ទៀតថាក្រុមបាល់ទាត់ Samrong United ខេត្ត ឧត្តរមានជ័យនេះ ធ្លាប់បានទៅលេងវគ្គផ្តាច់ព្រ័តនៅរាជធានីភ្នំពេញ២លើករួចមកហើយ ហើយលទ្ធផលគឺបិះឡើងដល់វគ្គកណ្តាលផ្តាច់ព្រ័ត្រ ហើយសម្រាប់លើកទី៣នេះ គេតាំងចិត្តដ៏មោះមុតថា និងពង្រឹងការហ្វឹកហាត់ឲ្យខ្លាំងបន្ថែមទៀត ដើម្បីឈានទៅដណ្តើមជើងឯកទូទាំងប្រទេសឲ្យបាន លើមុខមាត់ខេត្តឧត្តរមានជ័យ។ ជាមួយគ្នានេះ ប្រធានក្រុមរូបនេះ បានថ្លែងអំណរគុណដល់ក្រុមហ៊ុនស្រាបៀរ Tiger(CBL) ដែលបានបង្កើតព្រឹត្តិការណ៍ប្រកួតនេះឡើង បានផ្តល់ឱកាសឲ្យពួកគេបានបង្ហាញសមត្ថភាព ពិសេសបានបង្ហាញនូវក្តីស្រលាញ់ចំពោះបាល់ទាត់ដែលពួកយើងមាន ដើម្បីឈានទៅអភិវឌ្ឍខ្លួនក្លាយជាកីឡាករអាជីពនៅពេលខាងមុខ។ សម្រាប់មហាព្រឹត្តិការណ៍បាល់ទាត់ដ៍ធំប្រចាំប្រទេសកម្ពុជា គឺ Tiger Street Football
23 Jan 2020
Khmer News
ក្លឹប ភ្នំពេញក្រោន តែងតាំងលោក ស៊ុំ វណ្ណា ជាគ្រូបង្វឹកអចិន្ត្រៃយ៍
ក្លឹបបាល់ទាត់ភ្នំពេញក្រោន មានសេចក្តីសោមន្សរីករាយក្នុងការប្រកាសតែងតាំងលោក ស៊ុំ វណ្ណា ជាគ្រូបង្វឹកអចិន្ត្រៃយ៍សម្រាប់ក្រុមធំក្នុងការត្រៀមរដូវកាលថ្មីនេះ។ លោក ស៊ុំ វណ្ណា បានចូលរួមជាមួយក្លឹបបាល់ទាត់ភ្នំពេញក្រោន កាលពីរដូវកាល២០១៩ ក្នុងនាមជាជំនួយការគ្រូបង្វឹក និងបានប្រកាសតែងតាំងជាគ្រូបង្វឹកបណ្តោះអាសន្នជំនួសលោក Leonardo Vitorino ដែលត្រូវបានក្លឹបសម្រេចចែកផ្លូវកាលពីខែឧសភា។ ខណៈប្រកួតដំបូងក្នុងនាមជាគ្រូបង្វឹកបណ្តោះអាសន្នលោកបានដឹកនាំ ភ្នំពេញក្រោន ទទួលបានជ័យជម្នះ៣ទល់០ អគ្គស្នងការដ្ឋាននគរបាលជាតិ កាលពីថ្ងៃទី១២ ខែឧសភា ឆ្នាំ២០១៩។ ក្នុងនាមជាគ្រូបង្វឹកបណ្តោះអាសន្នពេញមួយរដូវកាល២០១៩ លោក ស៊ុំ វណ្ណា បានដឹកនាំក្រុមចំនួន២៥ប្រកួត ឈ្នះ១៦ ស្មើ៤ និង៥ គ្រប់ការប្រកួតពានរង្វាន់ទាំងអស់(លីគកំពូលកម្ពុជា និងពានរង្វាន់សម្តេចតេជោហ៊ុន សែន)។ គ្រូបង្វឹកវ័យ៣៩ឆ្នាំរូបនេះ បានសាងស្នាដៃនារដូវកាលដំបូងដោយជួយឲ្យក្រុមទទួលបានចំណាត់ថ្នាក់លេខ៣នៅក្នុងពានរង្វាន់សម្តេចអគ្គមហាសេនាបតីតេជោ ហ៊ុន សែន ឆ្នាំ២០១៩ និងបញ្ចប់ចំណាត់ថ្នាក់លេខ៦ ក្នុងលីគកំពូលកម្ពុជា៕
18 Jan 2020
Khmer News
ក្លិបបាល់ទាត់ភ្នំពេញក្រោន ចុះកិច្ចសន្យាជាមួយខ្សែបម្រើប្រយុទ្ធសញ្ជាតិកូឡុំប៊ី
ក្លិបបាល់ទាត់ភ្នំពេញក្រោន មានសេចក្តីសោមន្សរីករាយប្រកាសជាផ្លូវការចុះកិច្ចសន្យាជាមួយកីឡាករ Andrés Nieto និងក្លាយជាកីឡាករសញ្ជាតិកូឡុំប៊ី ដំបូងគេបង្អស់មកប្រកបអាជីពនៅកម្ពុជា។ ខ្សែបម្រើប្រយុទ្ធវ័យ២៣ឆ្នាំរូបនេះ នឹងក្លាយជាកីឡាករបរទេសទី២ដែលក្លិបភ្នំពេញក្រោន នាំយកសម្រាប់រដូវកាលថ្មីនេះ។ Nieto បានចាប់ផ្តើមហ្វឹកកហាត់បាល់ទាត់ចាប់តាំងពីអាយុ៥ឆ្នាំ ជាមួយក្លិប Ibague នៅស្រុកកំណើត។ ខណៈកីឡាករមកពីទ្វីបអាមេរិកឡាទីនរូបនេះ ក៏បានជំហ៊ានហ្វឹកហាត់ជាមួយសាលាបាល់ទាត់យុវជនថ្នាល Academia Toilimense ក្នុងនាមជាយុវជនថ្នាល មុនពេលវិវត្តិន៍ខ្លួនទៅជាកីឡាករអាជីពជាមួយក្លិប Deportes Tolima របស់កូឡ៉ំប៊ី។ បន្ទាប់មកបានធ្វើការចេញទៅប្រកបអាជីពនៅក្រៅស្រុកលើកដំបូងជាមួយក្លិប Real Frontera របស់ វ៉េណេស៊ុយអេឡា, Club 6 de Febrero, Atlético San Francisco និង O&M FC នៅសាធារណរដ្ឋដូមីនីកែន៕
25 Dec 2019
Khmer News
ឈិន ឈឿន ថាខ្លួនផ្លាស់មកកាន់ព្រះខ័នរាជស្វាយរៀងដោយសារមូលហេតុសំខាន់បំផុតមួយ
ខ្សែការពារស្លាបស្តាំ ឈិន ឈឿន បានបង្ហើបពីមូលហេតុដែលចាកចេញពីក្រសួងការពារជាតិ ផ្លាស់មកចូលរួមជាមួយ ព្រះខ័នរាជស្វាយរៀង គឺដោយសារតែការចង់លេងនៅក្នុងព្រឹត្តិការណ៍ AFC Cup នៅក្នុងអាជីពរបស់ខ្លួន។ ម្ចាស់អាវលេខ១៧នៅក្រុមជម្រើសជាតិបានបន្ថែមថា៖ “ខ្ញុំត្រូវស្វែងរកការប្រកួតប្រជែងថ្មីៗ និងទទួលបានបទពិសោធន៍បន្ថែមទៀត ការចាកចេញរបស់ខ្ញុំនឹងក្លាយជាឱកាសសម្រាប់កីឡាករយុវជនទទួលបានការលេងច្រើន។ ដោយឡែក វាជាឱកាសដ៏ល្អសម្រាប់ខ្ញុំក្នុងការលេងក្នុងពានរង្វាន់ AFC Cup ហើយអ្វីដែលសំខាន់បំផុតនោះគឺការលេងនៅក្នុងព្រឹត្តិការណ៍ AFC Cup ដែលយើងនឹងត្រូវជួបជាមួយក្លឹបបរទេស។” គួរឲ្យដឹងថា ព្រះខ័នរាជស្វាយរៀងគឺទើបតែទទួលបានសិទ្ធិចូលរួមប្រកួតពានរង្វាន់នេះពីសហព័ន្ធកីឡាបាល់ទាត់ទ្វីបអាស៊ីក្រោយក្លាយជាជើងឯកក្របខណ្ឌ Metfone Cambodian League 2019។ ព្រះខ័នរាជស្វាយរៀង នឹងទទួលភ្ញៀវជើងឯករងលីគកំពូលឡាវ ក្លិប Master 7 នៅថ្ងៃពុធ ទី២២ មករា សម្រាប់ជើងទីមួយ មុនទៅលេងនៅវៀងចន្ទន៍ ជើងទីពីរ ថ្ងៃពុធ ទី២៩ មករា។ ពូល G នេះមាន Ceres Negros របស់ហ្វីលីពីន, ក្លិបវៀតណាម Than Quang Ninh និង ក្លិបឥណ្ឌូនេស៊ី Bali
24 Dec 2019
