តាមការប្រកាសរបស់ក្លិបបឹងកេត បានឱ្យដឹងថា អ្នកចាំទី ដៃទីមួយ គឹម មករា បានរងរបួស ដាច់សរសៃជង្គង់ស្តាំ អំឡុងពេលហ្វឹកហាត់ មុនបើករដូវកាលថ្មីជាមួយក្លិប។

photo of គឹម មករា
អ្នកចាំទី ដៃទីមួយ គឹម មករា រងរបួសដាច់សរសៃជង្គង់ អំឡុងពេលហ្វឹកហាត់

តាមការបញ្ជាក់លើវិបសាយរបស់បឹងកេត របួសរបស់អ្នកចាំទីរូបនេះ អាចនឹងប្រើប្រាស់រយៈពេលយូរដើម្បីជាសះស្បើយ និងត្រឡប់ចូលទីលានវិញ ហើយតាមរយៈគ្រូបង្វឹកលោក ហៅ សុជាតិ បានអះអាងថា រូបគេអាចនឹងប្រឈមមុខជាមួយអវត្តមាន ១រដូវកាលពេញ។

គួររំលឹកថា ក្រោយការចាកចេញរបស់ អ្នកចាំទីឆ្នើម ស៊ូ យ៉ាទី ទៅកាន់ក្លិបណាហ្គាវើល បឹងកេត ពុំទាន់រកបានអ្នកចាំទីមកជំនួសបាននៅឡើយទេ ខណៈដែលកន្លងមក ក្លិបបាននាំយកអ្នកចាំទីមកពីសាលាបាល់ទាត់ជាតិបាទី គឺ ហ៊ុល គឹមហុយ ៕