អតីតអ្នកចាត់ការ Leicester ឈ្នះ PL ពេលនេះកំពុងប្រជែងការងារនៅអាហ្វ្រិក
09 Sep 2019 - 13:28:28 SHARE
អតីតអ្នកចាត់ការ Leicester City ដែលបាននាំក្រុមឈ្នះជើងឯក Premier League ២០១៥-១៦ លោក Claudio Ranieri ត្រូវបានបញ្ចូលឈ្មោះក្នុងបញ្ជីប្រជែងយកតំណែងគ្រូបង្គោលក្រុមជម្រើសជាតិហ្គីណេដែលកំពុងទំនេរ ក្រោយលោក Paul Put ត្រូវបានបណ្ដេញចេញពីតំណែងបន្ទាប់ពីធ្លាក់ត្រឹមវគ្គ១៦ក្រុមចុងក្រោយ Africa Cup of Nations 2019។
លោក Paul Put ជនជាតិបែលហ្ស៊ិក បន្ទាប់មកក៏ត្រូវបានសហព័ន្ធកីឡាបាល់ទាត់ហ្គីណេដាក់បម្រាមមិនឱ្យពាក់ព័ន្ធសកម្មភាពបាល់ទាត់ក្នុងប្រទេសអាហ្វ្រិកមួយនេះអស់មួយជីវិតផងដែរដោយសារបានបំពានក្រមសីលធម៌និងវិន័យរបស់សហព័ន្ធ។
បុរសជនជាតិអ៊ីតាលីវ័យ៦៧ឆ្នាំ បានស្ថិតក្នុងចំណោមអ្នកដាក់ពាក្យ៨៧នាក់សម្រាប់តំណែងខាងលើ ហើយពេលនេះជាម្នាក់ក្នុងចំណោមគ្រូបង្វឹក១៧នាក់ចុងក្រោយដែលសហព័ន្ធកីឡាបាល់ទាត់ហ្គីណេបានជ្រើសរើសមកសម្ភាស។ លោក Ranieri ជាគ្រូបង្វឹកល្បីឈ្មោះជាងគេក្នុងចំណោមគ្រូទាំងអស់នោះ។
សហព័ន្ធកីឡាបាល់ទាត់ហ្គីណេបានបញ្ជាក់ថាម្ចាស់ពាន FIFA Coach of the Year 2016 ខាងលើ ត្រូវបានចាត់ឱ្យមកសម្ភាសនៅ Conakry នាថ្ងៃព្រហស្បតិ៍ទី១២ខែកញ្ញាឆ្នាំ២០១៩។
លោក Ranieri បានចាកចេញពីការងារចុងក្រោយនៅក្លិប Roma កាលពីខែឧសភា។ លោកមានប្រវត្តិដឹកនាំក្លិបជាច្រើនដូចជា Vigor Lamezia, Puteolana, Cagliari, Napoli, Fiorentina, Valencia (២ដង), Atletico Madrid, Chelsea, Parma, Juventus, Roma (២ដង), Inter Milan, Monaco, Nantes, Fulham និងធ្លាប់បង្វឹកក្រុមជម្រើសជាតិក្រិកក្នុងឆ្នាំ២០១៤ផងដែរ៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Comments
Related
Other News
Ballon d’Or សម្រាប់អ្នកចាំទី នឹងបង្កើតលើកដំបូងនៅឆ្នាំ ២០១៩នេះ
ទស្សនាវដ្តីកីឡាបាល់ទាត់បារាំង (France Football magazine) បានប្រកាសនៅថ្ងៃទី១៩ ខែកញ្ញាថា ពានរង្វាន់ Ballon d’Or សម្រាប់អ្នកចាំទីនឹងផ្តល់ឲ្យជាលើកដំបូងនៅឆ្នាំ ២០១៩នេះ។ ពានរង្វាន់ថ្មីនេះនឹងត្រូវដាក់ឈ្មោះ Yashin Trophy ដោយយកឈ្មោះតាមកីឡាកររបស់ក្រុមជម្រើសជាតិសូវៀត (សព្វថ្ងៃរុស្ស៊ី) លោក Lev Yashin ដែលជាអ្នកចាំទីតែមួយរូបគត់ដែលបានឈ្នះ Ballon d’Or។ Yashin ដែលកើតក្នុងក្រុងមូស្គូ និងទទួលមរណភាពក្នុងវ័យ៦០ ពោលគឺក្នុងតាំងពីឆ្នាំ១៩៩០ បានលេងឲ្យក្រុម Dynamo Moscow រយៈពេល២១រដូវកាល ហើយឈ្នះ Ballon d’Or ក្នុងឆ្នាំ១៩៦៣ ក្នុងនាមជាអ្នកចាំទីឆ្នើមជាងគេលើលោក។ Ballon d’Or សម្រាប់កីឡាករបុរសឆ្នើមបានបង្កើតឡើងជាលើកដំបូងតាំងពីឆ្នាំ១៩៥៦ ហើយលោក Stanley Matthews ជាអ្នកឈ្នះជ័យលាភីនេះមុនគេ។ Matthews ដែលជាកីឡាករបាល់ទាត់សញ្ជាតិអង់គ្លេស ទទួលបានសំឡេងឆ្នោតតាមរយៈអ្នកសារព័ត៌មាន ចំនួន៤៧សំឡេង នាំមុខគូប្រជែង Alfredo Di Stéfano ៣សំឡេង។ ក្រោយបង្កើតឡើងរយៈពេល៦២ឆ្នាំ នៅឆ្នាំ២០១៨ ពាននេះបានផ្តល់សម្រាប់ស្ត្រីផងដែរ ដោយកីឡាការិនីលោក
21 Sep 2019
Other News
បើកីឡាករ Ousmane Dembele មិនចាកចេញ Neymar គ្មានថ្ងៃចូល Barcelona បានឡេីយ
គោលដៅធំបំផុតរបស់ក្លឹប FC Barcelona ក្នុងពេលបច្ចុប្បន្ននេះគឺនៅតែជាកីឡាករ Neymar Jr ព្រោះក្លឹបហាក់ពុះកញ្រ្ជោលចង់ទាញយកអតីតកីឡាកររបស់ខ្លួនវិលត្រលប់មក Camp Nou ខ្លាំងណាស់។ បើតាមរបាយការណ៍ក្រៅស្រុកបានចុះផ្សាយថាការវិលត្រលប់របស់ខ្សែប្រយុទ្ធប្រេស៊ីលនឹងមិនអាចសម្រេចទៅបាននោះទេ ប្រសិនណាគ្មានការចាកចេញរបស់កីឡាករបារាំង Ousmane Dembele ចេញពីទឹកដី Camp Nou។ សារព័ត៌មាន Goal បានឲ្យដឹងថាលើកលែងណាដែល Barcelona ត្រូវកាត់បន្ថយតម្លៃពលកម្មដែលខ្លួនផ្តល់ជូនកីឡាករ ផ្ទុយទៅវិញបើមានការដំឡើងបន្ថែមទៀត នោះមានតែល្មើសច្បាប់ Financial Fair Play របស់ UEFA ជាក់ជាពុំខាន។ ស្រដៀងគ្នានេះកាលពីឆ្នាំទៅ Barca ធ្លាប់បានដាក់គោលដៅក្នុងការកាត់បន្ថយទំហំចំណាយលើថ្លៃពលកម្មពី ៦៧១ លានអឺរ៉ូ មកសល់ត្រឹម ៦៤២ លានអឺរ៉ូ បែបនេះប្រសិនចង់នាំចូលកីឡាករថ្មីបន្ថែមនោះពុំជាលទ្ធផលល្អនោះទេ។ ជារួមលុះត្រាតែការចរចារវាង PSG ដែលអាចនាំយក Dembele ទៅបានសិន ទើបរឿងរ៉ាវរបស់ Neymar អាចក្លាយជាផ្លែផ្កា៕ ប្រភព៖ BeSoccer
21 Sep 2019
Other News
អតីតខ្សែបម្រើ Anderson ម្ចាស់ពាន Golden Boy បានចូលនិវត្តន៍ក្នុងវ័យ៣១ឆ្នាំ
ខ្សែបម្រើ Anderson ម្ចាស់ពាន Golden Boy និងជាអតីតសមាជិកក្លិប Porto និង Manchester United បានចូលនិវត្តន៍ក្នុងវ័យ៣១ឆ្នាំ។ នេះតាមការទម្លាយឱ្យដឹងពីក្លិប Adana Demirspor នៃលីគទី២ទួរគីដែលជាក្លិបចុងក្រោយរបស់ Anderson។ ក្លិប Adana បន្ថែមថាថ្វីបើអតីតយុវជន Gremio រូបនេះឈប់លេងបាល់ទាត់អាជីពមែន តែគេបន្តនៅជាមួយក្លិបដោយធ្វើការផ្សេង ស្របពេលរូបគេក៏បញ្ចុះប្រាក់ខែពី៦០០,០០០អឺរ៉ូក្នុងមួយរដូវកាលមកត្រឹម២០០,០០០អឺរ៉ូផងដែរ។ Anderson ផ្ដើមសាងកេរ្តិ៍ឈ្មោះនៅអឺរ៉ុបពេលផ្លាស់ពីប្រទេសកំណើតមកលេងឱ្យ Porto ក្នុងឆ្នាំ២០០៦មុនវ័យ១៨ឆ្នាំ ហើយទាក់ភ្នែកលោក Sir Alex Ferguson ឱ្យទិញរូបគេទៅ Manchester United ក្នុងតម្លៃ៣០លានអឺរ៉ូ ស្មើនឹង២០លានផោនក្នុងខែកក្កដាឆ្នាំ២០០៧ ថ្វីបើគេរងរបួសបាក់ជើងក៏ដោយ។ ក្នុងឆ្នាំ២០០៨ គេបានឈ្នះពាន Golden Boy ដែលជាពានកីឡាករវ័យក្មេង(ក្រោម២១ឆ្នាំ)ល្អបំផុតប្រចាំទ្វីបអឺរ៉ុប ខណៈឆ្នាំ២០០៥ គេបានឈ្នះពានកីឡាករល្អបំផុតប្រចាំព្រឹត្តិការណ៍ FIFA U17 World Cup។ អំឡុងពេលនោះ គេបានលេងឱ្យជម្រើសជាតិក្រុមធំប្រេស៊ីល៨លើក បានលើកពាន Copa America 2007 ជួយ
21 Sep 2019
Other News
ខ្សែការពារ Bellerin ត្រឡប់ចូលលេងឱ្យ Arsenal វិញ ក្រោយខកខានលេងច្រើនខែ
ខ្សែការពារ Hector Bellerin បានចូលលេងសមជើងជាមួយក្រុមយុវជន U23 Arsenal វិញហើយ កាលពីយប់មិញ ក្រោយពីខកខានបង្ហាញខ្លួនលើទីលាន២៤៤ថ្ងៃមកនេះ។ កីឡាករអេស្ប៉ាញរូបនេះ មានបញ្ហារបួសជង្គង់ធ្ងន់ធ្ងរ ដែលតម្រូវឱ្យគេសម្រាកព្យាបាលរយៈពេលយូរ។ ក្រោយពីចំណាយពេល២៤៤ថ្ងៃមក ពេលនេះខ្សែការពារល្បឿនលឿនចាប់ផ្ដើមអាចចូលលេងបានហើយ ដោយជាដំបូងនេះ លោក Emery បានដាក់គេឱ្យលេងនៅ U23 សិន ដើម្បីសមកម្លាំង និងការលេងលើទីលាន។ មិនត្រឹមតែ Bellerin ម្នាក់ទេ ខ្សែការពារ Tierney ដែលរងរបួសយូរមកហើយដែរនោះ ក៏បានចូលលេងនៅឈុត U23 នេះដែរ។ យប់មិញ ពួកគេលេងបាន៦៣នាទី ក្នុងការប្រកួតស្មើក្រុម Wolves ២-២ ។ លោក Emery រំពឹងថាខ្សែការពារទាំងពីរនាក់នឹងអាចចូលលេងបានវិញសម្រាប់ការប្រកួតរបស់ក្រុម Arsenal នៅសប្ដាហ៍ក្រោយ៕
21 Sep 2019
Other News
អ្នកចាត់ការ Leicester City ថាលោកនឹងមិនប្ដូរកូនក្រុមមួយរូបរបស់ខ្លួន ជាមួយ Harry Kane ឡើយ
អ្នកចាត់ការក្លឹប Leicester City លោក Brendan Rodgers ថាលោកនឹងមិនប្ដូរ Harry Kane ជាមួយនឹងកូនក្រុម Jamie Vardy ឡើយ
21 Sep 2019
Other News
លោក Jurgen Klopp មិនអស់ចិត្តរឿងមួយក្រោយ Liverpool ចាញ់ Napoli លទ្ធផល 2-0
លោក Jurgen Klopp អ្នកចាត់ការនៅក្លឹបក្លឹបហង្សក្រហម Liverpool មានការខកចិត្តចំពោះការសំរេចផ្ដល់បាល់ប៉េណាល់ទីទៅឱ្យក្រុម Napoli ដែលជួយពួកគេទទួលបានជ័យជំនះ ២-០ នៅក្នុងការប្រកួតបើកឆាក Champions League។ ខ្សែប្រយុទ្ធ Jose Callejon របស់ក្រុមម្ចាស់ផ្ទះ បានដួលនៅក្នុងតំបន់គ្រោះថ្នាក់ ក្រោយមានការប៉ះទង្គិចបន្ដិចបន្ដួចពីខ្សែការពារ Andy Robertson ហើយបាល់ប៉េណាល់ទីត្រូវបានផ្ដល់ឱ្យ បន្ទាប់ពីពិនិត្យវីដេអូជំនួយអាជ្ញាកណ្ដាល(VAR)។ Dries Mertens ស៊ុតបាល់១១ម៉ែត្របានសំរេច មុនពេលដែល Fernando Llorente រកបានគ្រាប់ទី២ មុនការប្រកួតបញ្ចប់។ ក្រោយចប់ការប្រកួតលោក Klopp បាននិយាយថា៖ “សំរាប់ខ្ញុំ វាច្បាស់ និង ប្រាកដណាស់ មិនមានប៉េណាល់ទីទេ ព្រោះ Callejon បានលោតមុនពេលមានការប៉ះទង្គិច។ ប៉ុន្ដែយើងមិនអាចផ្លាស់ប្ដូរវាបានទេ ដូច្នេះយើងត្រូវរិះគន់ខ្លួនឯងវិញ។ យើងធ្វើបានល្អ នៅក្នុងការប្រកួតប៉ុន្ដែយើងបញ្ចប់ទីមិនបានល្អ។ “នៅក្នុងតង់ទី២ ការប្រកួតបានពុះកញ្ជ្រោល ហើយយើងបានធ្វើឱ្យរបូតបាល់ប៉េណាល់ទី។ ជាការពិត វាមិនអាចជួយបាននោះទេ ហើយខ្ញុំបានឃើញនឹងភ្នែក ខ្ញុំមិនគិតថាវាគួរតែជាបាល់ប៉េណាល់ទីនោះទេ។”
21 Sep 2019
